Y-Đaniel 4:9 - Klei Aê Diê Blŭ 2015

⁹ “Ơ Y-Beltisasar, khua kơ phung mdian, kyuadah kâo thâo mngăt myang phung yang doh jăk dôk hlăm ih, leh anăn amâo mâo sa klei hgăm jing dleh đei kơ ih ôh, snăn hưn bĕ kơ kâo klei kâo êpei ƀuh leh anăn mblang bĕ.

Y-Đaniel 4:9 Iomraidhean Croise

Klei Mphŭn Dơ̆ng 41:38

Pharaôn lač kơ phung dĭng buăl ñu, “Dưi mơ̆ drei duah sa čô mnuih mkăn msĕ si pô anei, sa čô mâo mngăt myang Aê Diê dôk hlăm ñu?”

Y-Êsai 33:18

Ai tiê ih srăng dôk mĭn kơ klei kreh bi huĭ: “Ti pô tĭng prăk? Ti pô mkă prăk jia? Ti pô yap sang tum?”

Y-Êsai 54:14

Kâo srăng bi kjăp ih hŏng klei kpă ênô; ih srăng dôk kbưi hŏng klei arăng ktư̆ juă, kyuadah ih amâo srăng huĭ ôh, leh anăn dôk kbưi hŏng klei bi huĭ, kyuadah klei anăn amâo srăng hriê giăm ih ôh.

Y-Êsêkiêl 17:23

Kâo srăng pla dŏ anăn ti čŏng čư̆ Israel, čiăng kơ dŏ anăn čăt adhan leh anăn mâo boh, leh anăn jing sa ƀĕ kyâo sêdar siam jăk. Ti gŭ ana kyâo anăn djăp mta čĭm srăng dôk; hlăm êyui adhan ñu djăp mta čĭm srăng ngă hruh.

Y-Êsêkiêl 28:3

Nĕ anei, ih knhâo hĭn kơ Y-Đaniel mơ̆? Amâo mâo sa mnơ̆ng jing hgăm kơ ih ôh hĕ?

Y-Đaniel 1:20

Leh anăn tơdah mtao êmuh kơ diñu kơ jih jang klei knhâo leh anăn klei thâo săng, gơ̆ ƀuh diñu pluh blư̆ thâo hĭn kơ jih phung mdian leh anăn phung ksiêm mtŭ hlăm jih ƀuôn ala mtao gơ̆.

Y-Đaniel 2:47

Mtao lač kơ Y-Đaniel, “Sĭt nik Aê Diê ih jing Aê Diê kơ phung yang, Khua Yang kơ phung mtao, Pô bi êdah klei hgăm, kyuadah ih dưi bi êdah leh klei hgăm anei.”

Y-Đaniel 2:48

Snăn mtao bi mđĭ Y-Đaniel leh anăn brei kơ ñu lu dŏ yuôm, leh anăn brei ñu kiă kriê jih čar Ƀaƀilôn leh anăn jing khua kơ jih jang phung thâo mĭn hlăm čar Ƀaƀilôn.

Y-Đaniel 4:18

Kâo gơ̆ mtao Nebukatnetsar ƀuh klei êpei anăn. Snăn Ơ Y-Beltisasar, hưn bĕ kơ kâo klei mblang kơ klei anăn, kyuadah jih jang phung thâo mĭn hlăm ƀuôn ala mtao amâo dưi bi êdah kơ kâo klei mblang ôh, ƀiădah ih dưi, kyuadah mngăt myang phung yang doh jăk dôk hlăm ih.”

Y-Đaniel 4:5

Êjai kâo đih ti jhưng pĭt kâo mâo sa klei êpei bi huĭ kâo; klei mĭn leh anăn klei kâo bi ƀuh bi rŭng kâo.

Y-Đaniel 4:8

Ti knhal tuč, Y-Đaniel hriê ti anăp kâo — pô arăng pia Y-Beltisasar tui si anăn yang kâo, mngăt myang phung yang doh jăk dôk hlăm ñu. Kâo hưn kơ ñu klei kâo êpei ƀuh, lač,

Y-Đaniel 5:11

Hlăm ƀuôn ala mtao ih mâo sa čô mnuih mâo mngăt myang phung yang doh jăk dôk hlăm ñu. Hlăm ênuk ama ih arăng ƀuh hlăm pô anăn klei mngač, klei thâo săng, leh anăn klei knhâo msĕ si klei knhâo phung yang. Snăn mtao Nebukatnetsar ama ih, ama ih mtao, mjing ñu khua kơ phung mdian, phung mjâo, leh anăn phung ksiêm mtŭ.

I Y-Samuel 4:8

Knap mñai yơh kơ drei, hlei pô dưi bi mtlaih drei kơ klei myang phung yang jhŏng ktang anăn? Phung yang anăn čăm leh phung Êjip hŏng djăp mta klei bi knap hlăm kdrăn tač.