Y-Đaniel 4:5 - Klei Aê Diê Blŭ 2015

⁵ Êjai kâo đih ti jhưng pĭt kâo mâo sa klei êpei bi huĭ kâo; klei mĭn leh anăn klei kâo bi ƀuh bi rŭng kâo.

Y-Đaniel 4:5 Iomraidhean Croise

Klei Mphŭn Dơ̆ng 41:1

Leh êgao dua thŭn liăp, Pharaôn êpei kơ ñu dôk dơ̆ng ti hang êa krông Nil.

Y-Đaniel 1:7

Khua phung dĭng buăl kriâo bi anăn Y-Beltisasar kơ Y-Đaniel, Y-Sadrak kơ Y-Hanania, Y-Mêsăk kơ Y-Misaêl, leh anăn Y-Abetnêgô kơ Y-Asaria.

Y-Đaniel 2:1

Thŭn tal dua ênuk ñu kiă kriê, mtao Nebukanetsar mâo klei êpei ƀuh. Ai mĭn ñu rŭng răng leh anăn ñu amâo dưi pĭt ôh.

Y-Đaniel 2:3

Mtao lač kơ diñu, “Kâo mâo klei êpei ƀuh, leh anăn kâo rŭng răng čiăng thâo săng klei êpei anăn.”

Y-Đaniel 4:10

Nĕ anei klei kâo bi ƀuh êjai kâo dôk đih ti jhưng pĭt: kâo dlăng leh anăn, nĕ anei mâo sa ƀĕ ana kyâo dlông snăk ti krah lăn ala.

Y-Đaniel 4:13

Kâo dlăng hlăm klei bi ƀuh êjai kâo dôk đih ti jhưng pĭt, leh anăn nĕ anei, mâo sa čô pô gak, sa čô doh jăk trŭn mơ̆ng adiê.

Y-Đaniel 4:15

Ƀiădah lui kpơ̆ng leh anăn agha ñu hlăm lăn, kă hŏng klei msei leh anăn kông ti krah rơ̆k mda hlăm hma. Brei ñu msah hŏng êa nguôm mơ̆ng adiê, leh anăn brei ñu dôk mbĭt hŏng hlô dliê ti krah kdrăn rơ̆k ti rŏng lăn ala.

Y-Đaniel 4:19

Leh anăn Y-Đaniel, pô arăng pia Y-Beltisasar, amâo dưi blŭ ôh êjai sui, leh anăn klei ñu mĭn bi rŭng ñu. Mtao lač, “Ơ Y-Beltisasar, đăm brei klei êpei amâodah klei mblang kơ ñu bi rŭng ih ôh.” Y-Beltisasar lŏ wĭt lač, “Ơ khua kâo, brei klei êpei anei truh kơ phung bi êmut kơ ih, leh anăn klei mblang kơ ñu djŏ kơ phung roh hŏng ih!

Y-Đaniel 5:10

Kyua klei mtao leh anăn phung khua ñu blŭ, mtao mniê mŭt hlăm adŭ huă mnăm. Mtao mniê lač, “Ơ mtao, brei ih dôk hdĭp hlŏng lar! Đăm brei klei ih mĭn bi rŭng ih, kăn brei ƀô̆ mta ih bi mlih rei.

Y-Đaniel 5:11

Hlăm ƀuôn ala mtao ih mâo sa čô mnuih mâo mngăt myang phung yang doh jăk dôk hlăm ñu. Hlăm ênuk ama ih arăng ƀuh hlăm pô anăn klei mngač, klei thâo săng, leh anăn klei knhâo msĕ si klei knhâo phung yang. Snăn mtao Nebukatnetsar ama ih, ama ih mtao, mjing ñu khua kơ phung mdian, phung mjâo, leh anăn phung ksiêm mtŭ.

Y-Đaniel 7:1

Thŭn tal sa Y-Belsasar mtao čar Ƀaƀilôn, Y-Đaniel mâo klei êpei ƀuh êjai ñu dôk đih ti jhưng pĭt. Ñu čih klei ñu êpei ƀuh leh anăn yăl dliê klei anăn.

Y-Đaniel 7:28

Tinei tuč klei yăl dliê anei. Bi kâo dê Y-Đaniel, klei mĭn kâo rŭng răng lu, ƀô̆ mta kâo bi mlih hĕ; ƀiădah kâo djă pioh jih klei anăn hlăm ai tiê kâo.”