Y-Đaniel 4:34 - Klei Aê Diê Blŭ 2015

³⁴ Ti knhal tuč hruê bi kčah anăn, kâo gơ̆ Y-Nebukatnetsar angưi ală phă adiê, leh anăn klei thâo săng lŏ wĭt kơ kâo, leh anăn kâo mpŭ mni kơ Pô Ti Dlông Hĭn. Kâo bi mni leh anăn mpŭ kơ Pô dôk hdĭp hlŏng lar. Kyuadah klei Ñu kiă kriê dôk hlŏng lar, leh anăn ƀuôn ala mtao Ñu dôk hlăm jih jang ênuk.

Y-Đaniel 4:34 Iomraidhean Croise

II Y-Samuel 22:31

Aê Diê anei — êlan Ñu jing klă; klei Yêhôwa ƀuăn truh sĭt; Ñu jing khil kơ jih jang phung đuĕ dăp hlăm Ñu.

I Klei Yăl Dliê 29:10

Kyua anăn Y-Đawit mpŭ mni kơ Yêhôwa ti anăp jih jang phung bi kƀĭn; leh anăn ñu lač: “Mpŭ mni kơ ih, Ơ Yêhôwa, Aê Diê Y-Israel aê hmei nanao hlŏng lar!

I Klei Yăl Dliê 29:13

Ară anei hmei bi mni kơ ih, Ơ Aê Diê hmei, leh anăn mpŭ mni kơ anăn guh kơang ih.

Y-Yôp 1:21

Ñu lač, “Kâo kbiă mơ̆ng tian amĭ kâo lưng mlŭn, leh anăn kâo srăng đuĕ nao lưng mlŭn mơh; Yêhôwa brei, leh anăn Yêhôwa lŏ sua mă leh; hơêč hmưi bi mni kơ anăn Yêhôwa.”

Klei Mmuñ Hđăp 10:16

Yêhôwa jing Mtao nanao hlŏng lar; phung găp djuê mnuih srăng rai tuč mơ̆ng čar Ñu.

Klei Mmuñ Hđăp 102:24

Kâo lač, Ơ Aê Diê kâo, đăm brei kâo djiê ôh êlâo kơ kâo mduôn; Ih dôk hdĭp hlăm jih jang ênuk.

Klei Mmuñ Hđăp 107:15

Brei diñu bi mni kơ Yêhôwa kyua klei khăp Ñu, kyua bruă yuôm bhăn Ñu ngă leh kơ phung anak mnuih!

Klei Mmuñ Hđăp 107:22

Brei digơ̆ myơr mnơ̆ng ngă yang klei bi mni, leh anăn yăl dliê bruă Ñu hŏng klei mmuñ hơ̆k.

Klei Mmuñ Hđăp 107:31

Brei diñu bi mni kơ Yêhôwa kyua klei khăp Ñu, kyua bruă yuôm bhăn Ñu ngă leh kơ phung anak mnuih!

Klei Mmuñ Hđăp 107:8

Brei phung anăn bi mni kơ Yêhôwa kyua klei khăp Ñu, kyua bruă yuôm bhăn Ñu ngă leh kơ phung anak mnuih!

Klei Mmuñ Hđăp 111:7

Bruă kngan Ñu jing sĭt suôr leh anăn kpă; arăng dưi knang kơ jih klei Ñu čih leh.

Klei Mmuñ Hđăp 121:1

Kâo srăng kngưr ală phă čư̆; mơ̆ng klei đru kâo srăng kbiă hriê?

Klei Mmuñ Hđăp 123:1

Ơ Pô dôk ti jhưng mtao hlăm adiê, kơ Ih yơh kâo kngưr ală!

Klei Mmuñ Hđăp 145:13

Ƀuôn ala mtao Ih jing ƀuôn ala mtao hlŏng lar, leh anăn klei Ih kiă kriê dôk hlăm jih jang ênuk. Yêhôwa jing sĭt suôr hŏng jih klei Ñu ƀuăn, leh anăn khăp kơ jih jang mnơ̆ng Ñu hrih.

Klei Mmuñ Hđăp 146:10

Yêhôwa srăng kiă kriê hlŏng lar, Aê Diê ih, Ơ ƀuôn Siôn, kiă kriê hlăm jih jang ênuk. Bi mni bĕ kơ Yêhôwa!

Klei Mmuñ Hđăp 50:14

Myơr klei bi mni kơ Aê Diê jing mnơ̆ng ngă yang, leh anăn bi sĭt klei diih ƀuăn hŏng Pô Ti Dlông Hĭn;

Klei Mmuñ Hđăp 66:7

Ñu kiă kriê hlŏng lar hŏng klei myang Ñu, ală Ñu čuă dlăng phung găp djuê mnuih. Đăm brei phung bi kdơ̆ng bi mđĭ digơ̆ pô ôh. (Sêla)

Klei Mmuñ Hđăp 7:17

Kâo srăng bi mni kơ Yêhôwa kyua klei kpă ênô Ñu, kâo srăng mmuñ bi mni kơ anăn Yêhôwa, Pô Ti Dlông Hĭn.

Klei Mmuñ Hđăp 9:2

Kâo srăng hơ̆k leh anăn mơak hlăm Ih, kâo srăng mmuñ bi mni kơ anăn Ih, Ơ Pô Ti Dlông Hĭn.

Klei Mmuñ Hđăp 92:1

Jing jăk êdi yơh bi mni kơ Yêhôwa, leh anăn mmuñ bi mni kơ anăn Ih, Ơ Pô Ti Dlông Hĭn;

Y-Êsai 13:11

Kâo srăng bi kmhal lăn ala kyua klei jhat diñu, leh anăn phung ƀai kyua klei wê diñu. Kâo srăng bi ruê̆ klei mgao phung krưh, leh anăn Kâo srăng mdlưh klei mgao phung ngă ƀai.

Y-Êsai 2:11

Ală mnuih krưh arăng srăng mdlưh leh anăn arăng srăng bi luă gŭ phung mgao. Knŏng hjăn Yêhôwa srăng mâo klei bi mđĭ hlăm hruê anăn.

Y-Êsai 24:15

Kyuanăn brei klei guh kơang kơ Yêhôwa hlăm čar ngŏ, hlăm čar hang êa ksĭ brei klei guh kơang kơ anăn Yêhôwa Aê Diê Israel.

Y-Yêrêmi 10:10

Ƀiădah Yêhôwa jing Aê Diê sĭt; Ñu jing Aê Diê hdĭp leh anăn Mtao dôk hlŏng lar. Tơdah Ñu ngêñ, lăn ala ktư̆ yơ̆ng, leh anăn phung găp djuê mnuih amâo dưi tŭ ôh klei Ñu ăl.

Klei Čŏk Hia 3:38

Amâo djŏ hĕ mơ̆ng ƀăng êgei Pô Ti Dlông Hĭn kbiă hriê klei jăk leh anăn klei jhat?

Y-Đaniel 12:7

Mnuih hơô ao kbuă điêt aruăt dôk ti dlông êa krông yơr kngan hnuă leh anăn kngan điâo ñu phă adiê, leh anăn kâo hmư̆ ñu kat asei hŏng pô dôk hdĭp nanao hlŏng lar, lač, “Srăng jing sa yan, dua yan, leh anăn mkrah yan; leh anăn tơdah klei ktang phung doh jăk arăng bi ruê̆ leh, jih klei anei srăng bi sĭt.”

Y-Đaniel 2:44

Hlăm ênuk phung mtao anăn, Aê Diê hlăm adiê srăng mdơ̆ng sa boh ƀuôn ala mtao amâo srăng tuôm rai luč ôh, kăn klei kiă kriê anăn srăng lĕ kơ găp djuê mkăn rei, ƀiădah ƀuôn ala mtao Aê Diê srăng bi mčah leh anăn bi rai jih jang ƀuôn ala mtao anei, leh anăn ñu srăng dôk nanao hlŏng lar.

Y-Đaniel 4:2

Kâo mĭn jăk bi êdah klei bi knăl leh anăn klei yuôm bhăn Aê Diê Pô Ti Dlông Hĭn ngă leh kơ kâo.

Y-Đaniel 4:26

Msĕ si arăng mtă brei lui kpơ̆ng leh anăn agha ana kyâo, ƀuôn ala mtao ih srăng pioh kơ ih tơl leh ih thâo kơ Pô kiă kriê jih adiê.

Y-Đaniel 4:3

Klei bi knăl Ñu prŏng snăk, klei yuôm bhăn Ñu ktang êdi! Ƀuôn ala mtao Ñu dôk nanao hlŏng lar, leh anăn klei Ñu kiă kriê dôk hlăm jih jang ênuk.”

Y-Đaniel 4:32

Arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô êjai kjuh yan, tơl ih thâo săng Pô Ti Dlông Hĭn kiă kriê hlăm ƀuôn ala mtao mnuih leh anăn brei kơ hlei pô ñu čiăng.”

Y-Đaniel 4:36

Mmông anăn klei thâo săng lŏ wĭt kơ kâo, leh anăn kyua klei guh kơang ƀuôn ala mtao kâo, klei kdrăm leh anăn klei guh kơang kâo lŏ wĭt kơ kâo. Phung khua kčĕ leh anăn phung khua bruă kâo lŏ duah kâo. Arăng lŏ bi kjăp kâo hlăm ƀuôn ala mtao kâo, leh anăn lŏ thiăm kơ kâo klei prŏng hĭn.

Y-Đaniel 5:18

Ơ mtao, Aê Diê Pô Ti Dlông Hĭn brei leh kơ Y-Nebukatnetsar ama ih ƀuôn ala mtao, klei jing prŏng, klei guh kơang, leh anăn klei kdrăm.

Y-Đaniel 5:21

Arăng suôt ñu mơ̆ng ti krah phung mnuih, leh anăn brei klei mĭn ñu jing msĕ si klei mĭn hlô dliê; leh anăn ñu dôk mbĭt hŏng aseh dliê. Arăng čiêm ñu hŏng rơ̆k msĕ si êmô, leh anăn asei mlei ñu msah hŏng êa nguôm mơ̆ng adiê tơl ñu thâo Aê Diê Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu mđĭ hlei pô Ñu čiăng brei kiă kriê.

Y-Đaniel 6:26

Kâo brei klei mtă tar ƀar anôk hlăm ƀuôn ala mtao kâo brei mnuih ktư̆ yơ̆ng leh anăn huĭ ti anăp Aê Diê Y-Đaniel, Kyuadah Ñu jing Aê Diê hdĭp, Ñu dôk hlŏng lar; ƀuôn ala mtao Ñu amâo thâo rai tuč ôh, leh anăn klei Ñu kiă kriê srăng dôk hlŏng lar.

Y-Đaniel 7:14

Aê Diê brei kơ Gơ̆ klei dưi kiă kriê, klei guh kơang leh anăn ƀuôn ala mtao, čiăng kơ jih jang phung ƀuôn sang, phung găp djuê mnuih, leh anăn phung blŭ klei mdê mdê srăng mă bruă kơ Ñu. Klei Ñu kiă kriê dôk nanao hlŏng lar, amâo srăng êgao tuč ôh, leh anăn ƀuôn ala mtao Ñu amâo srăng rai ôh.”

Y-Đaniel 7:27

Leh anăn arăng srăng jao ƀuôn ala mtao, klei dưi kiă kriê, leh anăn klei prŏng jih jang ƀuôn ala mtao ti gŭ jih adiê kơ phung doh jăk, phung ƀuôn sang Pô Ti Dlông Hĭn. Ƀuôn ala mtao Ñu srăng jing ƀuôn ala mtao dôk hlŏng lar, leh anăn jih jang phung kiă kriê srăng mă bruă leh anăn gưt kơ Ñu.’

Y-Đaniel 9:14

Kyuanăn Yêhôwa mkra leh klei jhat anei leh anăn bi truh klei anăn kơ hmei leh; kyuadah Yêhôwa Aê Diê hmei jing kpă ênô hlăm jih jang bruă Ñu ngă, ƀiădah hmei amâo tuôm gưt asăp Ñu ôh.

Y-Yôna 1:14

Kyuanăn diñu ur kơ Yêhôwa, “Ơ Yêhôwa, hmei kwưh kơ Ih, đăm brei hmei rai luč kyua klei hdĭp mnuih anei ôh, leh anăn đăm bi lĕ kơ hmei êrah amâo mâo soh ôh; kyuadah Ih, Ơ Yêhôwa, ngă leh klei bi mơak kơ Ih.”

Y-Mika 4:7

Kâo srăng brei phung đŏng dlơt jơ̆ng jing phung adôk, leh anăn brei phung arăng suôt leh jing sa găp djuê jhŏng ktang; leh anăn Yêhôwa srăng kiă kriê diñu ti čư̆ Siôn mơ̆ng anăn hlŏng lar.

Y-Luk 1:33

Ñu srăng kiă kriê găp djuê Y-Yakôp nanao hlŏng lar, leh anăn ƀuôn ala mtao Ñu amâo srăng thâo tuč ôh.”

Y-Luk 18:13

Ƀiădah pô rĭng jia dôk kbưi hŏng ñu amâo jhŏng kngưr ală gơ̆ kơ adiê ôh, ƀiădah gơ̆ tŭk đah da, lač, ‘Ơ Aê Diê, pap mñai kơ kâo sa čô mnuih soh!’

Y-Yôhan 5:26

Kyuadah msĕ si Ama mâo klei hdĭp hlăm Ñu pô, msĕ snăn mơh Ñu brei leh kơ Anak mâo klei hdĭp hlăm Gơ̆ pô.

Klei Mtô Mñă Klei Bhiăn 32:4

Ñu jing Boh Tâo Prŏng, bruă Ñu jing klă, kyuadah jih jang êlan Ñu jing kpă. Aê Diê Pô sĭt suôr leh anăn amâo mâo klei wê ôh, Ñu jing kpă leh anăn djŏ.

I Y-Timôthê 1:17

Kơ mtao hlăm jih jang ênuk, Pô amâo thâo djiê, Pô arăng amâo dưi ƀuh ôh, knŏng hjăn Ñu jing Aê Diê, brei klei mpŭ leh anăn klei guh kơang hlŏng lar. Amen.

I Y-Timôthê 6:16

knŏng hjăn Ñu yơh mâo klei amâo thâo djiê, leh anăn dôk hlăm klei mngač arăng amâo dưi nao giăm, Pô mnuih amâo tuôm ƀuh ôh, kăn dưi ƀuh rei. Kơ Ñu yơh brei klei mpŭ leh anăn klei myang hlŏng lar. Amen.

Klei Bi Êdah 10:6

leh anăn kat asei hŏng Pô dôk hdĭp hlăm jih jang ênuk, Pô hrih leh adiê leh anăn jih jang mnơ̆ng hlăm adiê, lăn ala leh anăn jih jang mnơ̆ng hlăm lăn ala, leh anăn êa ksĭ leh anăn mnơ̆ng hlăm êa ksĭ, amâo srăng lŏ bi krư̆i ôh,

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”

Klei Bi Êdah 4:10

phung dua pluh pă čô khua mduôn buôn ti anăp Pô dôk gŭ ti jhưng mtao, leh anăn kkuh mpŭ kơ Pô dôk hdĭp hlăm jih jang ênuk. Diñu dưm đuôn mtao diñu ti anăp jhưng mtao êjai mmuñ,

Klei Bi Êdah 4:9

Tơdah mnơ̆ng hdĭp brei klei guh kơang, klei mpŭ, leh anăn klei bi mni kơ Pô dôk gŭ ti jhưng mtao, kơ Pô dôk hdĭp hlăm jih jang ênuk,