Y-Đaniel 4:3 - Klei Aê Diê Blŭ 2015

³ Klei bi knăl Ñu prŏng snăk, klei yuôm bhăn Ñu ktang êdi! Ƀuôn ala mtao Ñu dôk nanao hlŏng lar, leh anăn klei Ñu kiă kriê dôk hlăm jih jang ênuk.”

Y-Đaniel 4:3 Iomraidhean Croise

Y-Yôp 25:2

“Klei dưi leh anăn klei bi huĭ jing dŏ Aê Diê; Ñu bi truh klei êđăp ênang hlăm adiê Ñu ti dlông.

Klei Mmuñ Hđăp 104:24

Ơ Yêhôwa, bruă Ih lu êdimima! Ih ngă diñu jih hŏng klei thâo mĭn; lăn ala bŏ leh hŏng mnơ̆ng Ih hrih.

Klei Mmuñ Hđăp 105:27

Digơ̆ bi êdah klei bi knăl Yêhôwa ti krah phung anăn, leh anăn ngă klei yuôm bhăn hlăm čar Čam.

Klei Mmuñ Hđăp 145:13

Ƀuôn ala mtao Ih jing ƀuôn ala mtao hlŏng lar, leh anăn klei Ih kiă kriê dôk hlăm jih jang ênuk. Yêhôwa jing sĭt suôr hŏng jih klei Ñu ƀuăn, leh anăn khăp kơ jih jang mnơ̆ng Ñu hrih.

Klei Mmuñ Hđăp 66:7

Ñu kiă kriê hlŏng lar hŏng klei myang Ñu, ală Ñu čuă dlăng phung găp djuê mnuih. Đăm brei phung bi kdơ̆ng bi mđĭ digơ̆ pô ôh. (Sêla)

Klei Mmuñ Hđăp 72:18

Mpŭ mni kơ Yêhôwa Aê Diê phung Israel, knŏng Ñu pô ngă bruă yuôm bhăn.

Klei Mmuñ Hđăp 77:19

Ih êbat ti êa ksĭ, Ih găn ti êa êlam, ƀiădah kru jơ̆ng Ih arăng amâo ƀuh ôh.

Klei Mmuñ Hđăp 86:10

Kyuadah Ih jing prŏng leh anăn ngă bruă yuôm bhăn; knŏng hjăn Ih yơh jing Aê Diê.

Klei Mmuñ Hđăp 92:5

Ơ Yêhôwa, bruă Ih prŏng êdi! Klei mĭn Ih êlam êdi.

Y-Êsai 25:1

Ơ Yêhôwa, Ih jing Aê Diê kâo; kâo srăng mpŭ mni kơ Ih, kâo srăng bi mni kơ anăn Ih, kyuadah Ih ngă leh klei yuôm bhăn, hdră Ih mkra leh mơ̆ng ênuk đưm hŏng klei sĭt suôr leh anăn sĭt klă.

Y-Êsai 28:29

Klei anăn msĕ mơh kbiă mơ̆ng Yêhôwa kơ phung kahan, Ñu jing Pô kčĕ yuôm bhăn, leh anăn Pô thâo mĭn snăk.

Y-Êsai 9:7

Amâo srăng mâo knhal ôh kơ klei đĭ kyar klei Ñu kiă kriê leh anăn klei êđăp ênang, ti jhưng mtao Y-Đawit leh anăn kơ ƀuôn ala mtao Ñu, čiăng bi kjăp leh anăn krơ̆ng gơ̆ hŏng klei djŏ leh anăn hŏng klei kpă ênô mơ̆ng hruê anăn nanao hlŏng lar. Klei hur har Yêhôwa kơ phung kahan srăng ngă sĭt klei anăn.

Y-Yêrêmi 10:10

Ƀiădah Yêhôwa jing Aê Diê sĭt; Ñu jing Aê Diê hdĭp leh anăn Mtao dôk hlŏng lar. Tơdah Ñu ngêñ, lăn ala ktư̆ yơ̆ng, leh anăn phung găp djuê mnuih amâo dưi tŭ ôh klei Ñu ăl.

Y-Đaniel 2:2

Leh anăn mtao brei iêô phung mdian, phung ksiêm mtŭ, phung mjâo, leh anăn phung Kaldê čiăng kơ diñu hưn kơ mtao klei ñu êpei. Snăn diñu mŭt dôk ti anăp mtao.

Y-Đaniel 2:44

Hlăm ênuk phung mtao anăn, Aê Diê hlăm adiê srăng mdơ̆ng sa boh ƀuôn ala mtao amâo srăng tuôm rai luč ôh, kăn klei kiă kriê anăn srăng lĕ kơ găp djuê mkăn rei, ƀiădah ƀuôn ala mtao Aê Diê srăng bi mčah leh anăn bi rai jih jang ƀuôn ala mtao anei, leh anăn ñu srăng dôk nanao hlŏng lar.

Y-Đaniel 4:17

Kđi anăn kbiă mơ̆ng phung gak, leh anăn klei mtă kbiă mơ̆ng klei phung doh jăk blŭ, čiăng kơ phung mnuih hdĭp dưi thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu brei kơ hlei pô Ñu čiăng, leh anăn bi mđĭ mnuih hơăi mang hĭn brei kiă kriê.’

Y-Đaniel 7:14

Aê Diê brei kơ Gơ̆ klei dưi kiă kriê, klei guh kơang leh anăn ƀuôn ala mtao, čiăng kơ jih jang phung ƀuôn sang, phung găp djuê mnuih, leh anăn phung blŭ klei mdê mdê srăng mă bruă kơ Ñu. Klei Ñu kiă kriê dôk nanao hlŏng lar, amâo srăng êgao tuč ôh, leh anăn ƀuôn ala mtao Ñu amâo srăng rai ôh.”

Y-Đaniel 7:27

Leh anăn arăng srăng jao ƀuôn ala mtao, klei dưi kiă kriê, leh anăn klei prŏng jih jang ƀuôn ala mtao ti gŭ jih adiê kơ phung doh jăk, phung ƀuôn sang Pô Ti Dlông Hĭn. Ƀuôn ala mtao Ñu srăng jing ƀuôn ala mtao dôk hlŏng lar, leh anăn jih jang phung kiă kriê srăng mă bruă leh anăn gưt kơ Ñu.’

Hră Y-Pôl Mơĭt kơ Phung Rôm 11:33

Ơ, êlam êdi klei mdrŏng Aê Diê, klei thâo mĭn leh anăn klei thâo săng Ñu! Si dưi mblang klei Ñu phat kđi! Leh anăn si dưi thâo săng klei Ñu ngă!

Klei Mtô Mñă Klei Bhiăn 4:34

Amâodah tuôm mâo mơ̆ sa čô yang lông hriê mă kơ ñu pô sa găp djuê mnuih mơ̆ng ti krah sa găp djuê mkăn hŏng klei bi lông, hŏng klei bi knăl, hŏng bruă yuôm bhăn, leh anăn hŏng klei bi blah, hŏng kngan myang leh anăn yơr leh, leh anăn hŏng klei bi huĭ prŏng msĕ si jih jang klei Yêhôwa Aê Diê diih ngă leh kơ diih hlăm čar Êjip ti anăp ală diih?

I Y-Timôthê 1:17

Kơ mtao hlăm jih jang ênuk, Pô amâo thâo djiê, Pô arăng amâo dưi ƀuh ôh, knŏng hjăn Ñu jing Aê Diê, brei klei mpŭ leh anăn klei guh kơang hlŏng lar. Amen.

Hêbrơ 1:8

Ƀiădah Ñu lač djŏ kơ Anak Ñu, “Ơ Aê Diê, jhưng mtao Ih dôk nanao hlŏng lar, leh anăn giê mtao Ih kiă kriê ƀuôn ala mtao jing giê mtao kpă ênô.

Hêbrơ 2:4

êjai Aê Diê hưn bi sĭt msĕ mơh hŏng klei bi knăl, bruă myang, leh anăn lu mta klei yuôm bhăn, leh anăn hŏng klei Yang Mngăt Jăk brei mdê mdê bi mbha leh tui si klei Ñu čiăng.

I Y-Pêtrôs 4:11

Hlei pô blŭ, brei ñu blŭ msĕ si pô hưn klei Aê Diê blŭ. Hlei pô đru bruă arăng, brei ñu mă bruă anăn hŏng klei ktang Aê Diê brei; čiăng kơ hlăm jih jang klei Aê Diê dưi mâo klei guh kơang hlăm Yêsu Krist. Kơ Aê Diê yơh mâo klei guh kơang leh anăn klei dưi kiă kriê hlăm jih jang ênuk. Amen.

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”