Y-Đaniel 4:22 - Klei Aê Diê Blŭ 2015

²² Ơ mtao, ana kyâo anăn jing ih yơh, pô hriê kơ prŏng leh anăn kjăp. Klei prŏng ih mđĭ truh ti adiê, leh anăn klei ih kiă kriê truh ti knhal lăn ala.

Y-Đaniel 4:22 Iomraidhean Croise

Klei Mphŭn Dơ̆ng 11:4

Diñu lač, “Bơ drei, brei drei ngă sa boh ƀuôn prŏng, leh anăn sa boh sang êñan, kŏ ñu sô̆ ti adiê. Brei drei duah klei hing ang, huĭdah drei srăng klah đuĕ hiu tar ƀar lăn ala.”

Klei Mphŭn Dơ̆ng 28:12

Ñu mâo klei êpei. Nĕ anei, mâo sa ƀĕ êñan mdơ̆ng ti lăn leh anăn kŏ êñan sô̆ truh ti adiê; leh anăn nĕ anei, phung dĭng buăl jăk Aê Diê đĭ leh anăn trŭn ti êñan anăn.

II Y-Samuel 12:7

Y-Nathan lač kơ Y-Đawit, “Ih yơh jing pô anăn! Snei klei Yêhôwa Aê Diê phung Israel lač, ‘Kâo trôč leh êa ƀâo mngưi kơ ih brei jing mtao kơ phung Israel, leh anăn Kâo bi mtlaih leh ih mơ̆ng kngan Y-Sôl.

II Klei Yăl Dliê 28:9

Ƀiădah sa čô khua pô hưn êlâo Yêhôwa dôk tinăn, anăn ñu Y-Ôdet; leh anăn ñu nao bi tuôm hŏng phung kahan truh kơ ƀuôn Samari leh anăn lač kơ digơ̆, “Nĕ anei, kyuadah Yêhôwa Aê Diê phung aê diih ngêñ kơ phung Yuđa, Ñu jao digơ̆ hlăm kngan diih, ƀiădah diih bi mdjiê digơ̆ hŏng klei ngêñ, klei anăn hmư̆ hing hlăm adiê.

Klei Mmuñ Hđăp 108:4

Kyuadah klei khăp ih jing prŏng, dlông hĭn kơ phung adiê; leh anăn klei sĭt suôr Ih đĭ truh ti biut knam.

Klei Mmuñ Hđăp 36:5

Ơ Yêhôwa, klei ih khăp đĭ truh kơ adiê; leh anăn klei sĭt suôr ih truh ti knam.

Y-Yêrêmi 27:5

‘Kâo yơh hŏng klei myang prŏng Kâo leh anăn hŏng kngan Kâo yơr leh mjing leh lăn ala mbĭt hŏng phung mnuih leh anăn hlô mnơ̆ng dôk ti rŏng lăn ala, leh anăn Kâo jao lăn ala kơ hlei pô Kâo mĭn djŏ.

Y-Êsêkiêl 17:3

Lač bĕ kơ diñu, ‘Snei Yêhôwa Aê Diê lač: Sa drei tlang prŏng mâo siap prŏng leh anăn mlâo siap dlông, mâo mlâo lu leh anăn lu mta êa truh kơ čar Liƀan leh anăn mă êdŭk ana kyâo sêdar;

Y-Đaniel 2:21

Ñu bi mlih ênuk leh anăn yan; Ñu mdlưh leh anăn mjing phung mtao; Ñu brei klei thâo mĭn lu kơ phung thâo mĭn leh anăn klei thâo mĭn kơ phung mâo klei thâo săng.

Y-Đaniel 4:11

Ana kyâo anăn hriê kơ prŏng leh anăn kjăp, ƀrŏng ñu sô̆ ti adiê, leh anăn mơ̆ng knhal lăn ala arăng dưi ƀuh ñu.

Y-Đaniel 4:21

mâo hla siam leh anăn boh lu, brei mnơ̆ng ƀơ̆ng kơ jih jang mnuih, hlô dliê hriê dôk ti êyui ñu, leh anăn čĭm hlăm adiê dôk ti adhan ñu —

Y-Đaniel 4:29

Pluh dua mlan êdei, êjai ñu êbat ti čuôr sang mtao ti ƀuôn Ƀaƀilôn,

Y-Đaniel 4:36

Mmông anăn klei thâo săng lŏ wĭt kơ kâo, leh anăn kyua klei guh kơang ƀuôn ala mtao kâo, klei kdrăm leh anăn klei guh kơang kâo lŏ wĭt kơ kâo. Phung khua kčĕ leh anăn phung khua bruă kâo lŏ duah kâo. Arăng lŏ bi kjăp kâo hlăm ƀuôn ala mtao kâo, leh anăn lŏ thiăm kơ kâo klei prŏng hĭn.

Y-Mathiơ 14:4

Kyuadah Y-Yôhan tuôm lač leh kơ ñu, “Amâo bhiăn ôh ih mă mniê anăn jing mô̆ ih.”

Klei Bi Êdah 18:5

kyuadah klei soh ñu mkăm leh truh ti adiê, leh anăn Aê Diê hdơr leh kơ klei wê ñu.