Y-Đaniel 4:18 - Klei Aê Diê Blŭ 2015

¹⁸ Kâo gơ̆ mtao Nebukatnetsar ƀuh klei êpei anăn. Snăn Ơ Y-Beltisasar, hưn bĕ kơ kâo klei mblang kơ klei anăn, kyuadah jih jang phung thâo mĭn hlăm ƀuôn ala mtao amâo dưi bi êdah kơ kâo klei mblang ôh, ƀiădah ih dưi, kyuadah mngăt myang phung yang doh jăk dôk hlăm ih.”

Y-Đaniel 4:18 Iomraidhean Croise

Klei Mphŭn Dơ̆ng 40:12

Y-Yôsep lač kơ ñu, “Anei jing klei mblang kơ klei anăn: tlâo ƀĕ adhan jing tlâo hruê.

Klei Mphŭn Dơ̆ng 41:15

Pharaôn lač kơ Y-Yôsep, “Kâo mâo klei êpei leh. Amâo mâo sa čô mnuih dưi mblang ôh. Kâo hmư̆ arăng lač ih dưi mblang klei êpei tơdah ih hmư̆ klei anăn.”

Klei Mphŭn Dơ̆ng 41:8

Truh aguah leh, mngăt ñu rŭng răng. Ñu brei arăng iêô jih jang phung mdian leh anăn jih jang phung knhâo hlăm čar Êjip; leh anăn Pharaôn yăl dliê kơ digơ̆ klei ñu êpei, ƀiădah amâo mâo sa čô dưi mblang ôh klei êpei anăn kơ Pharaôn.

Y-Êsai 19:3

Phung Êjip srăng êdu ai, leh anăn Kâo srăng bi luč hdră diñu trông čhai. Diñu srăng duah êmuh phung rup yang leh anăn phung mjâo, phung blŭ hŏng phung djiê leh anăn phung mdian.

Y-Đaniel 1:20

Leh anăn tơdah mtao êmuh kơ diñu kơ jih jang klei knhâo leh anăn klei thâo săng, gơ̆ ƀuh diñu pluh blư̆ thâo hĭn kơ jih phung mdian leh anăn phung ksiêm mtŭ hlăm jih ƀuôn ala mtao gơ̆.

Y-Đaniel 2:38

Ñu jao leh hlăm kngan ih tar ƀar anôk phung anak mnuih, hlô mnơ̆ng hlăm dliê, leh anăn čĭm hlăm adiê, leh anăn brei ih kiă kriê jih jang diñu — ih jing boh kŏ anăn ngă hŏng mah.

Y-Đaniel 2:7

Diñu lŏ wĭt lač tal dua, “Brei mtao hưn klei ih êpei ƀuh kơ phung dĭng buăl ih, leh anăn hmei srăng mblang brei.”

Y-Đaniel 5:15

Arăng atăt ba leh phung thâo mĭn leh anăn phung mjâo ti anăp kâo čiăng kơ diñu dlăng klei čih anei leh anăn mblang gơ̆ kơ kâo, ƀiădah diñu amâo dưi mblang klei anăn ôh.

Y-Đaniel 5:8

Snăn jih jang phung thâo mĭn mtao truh, ƀiădah diñu amâo dưi dlăng klei čih anăn ôh, kăn dưi bi êdah rei klei mblang kơ mtao.

Y-Amôs 3:7

Sĭt nik Aê Diê Yêhôwa amâo ngă sa mta klei ôh tơdah Ñu amâo hưn klei hgăm Ñu kơ phung dĭng buăl Ñu, phung khua pô hưn êlâo.