Y-Đaniel 4:14 - Klei Aê Diê Blŭ 2015

¹⁴ Ñu ur kraih, lač, ‘Druôm hĕ kyâo leh anăn khăt hĕ adhan ñu; êyuh bi luh hĕ hla ñu, leh anăn hwiê hĕ boh ñu; brei hlô dliê đuĕ mơ̆ng ti gŭ ñu leh anăn čĭm đuĕ mơ̆ng adhan ñu.

Y-Đaniel 4:14 Iomraidhean Croise

Y-Yôp 24:20

Amĭ wơr bĭt diñu, hluăt ƀơ̆ng tơl arăng amâo lŏ hdơr kơ diñu ôh, msĕ snăn klei ƀai joh msĕ si sa ƀĕ ana kyâo.

Y-Yêrêmi 27:5

‘Kâo yơh hŏng klei myang prŏng Kâo leh anăn hŏng kngan Kâo yơr leh mjing leh lăn ala mbĭt hŏng phung mnuih leh anăn hlô mnơ̆ng dôk ti rŏng lăn ala, leh anăn Kâo jao lăn ala kơ hlei pô Kâo mĭn djŏ.

Y-Yêrêmi 51:6

Đuĕ bĕ mơ̆ng ƀuôn Ƀaƀilôn, brei grăp čô êran đuĕ bi mtlaih klei hdĭp ñu! Đăm rai tuč ôh kyua klei soh gơ̆, kyuadah anei jing ênuk Yêhôwa rŭ ênua, Ñu srăng bi wĭt kơ gơ̆ tui si bruă gơ̆ ngă.

Y-Yêrêmi 51:9

‘Hmei čiăng bi hlao ƀuôn Ƀaƀilôn, ƀiădah gơ̆ amâo dưi hlao ôh. Lui hĕ gơ̆, leh anăn brei drei đuĕ nao grăp čô kơ čar pô; kyuadah klei bi kmhal gơ̆ đĭ truh ti adiê, ñu đĭ dlông truh kơ biut knam.’

Y-Êsêkiêl 31:10

Kyuanăn snei Yêhôwa Aê Diê lač: ‘Kyuadah ñu ksuă dlông leh anăn ƀrŏng ñu sô̆ ti knam, leh anăn ai tiê ñu mgao kyua klei ñu dlông,

Y-Đaniel 2:21

Ñu bi mlih ênuk leh anăn yan; Ñu mdlưh leh anăn mjing phung mtao; Ñu brei klei thâo mĭn lu kơ phung thâo mĭn leh anăn klei thâo mĭn kơ phung mâo klei thâo săng.

Y-Đaniel 3:4

Sa čô dĭng buăl mtao hưn kraih, “Ơ jih jang phung ƀuôn sang, phung găp djuê mnuih, leh anăn phung blŭ klei mdê mdê, nĕ anei klei mtă kơ diih:

Y-Đaniel 4:12

Hla ñu siam leh anăn boh ñu lu, ñu brei mnơ̆ng ƀơ̆ng kơ jih jang mnuih. Hlô dliê hriê dôk ti êyui ñu, leh anăn čĭm hlăm adiê dôk hlăm adhan ñu; leh anăn ñu čiêm jih jang mnơ̆ng hdĭp.

Y-Đaniel 4:23

Bi kơ klei mtao ƀuh sa čô pô gak, sa čô doh jăk, trŭn mơ̆ng adiê leh anăn lač, ‘Druôm hĕ ana kyâo leh anăn bi rai hĕ ñu, ƀiădah lui kpơ̆ng leh anăn agha ñu hlăm lăn kă hŏng klei msei leh anăn kông ti krah rơ̆k mda hlăm hma, brei ñu msah hŏng êa nguôm mơ̆ng adiê, leh anăn brei ñu dôk mbĭt hŏng hlô dliê êjai kjuh yan;’

Y-Đaniel 4:29

Pluh dua mlan êdei, êjai ñu êbat ti čuôr sang mtao ti ƀuôn Ƀaƀilôn,

Y-Đaniel 5:20

Ƀiădah tơdah ai tiê ñu mgao leh anăn ai tiê ñu khăng tơl ñu ngă hŏng klei krưh, Aê Diê mdlưh ñu mơ̆ng jhưng mtao, leh anăn mă hĕ klei guh kơang mơ̆ng ñu.

Y-Đaniel 5:21

Arăng suôt ñu mơ̆ng ti krah phung mnuih, leh anăn brei klei mĭn ñu jing msĕ si klei mĭn hlô dliê; leh anăn ñu dôk mbĭt hŏng aseh dliê. Arăng čiêm ñu hŏng rơ̆k msĕ si êmô, leh anăn asei mlei ñu msah hŏng êa nguôm mơ̆ng adiê tơl ñu thâo Aê Diê Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu mđĭ hlei pô Ñu čiăng brei kiă kriê.

Y-Mathiơ 3:10

Ară anei jông arăng dưm leh ti agha kyâo; jih jang kyâo amâo mâo boh jăk ôh arăng srăng druôm leh anăn hwiê hĕ hlăm pui.

Y-Mathiơ 7:19

Grăp ƀĕ ana kyâo amâo mâo boh jăk ôh arăng druôm hĕ leh anăn hwiê hlăm pui.

Y-Luk 3:9

Ară anei jông Aê Diê dưm leh ti agha kyâo; jih jang kyâo amâo mâo boh jăk ôh Aê Diê srăng druôm hĕ leh anăn hwiê hlăm pui.”

Klei Bi Êdah 10:3

Ñu ur hŏng asăp kraih msĕ si sa drei êmông gu gruh. Tơdah ñu ur, mâo ênai kjuh grăm đah.

Klei Bi Êdah 18:2

Ñu ur kraih lač, “Ƀaƀilôn, ƀuôn prŏng lĕ leh, lĕ leh yơh! Ñu jing leh anôk phung yang jhat dôk, ƀăng kơ djăp mta yang čhŏ dôk, ƀăng kơ jih jang phung čĭm leh anăn hlô čhŏ arăng bi êmut dôk;