Y-Đaniel 4:12 - Klei Aê Diê Blŭ 2015

¹² Hla ñu siam leh anăn boh ñu lu, ñu brei mnơ̆ng ƀơ̆ng kơ jih jang mnuih. Hlô dliê hriê dôk ti êyui ñu, leh anăn čĭm hlăm adiê dôk hlăm adhan ñu; leh anăn ñu čiêm jih jang mnơ̆ng hdĭp.

Y-Đaniel 4:12 Iomraidhean Croise

Y-Yôp 12:24

Ñu mă hĕ klei thâo săng mơ̆ng phung khua ƀuôn sang ti lăn ala, Leh anăn brei digơ̆ hiu rưng hlăm kdrăn tač amâo mâo êlan ôh.

Y-Yôp 14:7

Kyuadah mâo klei čang hmăng kơ sa ƀĕ ana kyâo, tơdah arăng druôm ñu leh, ăt ñu srăng lŏ čăt, leh anăn ñu lŏ bi kƀiêng amâo thâo mdei ôh.

Y-Yôp 14:9

ƀiădah tơdah mâo êa ñu srăng lŏ bi knăt leh anăn tlah adhan msĕ si ana kyâo mda.

Klei Čŏk Hia 4:20

Pô Yêhôwa trôč leh êa ƀâo mngưi, Pô jing msĕ si klei bi êwa drei, djŏ leh kđông diñu. Kơ Ñu yơh drei mĭn, “ti gŭ êyui Ñu drei srăng dôk hdĭp ti krah phung găp djuê mnuih.”

Y-Êsêkiêl 17:23

Kâo srăng pla dŏ anăn ti čŏng čư̆ Israel, čiăng kơ dŏ anăn čăt adhan leh anăn mâo boh, leh anăn jing sa ƀĕ kyâo sêdar siam jăk. Ti gŭ ana kyâo anăn djăp mta čĭm srăng dôk; hlăm êyui adhan ñu djăp mta čĭm srăng ngă hruh.

Y-Êsêkiêl 31:17

Msĕ mơh digơ̆ srăng trŭn nao kơ Ƀuôn Phung Djiê mbĭt hŏng ñu, kơ phung arăng bi mdjiê leh hŏng đao gưm; sĭt nik phung dôk leh ti gŭ êyui ñu mbĭt hŏng phung găp djuê mnuih mkăn srăng rai tuč.

Y-Đaniel 4:14

Ñu ur kraih, lač, ‘Druôm hĕ kyâo leh anăn khăt hĕ adhan ñu; êyuh bi luh hĕ hla ñu, leh anăn hwiê hĕ boh ñu; brei hlô dliê đuĕ mơ̆ng ti gŭ ñu leh anăn čĭm đuĕ mơ̆ng adhan ñu.

Y-Mathiơ 13:32

Gơ̆ jing asăr mjeh điêt hĭn kơ jih jang mjeh, ƀiădah tơdah gơ̆ čăt dlông leh, gơ̆ jing prŏng hĭn kơ jih jang ana djam leh anăn jing hĕ sa ƀĕ ana kyâo. Snăn čĭm hlăm adiê hriê ngă hruh ti adhan ñu.”

Y-Markôs 13:32

“Ƀiădah bi kơ hruê leh anăn mông anăn, amâo mâo sa čô thâo ôh, wăt phung dĭng buăl jăk hlăm adiê, wăt Anak kăn thâo rei, knŏng hjăn Ama thâo.

Y-Markôs 4:32

Ƀiădah tơdah arăng rah gơ̆ leh, gơ̆ čăt leh anăn jing prŏng hĭn kơ jih jang ana djam leh anăn čăt adhan prŏng, snăn čĭm hlăm adiê dưi ngă hruh ti gŭ êyui gơ̆.”

Y-Luk 13:19

Ñu jing msĕ si sa asăr djam bei hat sa čô êkei mă rah hlăm war djam. Gơ̆ čăt leh anăn jing sa ƀĕ ana kyâo, leh anăn čĭm hlăm adiê ngă hruh hlăm adhan gơ̆.”