Y-Đaniel 4:1 - Klei Aê Diê Blŭ 2015

¹ Mtao Nebukatnetsar mtă kơ jih jang phung ƀuôn sang, phung găp djuê mnuih, leh anăn phung blŭ mdê mdê dôk tar ƀar lăn ala: “Brei diih mâo klei êđăp ênang nanao!

Y-Đaniel 4:1 Iomraidhean Croise

I Klei Yăl Dliê 12:18

Leh anăn Mngăt Myang trŭn dôk ti Y-Amasai, khua kơ phung tlâo pluh čô anăn, leh anăn ñu lač, “Hmei jing phung ih, Ơ Y-Đawit, leh anăn dôk mbĭt hŏng ih, Ơ anak êkei Y-Yêsê! Klei êđăp ênang, klei êđăp ênang kơ ih, leh anăn klei êđăp ênang kơ phung đru ih! Kyuadah Aê Diê ih đru ih.” Leh anăn Y-Đawit jum digơ̆, leh anăn mjing digơ̆ phung khua kơ kahan ñu.

Y-Êsra 4:17

Mtao mơĭt klei lŏ wĭt lač: “Čih mơĭt kơ Y-Rêhum khua kơ phung kahan, kơ Y-Simsai pô čih hră, leh anăn kơ phung mă bruă mbĭt dôk hlăm čar Samari leh anăn hlăm čar Nah yŭ Êa Krông Ơphrat: Kkuh kơ diih.

Y-Êsra 5:7

Diñu mơĭt sa klei hưn kơ gơ̆ hlăm anăn mâo klei čih snei: “Čih mơĭt kơ mtao Đarius. Brei ih mâo klei êđăp ênang.

H'Êsther 3:12

Snăn arăng iêô phung khua čih hră kơ mtao hlăm hruê tal pluh tlâo mlan tal sa, leh anăn arăng čih klei bhiăn tui si jih jang klei Y-Haman mtă leh kơ phung khua dĭng ktang mtao leh anăn kơ phung khua jih jang čar, leh anăn kơ phung khua hlăm jih jang phung ƀuôn sang, kơ grăp boh čar hŏng klei čih čar anăn leh anăn kơ grăp phung ƀuôn sang tui si klei blŭ digơ̆ pô. Arăng čih klei anăn hŏng anăn Mtao Asuêrus, leh anăn kđăm hŏng krah mtao.

H'Êsther 8:9

Hlăk anăn arăng iêô phung khua čih hră kơ mtao hlăm mlan tlâo, jing mlan Siwan, ti hruê dua pluh tlâo. Arăng čih klei bhiăn tui si jih jang klei Y-Môrdêkai mtă leh djŏ kơ phung Yuđa, mơĭt kơ phung khua dĭng ktang, kơ phung khua čar, leh anăn kơ phung khua krĭng dơ̆ng mơ̆ng čar Klơ̆ng truh kơ čar Êthiôpi, sa êtuh dua pluh kjuh boh čar, kơ grăp boh čar tui si hră diñu pô, leh anăn kơ grăp phung ƀuôn sang tui si klei digơ̆ blŭ, leh anăn wăt kơ phung Yuđa tui si klei digơ̆ čih leh anăn tui si klei blŭ digơ̆.

Y-Đaniel 3:29

Snăn kâo brei klei mtă anei: tơdah hlei phung ƀuôn sang, phung găp djuê mnuih, leh anăn phung blŭ mdê mdê blŭ jhat kơ Aê Diê Y-Sadrak, Y-Mêsăk, leh anăn Y-Abetnêgô, arăng srăng kčoh asei mlei diñu, leh anăn bi rai sang diñu, kyuadah amâo mâo yang mkăn ôh dưi bi mtlaih msĕ snei.”

Y-Đaniel 3:4

Sa čô dĭng buăl mtao hưn kraih, “Ơ jih jang phung ƀuôn sang, phung găp djuê mnuih, leh anăn phung blŭ klei mdê mdê, nĕ anei klei mtă kơ diih:

Y-Đaniel 6:25

Leh klei anăn, Mtao Đarius čih hră kơ jih jang phung ƀuôn sang, phung găp djuê mnuih, leh anăn phung blŭ klei mdê mdê dôk tar ƀar čar: “Brei mâo lu klei êđăp ênang kơ diih!

Y-Đaniel 6:27

Ñu dŏng leh anăn bi mtlaih; Ñu ngă klei bi knăl leh anăn klei yuôm bhăn hlăm adiê leh anăn ti lăn ala. Ñu yơh Pô bi mtlaih Y-Đaniel mơ̆ng klei ktang êmông gu.”

Y-Đaniel 7:14

Aê Diê brei kơ Gơ̆ klei dưi kiă kriê, klei guh kơang leh anăn ƀuôn ala mtao, čiăng kơ jih jang phung ƀuôn sang, phung găp djuê mnuih, leh anăn phung blŭ klei mdê mdê srăng mă bruă kơ Ñu. Klei Ñu kiă kriê dôk nanao hlŏng lar, amâo srăng êgao tuč ôh, leh anăn ƀuôn ala mtao Ñu amâo srăng rai ôh.”

Y-Sakari 8:23

Snei Yêhôwa kơ phung kahan lač: “Hlăm ênuk anăn pluh čô êkei mơ̆ng jih jang klei blŭ hlăm phung găp djuê mnuih srăng djă kơ̆ng sa čô Yuđa ti kdrŭn ao, lač, ‘Brei hmei nao mbĭt hŏng diih, kyuadah hmei hmư̆ leh Aê Diê dôk mbĭt hŏng diih.’ ”

Bruă Phung Khua Ƀĭng Kna 2:6

Tơdah hmư̆ ênai anăn phung lu hriê, leh anăn kdjăt bi kngăr, kyuadah grăp čô diñu hmư̆ phung anăn blŭ klei blŭ diñu pô.

Hră Y-Pôl Mơĭt kơ Phung Rôm 1:7

Kâo čih mơĭt kơ jih jang phung Aê Diê khăp hlăm ƀuôn Rôm, phung Aê Diê iêô leh brei jing phung doh jăk: Hơêč hmưi kơ diih mâo klei pap leh anăn klei êđăp ênang mơ̆ng Aê Diê Ama leh anăn Khua Yang drei Yêsu Krist.

Êphêsô 1:2

Brei diih mâo klei pap leh anăn klei êđăp ênang mơ̆ng Aê Diê Ama drei leh anăn Khua Yang Yêsu Krist.

I Y-Timôthê 1:2

Čih mơĭt kơ Y-Timôthê, anak kâo sĭt hlăm klei đăo. Brei ih mâo klei jăk, klei pap, leh anăn klei êđăp ênang mơ̆ng Aê Diê Ama leh anăn Krist Yêsu Khua Yang drei.

I Y-Pêtrôs 1:2

phung Aê Diê Ama ruah leh anăn čuăn leh, phung Yang Mngăt Jăk pioh brei leh kơ klei gưt asăp Yêsu Krist leh anăn kơ klei hƀrah hŏng êrah Ñu: Akâo kơ Aê Diê brei klei pap leh anăn klei êđăp ênang êbeh dlai kơ diih.