Y-Đaniel 3:6 - Klei Aê Diê Blŭ 2015

⁶ Hlei pô amâo buôn kŭp ƀô̆ leh anăn kkuh mpŭ, arăng srăng hwiê ñu mtam hlăm kpur pui.”

Y-Đaniel 3:6 Iomraidhean Croise

Klei Mphŭn Dơ̆ng 19:28

Ñu dlăng phă ƀuôn Sôdôm, ƀuôn Gômôrơ, leh anăn jih Lăn Dap. Nĕ anei, ñu ƀuh săp pui čar anăn đĭ msĕ si săp pui kpur prŏng.

Klei Kbiă 20:5

Đăm ih buôn kkuh ti anăp mnơ̆ng anăn ôh, kăn mă bruă kơ diñu rei; kyuadah Kâo gơ̆ yơh jing Yêhôwa Aê Diê ih, Aê Diê thâo trih, bi kmhal klei wê phung ama lĕ kơ phung anak tơl kơ ênuk tal tlâo amâodah tal pă kơ phung bi êmut kơ Kâo;

Y-Êsai 44:17

Leh anăn hŏng sa mkrah kyâo adôk, ñu ngă rup yang ñu krah ñu pô. Ñu buôn kkuh ti anăp gơ̆, leh anăn iêô wah lač kơ gơ̆, lač: “Bi mtlaih kâo bĕ, kyuadah ih jing yang kâo!”

Y-Yêrêmi 29:22

Kyua diñu jih jang phung arăng mă mđuĕ mơ̆ng čar Yuđa dôk hlăm čar Ƀaƀilôn srăng yua klei tăm pah anei, lač, ‘Yêhôwa brei ih jing msĕ si Y-Sêdêkia leh anăn Y-Ahap mtao Ƀaƀilôn ghang leh hlăm pui.’

Y-Đaniel 2:5

Mtao lŏ wĭt lač kơ phung Kaldê, “Klei anăn kbiă đuĕ leh mơ̆ng kâo. Tơdah diih amâo bi êdah ôh kơ kâo klei kâo êpei ƀuh leh anăn klei mblang kơ ñu, arăng srăng kčoh asei mlei diih leh anăn bi rai sang diih.

Y-Đaniel 3:11

Leh anăn hlei pô amâo buôn kŭp ƀô̆ leh anăn kkuh mpŭ arăng srăng hwiê ñu hlăm kpur pui.

Y-Đaniel 3:15

Ară anei tơdah diih hmư̆ asăp ki ayŭ, asăp đĭng, asăp brô̆, đĭng ayŭ, đĭng buôt, đĭng kliă, leh anăn djăp mta klei mmuñ leh anăn buôn kŭp ƀô̆ leh anăn kkuh mpŭ kơ rup tuh kâo ngă leh, srăng jing jăk. Ƀiădah tơdah diih amâo kkuh mpŭ ôh, arăng srăng hwiê diih ti krah kpur pui mtam; leh anăn hlei yang dưi bi mtlaih diih mơ̆ng kngan kâo?”

Y-Đaniel 3:21

Arăng čăp phung êkei anăn hŏng ao, čhum, đuôn, leh anăn čhiăm mkăn diñu, leh anăn hwiê diñu ti krah kpur pui.

Y-Đaniel 3:7

Snăn tơdah jih jang mnuih hmư̆ asăp ki, asăp đĭng, asăp brô̆, đĭng ayŭ, asăp buôt, asăp đĭng kliă, leh anăn djăp mta klei mmuñ, jih jang phung ƀuôn sang, phung găp djuê mnuih, leh anăn phung mnuih blŭ klei mdê mdê buôn kŭp ƀô̆ leh anăn kkuh mpŭ kơ rup tuh hŏng mah mtao Nebukatnetsar mdơ̆ng leh.

Y-Đaniel 5:19

Leh anăn kyuadah Aê Diê brei leh kơ ñu klei jing prŏng anăn, jih jang phung ƀuôn sang, phung găp djuê mnuih, leh anăn phung blŭ klei mdê mdê ktư̆ yơ̆ng leh anăn huĭ ti anăp ñu. Ñu bi mdjiê hĕ hlei pô ñu čiăng; ñu lui dôk hdĭp hlei pô ñu čiăng. Ñu bi mđĭ amâodah mdlưh hlei pô ñu čiăng.

Y-Đaniel 6:7

Jih jang phung khua prŏng hlăm ƀuôn ala mtao, phung khua bi ala, phung khua krĭng, phung khua kčĕ, leh anăn phung khua kiă kriê bi trông čhai leh čiăng akâo kơ mtao ngă klei bhiăn ghă ktang tĭt, tơdah hlei pô kwưh kơ yang amâodah mnuih mkăn mdê hŏng ih êjai tlâo pluh hruê, Ơ mtao, arăng srăng hwiê pô anăn hlăm war êmông gu.

Y-Mathiơ 13:42

leh anăn hwiê diñu hlăm kpur pui prŏng. Ti anôk anăn srăng mâo klei čŏk hia leh anăn klei kriêt êgei.

Y-Mathiơ 13:50

leh anăn dlăm hĕ diñu hlăm kpur pui prŏng. Tinăn diñu srăng čŏk hia leh anăn kriêt êgei.”

Y-Mathiơ 4:9

leh anăn yang jhat lač kơ Ñu, “Kâo srăng brei kơ ih jih jang mnơ̆ng anei tơdah ih buôn leh anăn kkuh mpŭ kơ kâo.”

Y-Markôs 6:27

Mtao tiŏ nao mtam sa čô kahan gak leh anăn mtă kơ gơ̆ mă ba boh kŏ Y-Yôhan. Kahan anăn nao leh anăn khăt kkuê Y-Yôhan hlăm war mnă,

Klei Bi Êdah 14:11

Leh anăn săp pui klei knap mñai phung anăn đĭ nanao hlŏng lar. Phung anăn amâo mâo klei mdei ôh hruê mlam, kyuadah digơ̆ kkuh mpŭ leh kơ hlô dliê leh anăn kơ rup ñu, leh anăn wăt hlei pô mă tŭ gru kđăm anăn hlô dliê tŭ klei bi knap anăn msĕ mơh.”

Klei Bi Êdah 9:2

Mtŭ anăn pŏk ƀăng êlam snăk anăn, leh anăn mơ̆ng ƀăng êlam anăn mâo săp pui kbiă msĕ si săp pui mơ̆ng kpur prŏng snăk. Yang hruê leh anăn êngĭt adiê jing mmăt kyua săp pui anăn.