Y-Đaniel 3:4 - Klei Aê Diê Blŭ 2015

⁴ Sa čô dĭng buăl mtao hưn kraih, “Ơ jih jang phung ƀuôn sang, phung găp djuê mnuih, leh anăn phung blŭ klei mdê mdê, nĕ anei klei mtă kơ diih:

Y-Đaniel 3:4 Iomraidhean Croise

H'Êsther 8:9

Hlăk anăn arăng iêô phung khua čih hră kơ mtao hlăm mlan tlâo, jing mlan Siwan, ti hruê dua pluh tlâo. Arăng čih klei bhiăn tui si jih jang klei Y-Môrdêkai mtă leh djŏ kơ phung Yuđa, mơĭt kơ phung khua dĭng ktang, kơ phung khua čar, leh anăn kơ phung khua krĭng dơ̆ng mơ̆ng čar Klơ̆ng truh kơ čar Êthiôpi, sa êtuh dua pluh kjuh boh čar, kơ grăp boh čar tui si hră diñu pô, leh anăn kơ grăp phung ƀuôn sang tui si klei digơ̆ blŭ, leh anăn wăt kơ phung Yuđa tui si klei digơ̆ čih leh anăn tui si klei blŭ digơ̆.

Y-Êsai 40:9

Đĭ bĕ ti čŏng čư̆ dlông, Ơ ƀuôn Siôn, ƀuôn hưn klei mrâo mrang jăk. Ur driâo bĕ hŏng klei ktang, Ơ Yêrusalem, ƀuôn hưn klei mrâo mrang jăk. Ur bĕ ih, đăm huĭ ôh; lač bĕ kơ jih jang ƀuôn čar Yuđa, “Nĕ anei, Aê Diê diih!”

Y-Êsai 58:1

“Ur kraih bĕ, đăm kơ̆ng ôh; ur kraih msĕ si sa ƀĕ ki. Hưn bĕ kơ phung ƀuôn sang Kâo klei diñu gao klei bhiăn, leh anăn kơ sang Yakôp klei soh diñu.

Y-Đaniel 3:10

Ơ mtao, ih pô mtă leh tơdah hlei pô hmư̆ asăp ki ayŭ, asăp đĭng, asăp brô̆, đĭng buôt, đĭng kliă, leh anăn djăp mta klei mmuñ srăng buôn kŭp ƀô̆ leh anăn kkuh mpŭ kơ rup tuh hŏng mah.

Y-Đaniel 3:3

Snăn phung khua krĭng, phung khua bi ala, phung khua prŏng, phung khua kčĕ, phung khua kiă sang ngăn, phung khua phat kđi, phung khua čih hră, leh anăn jih jang phung khua hlăm čar bi kƀĭn hriê kơ knăm bi leh rup tuh mtao Nebukatnetsar mdơ̆ng leh. Diñu dôk dơ̆ng ti anăp rup Y-Nebukatnetsar mdơ̆ng leh.

Y-Đaniel 3:7

Snăn tơdah jih jang mnuih hmư̆ asăp ki, asăp đĭng, asăp brô̆, đĭng ayŭ, asăp buôt, asăp đĭng kliă, leh anăn djăp mta klei mmuñ, jih jang phung ƀuôn sang, phung găp djuê mnuih, leh anăn phung mnuih blŭ klei mdê mdê buôn kŭp ƀô̆ leh anăn kkuh mpŭ kơ rup tuh hŏng mah mtao Nebukatnetsar mdơ̆ng leh.

Y-Đaniel 4:1

Mtao Nebukatnetsar mtă kơ jih jang phung ƀuôn sang, phung găp djuê mnuih, leh anăn phung blŭ mdê mdê dôk tar ƀar lăn ala: “Brei diih mâo klei êđăp ênang nanao!

Y-Đaniel 4:14

Ñu ur kraih, lač, ‘Druôm hĕ kyâo leh anăn khăt hĕ adhan ñu; êyuh bi luh hĕ hla ñu, leh anăn hwiê hĕ boh ñu; brei hlô dliê đuĕ mơ̆ng ti gŭ ñu leh anăn čĭm đuĕ mơ̆ng adhan ñu.

Y-Đaniel 6:25

Leh klei anăn, Mtao Đarius čih hră kơ jih jang phung ƀuôn sang, phung găp djuê mnuih, leh anăn phung blŭ klei mdê mdê dôk tar ƀar čar: “Brei mâo lu klei êđăp ênang kơ diih!

Y-Ôsê 5:11

Arăng ktư̆ juă leh Êphraim, mčah leh hlăm klei phat kđi, kyuadah diñu čuăn ruah tui hlue klei hơăi mang.

Y-Mika 6:16

Kyuadah arăng djă pioh leh klei bhiăn Y-Ômri, leh anăn jih jang bruă sang Y-Ahap; leh anăn diih êbat leh tui hlue klei diñu kčĕ; snăn kơh Kâo srăng bi rai ih, leh anăn brei phung ƀuôn sang ih jing mnơ̆ng arăng mƀhơi; diih srăng gui klei hêñ phung ƀuôn sang Kâo.”

Klei Bi Êdah 5:9

Diñu mmuñ sa klei mmuñ mrâo snei, “Ih mâo klei năng mă hdruôm hră klĭt anăn leh anăn ruh mnơ̆ng kđăm, kyuadah arăng bi mdjiê Ih leh, leh anăn hŏng êrah Ih Pô Ih bi tui leh phung mnuih kơ Aê Diê mơ̆ng jih jang krĭng, jih jang klei blŭ, jih jang ƀuôn sang, leh anăn jih jang găp djuê mnuih.