Y-Đaniel 3:25 - Klei Aê Diê Blŭ 2015

²⁵ Mtao lŏ wĭt lač, “Dlăng bĕ, kâo ƀuh pă čô mnuih tlaih leh, êbat ti krah pui, amâo mâo êka ôh; leh anăn ƀô̆ mta pô tal pă anăn jing msĕ si sa čô anak êkei phung yang.”

Y-Đaniel 3:25 Iomraidhean Croise

Y-Yôp 1:6

Mâo sa hruê bi kčah tơdah phung anak êkei Aê Diê truh čiăng bi êdah diñu pô ti anăp Yêhôwa, wăt Satan mơh truh mbĭt hŏng diñu.

Y-Yôp 38:7

tơdah jih jang mtŭ aguah mmuñ mđrăm mbĭt, leh anăn jih jang phung anak êkei Aê Diê driâo hơ̆k?

Y-Yôp 5:19

Ñu srăng bi mtlaih ih mơ̆ng năm mta klei rŭng răng; wăt kjuh mta dưn mơh, klei ƀai amâo srăng ngă kơ ih ôh.

Klei Mmuñ Hđăp 34:7

Dĭng buăl jăk Yêhôwa dôk jŭm dar phung huĭ mpŭ kơ Ñu, leh anăn bi mtlaih digơ̆.

Klei Bi Hriêng 30:4

Hlei pô đĭ leh kơ adiê leh anăn lŏ trŭn leh? Hlei pô bi kƀĭn leh angĭn hlăm kngan ñu? Hlei pô đŭng êa hlăm ao ñu? Hlei pô bi kjăp leh knhal lăn ala? Hlei anăn Ñu, leh anăn hlei anăn anak êkei Ñu? Sĭt nik ih thâo leh!

Y-Êsai 43:2

Tơdah diih găn êa, Kâo srăng dôk mbĭt hŏng diih; leh anăn tơdah diih găn êa krông, diñu amâo srăng bi kngăm diih ôh. Tơdah diih êbat hlăm pui, ñu amâo srăng čuh diih ôh, kăn êlah pui srăng ƀơ̆ng diih rei.

Y-Yêrêmi 1:19

Diñu srăng bi blah hŏng ih; ƀiădah diñu amâo srăng dưi hŏng ih ôh, kyuadah Kâo dôk mbĭt hŏng ih čiăng bi mtlaih ih,” Yêhôwa lač.

Y-Yêrêmi 1:8

Yêhôwa lač, “Đăm huĭ kơ diñu ôh, kyuadah Kâo dôk mbĭt hŏng ih čiăng bi mtlaih ih.”

Y-Yêrêmi 15:21

“Kâo srăng bi mtlaih ih mơ̆ng kngan phung ƀai, leh anăn bi tui ih mơ̆ng phung ngă jhat.”

Y-Đaniel 3:18

Ƀiădah tơdah Ñu amâo bi mtlaih hmei dưn, Ơ mtao, brei ih thâo hmei amâo srăng mpŭ kơ phung yang ih ôh, kăn kkuh mpŭ rei kơ rup tuh hŏng mah ih mdơ̆ng leh.”

Y-Đaniel 3:24

Hlăk anăn mtao Nebukatnetsar bi kngăr. Ñu kgŭ mtam blŭ kơ phung khua bi kčĕ, “Amâo djŏ hĕ drei hwiê leh ti krah pui tlâo čô čăp leh?” Diñu lŏ wĭt lač kơ mtao, “Sĭt yơh, Ơ mtao.”

Y-Đaniel 3:28

Y-Nebukatnetsar lač, “Mpŭ mni kơ Aê Diê Y-Sadrak, Y-Mêsăk, leh anăn Y-Abetnêgô, Pô tiŏ nao dĭng buăl jăk Ñu bi mtlaih leh phung dĭng buăl knang kơ Ñu, phung bi mlih leh klei mtao mtă, leh anăn săn asei mlei digơ̆ čiăng amâo kkuh mpŭ kơ yang mkăn ôh knŏng hjăn Aê Diê digơ̆ pô.

Y-Đaniel 6:23

Mtao mơak snăk, leh anăn mtă arăng kdjŏng mă Y-Đaniel mơ̆ng war êmông gu. Snăn arăng mă Y-Đaniel kbiă mơ̆ng war êmông gu, arăng amâo ƀuh ôh sa gru êka ti asei mlei ñu, kyuadah ñu knang leh kơ Aê Diê ñu.

Y-Markôs 16:18

diñu srăng djă ala, leh anăn tơdah diñu mnăm êa kêč kam, diñu amâo srăng ruă ôh, diñu srăng bă kngan ti mnuih ruă duam leh anăn digơ̆ srăng hlao.”

Y-Luk 1:35

Dĭng buăl jăk lač kơ ñu, “Yang Mngăt Jăk srăng hriê kơ ih, leh anăn klei myang Pô Ti Dlông Hĭn srăng guôm ih; kyuanăn anak doh jăk ih srăng kkiêng arăng srăng pia Anak Aê Diê.

Bruă Phung Khua Ƀĭng Kna 28:5

Ƀiădah Y-Pôl hƀrah hĕ ala anăn hlăm pui, leh anăn amâo mâo klei ruă ôh.

Hră Y-Pôl Mơĭt kơ Phung Rôm 1:4

leh anăn tui si yang mngăt doh jăk hưn Gơ̆ jing Anak Aê Diê hŏng klei myang kyua klei Gơ̆ kbiă lŏ hdĭp leh mơ̆ng phung djiê.

I Y-Pêtrôs 3:13

Tơdah diih hur har kơ klei jăk, hlei pô srăng ngă jhat kơ diih?