Y-Đaniel 3:22 - Klei Aê Diê Blŭ 2015

²² Kyua klei mtao mtă jêč snăk leh anăn kpur pui hlơr êdi, êlah pui bi mdjiê phung mnuih hwiê Y-Sadrak, Y-Mêsăk, leh anăn Y-Abetnêgô.

Y-Đaniel 3:22 Iomraidhean Croise

I Bruă Mtao 13:28

Ñu nao leh anăn ƀuh asei mlei djiê gơ̆ dôk đih ti êlan, aseh dliê leh anăn êmông gu dôk ti djiêô asei mlei djiê. Êmông gu amâo ƀơ̆ng asei mlei djiê amâodah hiêk aseh dliê ôh.

Klei Kbiă 12:33

Phung Êjip bi ruăt phung ƀuôn sang Israel čiăng djăl suôt diñu mơ̆ng čar, kyuadah diñu lač, “Hmei srăng rai tuč jih jang.”

Klei Bi Hriêng 11:8

Arăng bi mtlaih mnuih kpă ênô mơ̆ng klei rŭng răng, ƀiădah klei rŭng răng anăn truh kơ mnuih ƀai.

Klei Bi Hriêng 21:18

Mnuih ƀai jing mnơ̆ng bi tui mnuih kpă ênô, leh anăn mnuih amâo sĭt suôr ôh jing mnơ̆ng bi tui mnuih ênuah ênô.

Y-Đaniel 1:7

Khua phung dĭng buăl kriâo bi anăn Y-Beltisasar kơ Y-Đaniel, Y-Sadrak kơ Y-Hanania, Y-Mêsăk kơ Y-Misaêl, leh anăn Y-Abetnêgô kơ Y-Asaria.

Y-Đaniel 2:15

Ñu lač kơ Y-Ariôk khua kahan mtao, “Si ngă klei mtao mtă khăng msĕ snăn?” Y-Ariôk yăl dliê klei anăn kơ Y-Đaniel.

Y-Đaniel 6:24

Mtao mtă leh anăn arăng mă ba phung kčŭt kơ Y-Đaniel hwiê diñu hlăm war êmông gu mbĭt hŏng mô̆ anak diñu. Êlâo kơ diñu truh ti tur war, êmông gu mă hiêk leh anăn bi joh jih klang diñu.

Y-Mathiơ 27:5

Ñu dlăm hĕ prăk anăn hlăm Sang Kkuh Mpŭ, leh anăn ñu kbiă nao ruôt kkuê ñu pô.

Bruă Phung Khua Ƀĭng Kna 12:19

Tơdah mtao Hêrôt duah ƀiădah amâo dưi ƀuh Y-Pêtrôs ôh, ñu ksiêm êmuh phung kahan kiă, leh anăn mtă brei arăng bi mdjiê digơ̆. Leh anăn mtao Hêrôt trŭn mơ̆ng čar Yuđa nao kơ ƀuôn Sêsarê leh anăn dôk tinăn.