Y-Đaniel 3:18 - Klei Aê Diê Blŭ 2015

¹⁸ Ƀiădah tơdah Ñu amâo bi mtlaih hmei dưn, Ơ mtao, brei ih thâo hmei amâo srăng mpŭ kơ phung yang ih ôh, kăn kkuh mpŭ rei kơ rup tuh hŏng mah ih mdơ̆ng leh.”

Y-Đaniel 3:18 Iomraidhean Croise

I Bruă Mtao 19:14

Gơ̆ lač, “Kâo mâo leh klei hur har snăk kyua Yêhôwa Aê Diê kơ phung kahan; kyuadah phung ƀuôn sang Israel lui leh klei Ih bi mguôp, bi klưh leh knưl Ih, leh anăn bi mdjiê leh phung khua pô hưn êlâo Ih hŏng đao gưm, leh anăn kâo, knŏng hjăn kâo ăt dôk, leh anăn diñu duah čiăng bi luč klei hdĭp kâo.”

I Bruă Mtao 19:18

Ƀiădah Kâo srăng lui kjuh êbâo čô hlăm čar Israel, jih jang phung amâo tuôm čuôn kơŭt ti anăp yang Baal, leh anăn jih ƀăng êgei amâo tuôm čŭm gơ̆ ôh.”

Y-Yôp 13:15

Wăt tơdah Ñu bi mdjiê kâo dưn, ăt kâo srăng knang kơ Ñu, ƀiădah kâo srăng mgang klei kâo ngă ti anăp ƀô̆ mta Ñu.

Klei Bi Hriêng 28:1

Mnuih ƀai đuĕ wăt tơdah amâo mâo pô tiŏ ñu ôh, ƀiădah phung kpă dôk jhŏng msĕ si êmông gu.

Y-Đaniel 3:28

Y-Nebukatnetsar lač, “Mpŭ mni kơ Aê Diê Y-Sadrak, Y-Mêsăk, leh anăn Y-Abetnêgô, Pô tiŏ nao dĭng buăl jăk Ñu bi mtlaih leh phung dĭng buăl knang kơ Ñu, phung bi mlih leh klei mtao mtă, leh anăn săn asei mlei digơ̆ čiăng amâo kkuh mpŭ kơ yang mkăn ôh knŏng hjăn Aê Diê digơ̆ pô.

Bruă Lêwi 19:4

Đăm wir phă rup yang amâodah tuh tia kơ diih pô rup yang ôh. Kâo jing Yêhôwa Aê Diê diih.

Y-Mathiơ 10:28

Đăm huĭ ôh kơ phung dưi bi mdjiê asei mlei ƀiădah amâo dưi bi mdjiê mngăt, ƀiădah huĭ bĕ kơ Pô dưi bi mdjiê mngăt wăt asei mlei hlăm war pui.

Y-Mathiơ 10:39

Hlei pô pioh klei hdĭp ñu srăng luč hĕ; leh anăn hlei pô bi luč klei hdĭp ñu kyua Kâo srăng lŏ ƀuh gơ̆.

Y-Mathiơ 16:2

Ƀiădah Yêsu lŏ wĭt lač kơ diñu, “Tơdah adiê tlam leh diih lač, ‘Hruê mgi srăng không, kyuadah adiê hrah.’

Bruă Phung Khua Ƀĭng Kna 4:19

Ƀiădah Y-Pêtrôs leh anăn Y-Yôhan lŏ wĭt lač kơ diñu, “Ya jing djŏ hĭn ti anăp Aê Diê, gưt kơ diih amâodah kơ Aê Diê, brei diih ksiêm dlăng;

Hêbrơ 11:25

ƀiădah ruah tŭ klei arăng ngă jhat mbĭt hŏng phung ƀuôn sang Aê Diê hrô kơ klei dôk mơak bhiâo hlăm klei soh.

Y-Yôsuê 24:15

Ară anei, tơdah diih amâo čiăng mă bruă kơ Yêhôwa ôh, ruah bĕ hruê anei kơ hlei pô diih čiăng mă bruă, thâodah phung yang phung aê diih đưm mă bruă ti hang nah yŭ Êa Krông Ơphrat, thâodah kơ yang phung Amôrit hlăm čar diñu diih dôk. Bi kâo leh anăn phung hlăm sang kâo, hmei srăng mă bruă kơ Yêhôwa.”

Klei Bi Êdah 12:11

Diñu dưi hŏng pô kčŭt anăn kyua êrah Êđai Biăp leh anăn kyua klei blŭ diñu hưn, kyuadah diñu săn asei mlei wăt tơl djiê dưn mơh.