Y-Đaniel 3:10 - Klei Aê Diê Blŭ 2015

¹⁰ Ơ mtao, ih pô mtă leh tơdah hlei pô hmư̆ asăp ki ayŭ, asăp đĭng, asăp brô̆, đĭng buôt, đĭng kliă, leh anăn djăp mta klei mmuñ srăng buôn kŭp ƀô̆ leh anăn kkuh mpŭ kơ rup tuh hŏng mah.

Y-Đaniel 3:10 Iomraidhean Croise

I Klei Yăl Dliê 15:16

Msĕ mơh Y-Đawit mtă kơ phung khua Lêwi brei mdưm phung ayŏng adei diñu jing phung mmuñ srăng pĕ brô̆, ayŭ đĭng kliă, êyuh dang hŏng klei kraih čiăng mâo asăp ênai hơ̆k mơak.

I Klei Yăl Dliê 15:28

Snăn jih jang phung Israel atăt ba hip klei bi mguôp Yêhôwa hŏng klei ur driâo, hŏng asăp ki, dang, leh anăn asăp ênai kraih ktang mơ̆ng brô̆ leh anăn đĭng kliă.

II Klei Yăl Dliê 29:25

Ñu mdưm phung Lêwi hlăm sang Yêhôwa djă đang, brô̆, leh anăn đĭng kliă, tui si klei Y-Đawit leh anăn Y-Gat pô thâo bi ƀuh kơ mtao leh anăn mơ̆ng Y-Nathan khua pô hưn êlâo mtă. Kyuadah klei mtă anăn kbiă hriê mơ̆ng Yêhôwa hŏng ƀăng êgei phung khua pô hưn êlâo Ñu.

Klei Mmuñ Hđăp 94:20

Phung mtao ƀai bi truh klei ênguôt êjai mjing klei bhiăn soh Dưi mơ̆ phung mtao ƀai bi mguôp hŏng Ih?

Klei Kbiă 1:16

Ñu lač, “Tơdah diih srăng mă ƀuê phung mniê Hêbrơ, leh anăn ƀuh digơ̆ dơ̆ng kkiêng, tơdah jing êkei, bi mdjiê hĕ ñu; tơdah mniê, lui ñu dôk hdĭp.”

Klei Kbiă 1:22

Pharaôn mtă kơ jih jang phung ƀuôn sang ñu, “Brei diih hwiê hlăm êa krông Nil grăp čô anak êkei phung Hêbrơ srăng kkiêng, ƀiădah lui grăp čô anak mniê dôk hdĭp.”

Khua Pô Mtô 3:16

Êbeh hĭn kơ klei anăn kâo ƀuh leh ti gŭ yang hruê: wăt mâo klei wê dôk hlăm anôk năng kơ klei kpă, leh anăn hlăm anôk kpă ênô, mâo wăt klei wê mơh.

Y-Êsai 10:1

Knap mñai yơh kơ phung ngă klei mtă wê, leh anăn kơ phung čih klei bhiăn ktư̆ juă,

Y-Đaniel 3:11

Leh anăn hlei pô amâo buôn kŭp ƀô̆ leh anăn kkuh mpŭ arăng srăng hwiê ñu hlăm kpur pui.

Y-Đaniel 3:15

Ară anei tơdah diih hmư̆ asăp ki ayŭ, asăp đĭng, asăp brô̆, đĭng ayŭ, đĭng buôt, đĭng kliă, leh anăn djăp mta klei mmuñ leh anăn buôn kŭp ƀô̆ leh anăn kkuh mpŭ kơ rup tuh kâo ngă leh, srăng jing jăk. Ƀiădah tơdah diih amâo kkuh mpŭ ôh, arăng srăng hwiê diih ti krah kpur pui mtam; leh anăn hlei yang dưi bi mtlaih diih mơ̆ng kngan kâo?”

Y-Đaniel 6:12

Snăn diñu hriê leh anăn blŭ ti anăp mtao djŏ kơ klei ghă mtao ngă leh, “Ơ mtao, amâo djŏ hĕ ih čih anăn ih leh kơ klei ghă, êjai tlâo pluh hruê hlei pô wah lač kơ yang amâodah mnuih mkăn mdê hŏng ih, arăng srăng hwiê pô anăn hlăm war êmông gu?” Mtao lŏ wĭt lač, “Klei anăn sĭt leh, tui si klei bhiăn phung Mêdơ leh anăn phung Persơ, amâo dưi bi mlih ôh.”

Y-Amôs 6:5

phung diih mmuñ klei hơăi mang bi găl hŏng asăp brô̆, leh anăn msĕ si Y-Đawit mčeh mă kơ diñu pô đĭng brô̆;

Y-Yôhan 11:57

Phung knơ̆ng khua ngă yang leh anăn phung Pharisi mtă leh tơdah hlei pô thâo anôk Yêsu dôk, brei pô anăn hưn kơ diñu thâo, čiăng kơ diñu dưi mă čăp Yêsu.