Y-Đaniel 3:1 - Klei Aê Diê Blŭ 2015

¹ Mtao Nebukatnetsar ngă sa boh rup tuh hŏng mah, boh dlông năm pluh heh leh anăn boh găn năm heh. Ñu mdơ̆ng rup anăn ti lăn dap Dura hlăm čar Ƀaƀilôn.

Y-Đaniel 3:1 Iomraidhean Croise

I Bruă Mtao 12:28

Snăn mtao êmuh klei kčĕ, leh anăn ngă rup dua drei êđai êmô mah. Leh anăn ñu lač kơ phung ƀuôn sang, “Man leh diih đĭ nao kơ ƀuôn Yêrusalem. Ơ Israel, nĕ anei yang diih, phung atăt diih leh kbiă mơ̆ng čar Êjip.”

H'Êsther 1:1

Klei anei truh hlăm ênuk Y-Asuêrus, pô kiă kriê sa êtuh dua pluh kjuh boh čar mơ̆ng čar Klơ̆ng truh kơ čar Êthiôpi,

Klei Mmuñ Hđăp 135:15

Rup yang phung tue ngă hŏng prăk leh anăn mah, jing bruă kngan mnuih ngă.

Klei Kbiă 20:23

Đăm ngă ôh kơ diih pô rup yang hŏng prăk amâodah hŏng mah, čiăng bi msĕ Kâo hŏng diñu.’

Klei Kbiă 32:31

Snăn Y-Môis lŏ wĭt kơ Yêhôwa leh anăn lač, “Hbơih, phung ƀuôn sang anei ngă leh sa klei soh prŏng. Diñu ngă leh yang kơ diñu pô hŏng mah.

Y-Êsai 2:20

Hlăm hruê anăn phung mnuih srăng hwiê hĕ kơ kkuih leh anăn kơ knhuăr rup yang prăk leh anăn rup yang mah diñu, diñu ngă leh pioh kkuh mpŭ.

Y-Êsai 30:22

Leh anăn diih srăng bi čhŏ rup krah diih luôm hŏng prăk leh anăn rup diih tuh tia luôm hŏng mah. Diih srăng hwiê hĕ diñu msĕ si mnơ̆ng čhŏ; diih srăng lač kơ diñu, “Đuĕ bĕ.”

Y-Êsai 46:6

Phung bi liê lu mah mơ̆ng kdŭng, leh anăn mkă prăk hŏng knăng, mưn sa čô mnuih tia mah brei ñu ngă rup yang. Leh anăn diñu buôn leh anăn kkuh mpŭ!

Y-Yêrêmi 10:9

Arăng mă ba mơ̆ng ƀuôn Tarsis prăk tia leh, leh anăn mah mơ̆ng čar Uphas. Diñu jing dŏ mnuih mbruă mkra, leh anăn bruă kngan pô tia mah; čhiăm ao diñu mâo êa mlăng leh anăn hrah jŭ, jih jang dŏ anăn jing dŏ phung mbruă mkra.

Y-Yêrêmi 16:20

Dưi mơ̆ mnuih mjing phung yang kơ ñu pô? Dŏ msĕ snăn amâo jing yang sĭt ôh!”

Y-Đaniel 2:48

Snăn mtao bi mđĭ Y-Đaniel leh anăn brei kơ ñu lu dŏ yuôm, leh anăn brei ñu kiă kriê jih čar Ƀaƀilôn leh anăn jing khua kơ jih jang phung thâo mĭn hlăm čar Ƀaƀilôn.

Y-Đaniel 2:49

Y-Đaniel akâo kơ mtao, leh anăn ñu brei Y-Sadrak, Y-Mêsăk, leh anăn Y-Abetnêgô kiă kriê bruă čar Ƀaƀilôn, ƀiădah Y-Đaniel dôk hlăm wăl sang mtao.

Y-Đaniel 3:14

Y-Nebukatnetsar lač kơ diñu, “Ơ Y-Sadrak, Y-Mêsăk, leh anăn Y-Abetnêgô, sĭt mơ̆ diih amâo mpŭ ôh kơ yang kâo, kăn kkuh mpŭ rei kơ rup tuh hŏng mah kâo mdơ̆ng leh?

Y-Đaniel 3:30

Leh anăn mtao lŏ bi mđĭ hĭn Y-Sadrak, Y-Mêsăk, leh anăn Y-Abetnêgô hlăm čar Ƀaƀilôn.

Y-Đaniel 5:23

Ƀiădah ih mđĭ ih pô bi kdơ̆ng hŏng Khua Yang hlăm adiê; arăng ba ti anăp ih kčok mtĭl mơ̆ng sang Ñu, leh anăn ih, phung khua ih, phung mô̆ ih, leh anăn phung mô̆ hjŭng ih yua pioh mnăm kpiê. Leh anăn ih bi mni leh phung yang ngă hŏng prăk, mah, kông, msei, kyâo, leh anăn boh tâo, phung amâo thâo ƀuh, amâo thâo hmư̆, amâo thâo săng ôh; ƀiădah ih amâo bi guh kơang ôh kơ Aê Diê Pô djă êwa klei hdĭp ih leh anăn jih jang êlan ih.

Y-Đaniel 5:4

Diñu mnăm kpiê leh anăn bi mni kơ phung yang ngă hŏng mah, prăk, kông, msei, kyâo, leh anăn boh tâo.

Y-Ôsê 2:8

Ñu amâo tuôm thâo ôh Kâo yơh brei leh kơ ñu mdiê, kpiê mrâo, leh anăn êa prăi boh ôliwơ anăn, leh anăn Kâo yơh bi lar kơ ñu prăk leh anăn mah diñu yua pioh leh kơ yang Baal.

Y-Ôsê 8:4

Diñu mjing leh phung mtao, ƀiădah amâo djŏ tui si Kâo čiăng ôh. Diñu mdưm phung khua, ƀiădah amâo mâo klei tŭ ư mơ̆ng Kâo ôh. Hŏng prăk leh anăn mah diñu, diñu ngă leh rup yang jing klei bi rai kơ diñu pô.

Y-Haƀakuk 2:19

Knap mñai yơh kơ pô lač kơ kyâo, ‘Mdih bĕ ih,’ kơ boh tâo kmlô, ‘Kgŭ bĕ ih!’ Mnơ̆ng anei dưi brei klei bi hriăm mơ̆? Nĕ anei, arăng luôm ñu hŏng mah leh anăn prăk, leh anăn hlăm ñu amâo mâo êwa ôh hơăi.

Bruă Phung Khua Ƀĭng Kna 17:29

Snăn kyuadah drei jing phung anak Aê Diê, đăm drei mĭn ôh kơ Aê Diê jing msĕ si mah, prăk, amâodah boh tâo tui si mnuih krah hŏng klei mbruă leh anăn klei mĭn gơ̆.

Bruă Phung Khua Ƀĭng Kna 19:26

Leh anăn diih ƀuh leh anăn hmư̆ leh amâo djŏ knŏng ti ƀuôn Êphêsô ôh, ƀiădah păt čiăng tar ƀar čar Asi, Y-Pôl anăn mtô leh anăn mtrŭt lu mnuih lui drei, êjai lač kơ rup yang kngan mnuih ngă amâo jing yang sĭt ôh.

Klei Mtô Mñă Klei Bhiăn 7:25

Brei diih čuh hŏng pui rup yang diñu; đăm tluh ôh kơ prăk amâodah mah arăng luôm rup anăn, čiăng mă kơ diih pô, huĭdah ih lĕ hlăm kđông ƀêč kyua dŏ anăn; kyuadah dŏ anăn jing mnơ̆ng Yêhôwa bi êmut kheh.

Klei Bi Êdah 9:20

Phung mnuih adôk amâo djiê hŏng klei bi knap anăn amâo kmhal ôh kơ bruă kngan diñu ngă, kăn lui rei klei kkuh mpŭ kơ yang jhat, kơ rup yang ngă hŏng mah, prăk, kông, boh tâo, leh anăn kyâo, rup yang anăn amâo thâo ƀuh, hmư̆, amâodah êbat ôh.