Y-Đaniel 2:47 - Klei Aê Diê Blŭ 2015

⁴⁷ Mtao lač kơ Y-Đaniel, “Sĭt nik Aê Diê ih jing Aê Diê kơ phung yang, Khua Yang kơ phung mtao, Pô bi êdah klei hgăm, kyuadah ih dưi bi êdah leh klei hgăm anei.”

Y-Đaniel 2:47 Iomraidhean Croise

Klei Mphŭn Dơ̆ng 41:39

Snăn Pharaôn lač kơ Y-Yôsep, “Kyuadah Aê Diê bi êdah leh kơ ih klei anei, amâo mâo ôh sa čô thâo mĭn leh anăn knhâo msĕ si ih.

II Bruă Mtao 5:15

Leh anăn ñu lŏ wĭt kơ mnuih Aê Diê mbĭt hŏng jih jang phung nao mbĭt hŏng ñu. Ñu truh leh anăn dôk dơ̆ng ti anăp Y-Êlisê leh anăn lač, “Nĕ anei kâo thâo amâo mâo ôh Aê Diê tar ƀar lăn ala, knŏng hlăm čar Israel. Snăn ară anei, mă tŭ bĕ mnơ̆ng myơr anei mơ̆ng dĭng buăl ih.”

Y-Yôp 12:19

Ñu brei phung khua ngă yang jing mnă, leh anăn mdlưh hĕ phung ktang.

Klei Mmuñ Hđăp 136:2

Bi mni bĕ kơ Aê Diê kơ phung yang; kyua klei khăp Ñu dôk nanao hlŏng lar.

Klei Mmuñ Hđăp 136:3

Bi mni bĕ kơ Khua Yang kơ phung khua yang; kyua klei khăp Ñu dôk nanao hlŏng lar.

Klei Mmuñ Hđăp 72:11

Brei jih jang phung mtao buôn ti anăp ñu, brei jih jang găp djuê mă bruă kơ ñu!

Klei Mmuñ Hđăp 82:1

Aê Diê dôk dơ̆ng hlăm klei bi kƀĭn Aê Diê; Ñu phat kđi ti krah phung yang.

Klei Mmuñ Hđăp 96:4

Kyuadah Yêhôwa jing prŏng leh anăn năng bi mni; Ñu năng arăng huĭ mpŭ êgao hĭn kơ jih jang yang.

Y-Êsêkiêl 26:7

Kyuadah snei Yêhôwa Aê Diê lač: ‘Nĕ anei Kâo srăng atăt ba kơ ƀuôn Tir mơ̆ng dưr Y-Nebukatnetsar mtao Ƀaƀilôn, mtao kơ phung mtao, mbĭt hŏng aseh leh anăn êdeh aseh, phung kahan đĭ aseh leh anăn phung kahan lu.

Y-Đaniel 11:36

Mtao srăng ngă tui si ñu čiăng; ñu srăng bi mđĭ ñu pô, leh anăn mpŭ ñu pô ti dlông hĭn kơ jih jang yang, leh anăn ñu srăng blŭ mgao hŏng Aê Diê kơ jih jang yang; ñu srăng dưi tơl ênuk klei ngêñ ruê̆ leh; kyuadah ya klei Aê Diê čuăn leh srăng truh sĭt.

Y-Đaniel 2:19

Leh anăn Aê Diê bi êdah klei hgăm anăn kơ Y-Đaniel hlăm klei bi ƀuh êjai mlam. Leh anăn Y-Đaniel mpŭ mni kơ Aê Diê hlăm adiê.

Y-Đaniel 2:22

Ñu bi êdah klei êlam leh anăn klei hgăm; Ñu thâo mnơ̆ng dôk hlăm klei mmăt, leh anăn klei mngač dôk mbĭt hŏng Ñu.

Y-Đaniel 2:28

Ƀiădah mâo Aê Diê hlăm adiê bi êdah klei hgăm, leh anăn Ñu brei mtao Nebukatnetsar thâo klei srăng truh hlăm ênuk knhal tuč. Klei ih êpei ƀuh leh anăn klei ih bi ƀuh êjai ih đih ti jhưng pĭt ih snei:

Y-Đaniel 2:29

‘Ơ mtao, êjai ih đih ti jhưng ih mâo klei mĭn kơ klei srăng truh êdei, leh anăn Pô bi êdah klei hgăm brei ih thâo klei srăng truh.

Y-Đaniel 2:30

Bi kơ kâo, klei hgăm anăn bi êdah leh kơ kâo amâo djŏ ôh kyua kâo mâo klei thâo mĭn hĭn kơ mnuih mkăn, ƀiădah čiăng brei klei mblang anăn kơ mtao, leh anăn brei ih thâo săng klei mĭn ih.

Y-Đaniel 2:37

Ơ mtao, ih jing mtao kơ phung mtao, pô Aê Diê hlăm adiê brei leh ƀuôn ala mtao, klei dưi, klei ktang, leh anăn klei guh kơang.

Y-Đaniel 3:15

Ară anei tơdah diih hmư̆ asăp ki ayŭ, asăp đĭng, asăp brô̆, đĭng ayŭ, đĭng buôt, đĭng kliă, leh anăn djăp mta klei mmuñ leh anăn buôn kŭp ƀô̆ leh anăn kkuh mpŭ kơ rup tuh kâo ngă leh, srăng jing jăk. Ƀiădah tơdah diih amâo kkuh mpŭ ôh, arăng srăng hwiê diih ti krah kpur pui mtam; leh anăn hlei yang dưi bi mtlaih diih mơ̆ng kngan kâo?”

Y-Đaniel 3:28

Y-Nebukatnetsar lač, “Mpŭ mni kơ Aê Diê Y-Sadrak, Y-Mêsăk, leh anăn Y-Abetnêgô, Pô tiŏ nao dĭng buăl jăk Ñu bi mtlaih leh phung dĭng buăl knang kơ Ñu, phung bi mlih leh klei mtao mtă, leh anăn săn asei mlei digơ̆ čiăng amâo kkuh mpŭ kơ yang mkăn ôh knŏng hjăn Aê Diê digơ̆ pô.

Y-Đaniel 3:29

Snăn kâo brei klei mtă anei: tơdah hlei phung ƀuôn sang, phung găp djuê mnuih, leh anăn phung blŭ mdê mdê blŭ jhat kơ Aê Diê Y-Sadrak, Y-Mêsăk, leh anăn Y-Abetnêgô, arăng srăng kčoh asei mlei diñu, leh anăn bi rai sang diñu, kyuadah amâo mâo yang mkăn ôh dưi bi mtlaih msĕ snei.”

Y-Đaniel 4:17

Kđi anăn kbiă mơ̆ng phung gak, leh anăn klei mtă kbiă mơ̆ng klei phung doh jăk blŭ, čiăng kơ phung mnuih hdĭp dưi thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu brei kơ hlei pô Ñu čiăng, leh anăn bi mđĭ mnuih hơăi mang hĭn brei kiă kriê.’

Y-Đaniel 4:25

arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô, leh anăn ih srăng msah hŏng êa nguôm mơ̆ng adiê êjai kjuh yan, tơl ih thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn brei klei kiă kriê anăn kơ hlei pô Ñu čiăng.

Y-Đaniel 4:32

Arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô êjai kjuh yan, tơl ih thâo săng Pô Ti Dlông Hĭn kiă kriê hlăm ƀuôn ala mtao mnuih leh anăn brei kơ hlei pô ñu čiăng.”

Y-Đaniel 5:11

Hlăm ƀuôn ala mtao ih mâo sa čô mnuih mâo mngăt myang phung yang doh jăk dôk hlăm ñu. Hlăm ênuk ama ih arăng ƀuh hlăm pô anăn klei mngač, klei thâo săng, leh anăn klei knhâo msĕ si klei knhâo phung yang. Snăn mtao Nebukatnetsar ama ih, ama ih mtao, mjing ñu khua kơ phung mdian, phung mjâo, leh anăn phung ksiêm mtŭ.

Y-Amôs 3:7

Sĭt nik Aê Diê Yêhôwa amâo ngă sa mta klei ôh tơdah Ñu amâo hưn klei hgăm Ñu kơ phung dĭng buăl Ñu, phung khua pô hưn êlâo.

I Kôrantô 14:25

klei hgăm hlăm ai tiê ñu srăng bi êdah, snăn ñu srăng kŭp ƀô̆ ti lăn, kkuh mpŭ kơ Aê Diê, leh anăn hưn Aê Diê dôk ti krah diih sĭt nik.

Klei Mtô Mñă Klei Bhiăn 10:17

Kyuadah Yêhôwa Aê Diê diih jing Aê Diê kơ phung yang leh anăn Khua Yang kơ phung khua, Aê Diê Pô prŏng, Pô myang, leh anăn Pô bi krưp, Pô amâo dlăng mnuih mdê mdê ôh, leh anăn amâo tŭ ôh ngăn sun.

I Y-Timôthê 6:15

Ñu srăng bi êdah djŏ ênuk Ñu tui si Aê Diê, knŏng hjăn Ñu jing Pô Kiă Kriê mâo klei jăk jĭn, Mtao kơ phung mtao, leh anăn Khua Yang kơ phung khua yang,

Y-Yôsuê 22:22

“Pô Myang Hĭn, Aê Diê, Yêhôwa! Pô Myang Hĭn, Aê Diê, Yêhôwa! Ñu thâo klei anei; leh anăn brei phung Israel thâo klei anei! Tơdah hŏng klei bi kdơ̆ng amâodah hlăm klei amâo dôk sĭt suôr hŏng Yêhôwa ôh, đăm hơưi kơ hmei ôh hruê anei

Klei Bi Êdah 1:5

leh anăn mơ̆ng Yêsu Krist, Pô hưn sĭt suôr, Pô kbiă lŏ hdĭp tal êlâo mơ̆ng phung djiê, leh anăn Khua kơ phung mtao ti lăn ala. Kơ Pô khăp kơ drei leh anăn bi êngiê leh drei mơ̆ng klei soh drei hŏng êrah Ñu pô,

Klei Bi Êdah 17:14

Diñu srăng bi blah hŏng Êđai Biăp, leh anăn Êđai Biăp srăng dưi hŏng diñu, kyuadah Gơ̆ jing Khua Yang kơ jih jang phung khua yang leh anăn Mtao kơ jih jang phung mtao, leh anăn phung dôk mbĭt hŏng Gơ̆ jing phung Aê Diê iêô leh, ruah leh, leh anăn jing phung sĭt suôr.”

Klei Bi Êdah 19:16

Arăng čih ti ao jhung Ñu leh anăn ti pha Ñu sa anăn, Mtao kơ phung mtao leh anăn Khua Yang kơ phung khua yang.