Y-Đaniel 2:44 - Klei Aê Diê Blŭ 2015

⁴⁴ Hlăm ênuk phung mtao anăn, Aê Diê hlăm adiê srăng mdơ̆ng sa boh ƀuôn ala mtao amâo srăng tuôm rai luč ôh, kăn klei kiă kriê anăn srăng lĕ kơ găp djuê mkăn rei, ƀiădah ƀuôn ala mtao Aê Diê srăng bi mčah leh anăn bi rai jih jang ƀuôn ala mtao anei, leh anăn ñu srăng dôk nanao hlŏng lar.

Y-Đaniel 2:44 Iomraidhean Croise

Klei Mphŭn Dơ̆ng 49:10

Giê mtao amâo srăng đuĕ mơ̆ng Y-Yuđa ôh, kăn giê knuăk kiă kriê đuĕ rei mơ̆ng ti krah jơ̆ng ñu, tơl Pô jing năng kơ dŏ anăn truh; leh anăn kơ Ñu yơh phung ƀuôn sang srăng gưt asăp.

II Y-Samuel 7:13

Ñu srăng mdơ̆ng sa boh sang kơ anăn Kâo, leh anăn Kâo srăng bi kjăp jhưng mtao ƀuôn ala mtao ñu hlŏng lar.

II Y-Samuel 7:16

Sang ih leh anăn ƀuôn ala mtao ih srăng jing kjăp hlŏng lar ti anăp Kâo; jhưng mtao ih srăng jing kjăp hlŏng lar.’ ”

Klei Mmuñ Hđăp 145:13

Ƀuôn ala mtao Ih jing ƀuôn ala mtao hlŏng lar, leh anăn klei Ih kiă kriê dôk hlăm jih jang ênuk. Yêhôwa jing sĭt suôr hŏng jih klei Ñu ƀuăn, leh anăn khăp kơ jih jang mnơ̆ng Ñu hrih.

Y-Êsai 60:12

Kyuadah găp djuê leh anăn ƀuôn ala mtao amâo čiăng mă bruă kơ ih ôh srăng rai tuč; arăng srăng bi rai hĕ phung găp djuê anăn jih nguêč.

Y-Êsêkiêl 37:25

Diñu srăng dôk hlăm čar phung aê diih dôk leh, čar anăn Kâo brei leh kơ dĭng buăl Kâo Y-Yakôp, diñu leh anăn phung anak diñu leh anăn phung čô diñu hlŏng lar; leh anăn Y-Đawit dĭng buăl Kâo srăng jing khua diñu hlŏng lar.

Y-Đaniel 2:28

Ƀiădah mâo Aê Diê hlăm adiê bi êdah klei hgăm, leh anăn Ñu brei mtao Nebukatnetsar thâo klei srăng truh hlăm ênuk knhal tuč. Klei ih êpei ƀuh leh anăn klei ih bi ƀuh êjai ih đih ti jhưng pĭt ih snei:

Y-Đaniel 2:34

Êjai ih dôk dlăng mâo sa klŏ boh tâo, amâo djŏ kngan mnuih bi kpĕ ôh, drăm ti jơ̆ng rup tuh ngă hŏng msei leh anăn lăn lŭ, tơl jơ̆ng joh.

Y-Đaniel 2:35

Leh anăn msei, lăn lŭ, kông, prăk, leh anăn mah mčah mđrăm mbĭt, leh anăn jing msĕ si kam ti anôk juă mdiê êjai yan bhang, leh anăn angĭn mđung kpuh diñu, snăn amâo lŏ ƀuh diñu ôh hơăi. Ƀiădah boh tâo bi mčah rup tuh anăn hriê kơ prŏng jing sa boh čư̆ prŏng leh anăn bi bŏ tar ƀar lăn ala.

Y-Đaniel 2:37

Ơ mtao, ih jing mtao kơ phung mtao, pô Aê Diê hlăm adiê brei leh ƀuôn ala mtao, klei dưi, klei ktang, leh anăn klei guh kơang.

Y-Đaniel 2:43

Msĕ si ih ƀuh leh msei bi lŭk hŏng lăn lŭ, msĕ snăn mơh hŏng klei bi kuôl ung mô̆ diñu srăng bi lŭk hdơ̆ng diñu pô, ƀiădah diñu amâo srăng dôk kjăp ôh, msĕ si msei amâo bi mguôp hŏng lăn lŭ ôh.

Y-Đaniel 4:3

Klei bi knăl Ñu prŏng snăk, klei yuôm bhăn Ñu ktang êdi! Ƀuôn ala mtao Ñu dôk nanao hlŏng lar, leh anăn klei Ñu kiă kriê dôk hlăm jih jang ênuk.”

Y-Đaniel 4:34

Ti knhal tuč hruê bi kčah anăn, kâo gơ̆ Y-Nebukatnetsar angưi ală phă adiê, leh anăn klei thâo săng lŏ wĭt kơ kâo, leh anăn kâo mpŭ mni kơ Pô Ti Dlông Hĭn. Kâo bi mni leh anăn mpŭ kơ Pô dôk hdĭp hlŏng lar. Kyuadah klei Ñu kiă kriê dôk hlŏng lar, leh anăn ƀuôn ala mtao Ñu dôk hlăm jih jang ênuk.

Y-Đaniel 6:26

Kâo brei klei mtă tar ƀar anôk hlăm ƀuôn ala mtao kâo brei mnuih ktư̆ yơ̆ng leh anăn huĭ ti anăp Aê Diê Y-Đaniel, Kyuadah Ñu jing Aê Diê hdĭp, Ñu dôk hlŏng lar; ƀuôn ala mtao Ñu amâo thâo rai tuč ôh, leh anăn klei Ñu kiă kriê srăng dôk hlŏng lar.

Y-Đaniel 6:27

Ñu dŏng leh anăn bi mtlaih; Ñu ngă klei bi knăl leh anăn klei yuôm bhăn hlăm adiê leh anăn ti lăn ala. Ñu yơh Pô bi mtlaih Y-Đaniel mơ̆ng klei ktang êmông gu.”

Y-Đaniel 7:27

Leh anăn arăng srăng jao ƀuôn ala mtao, klei dưi kiă kriê, leh anăn klei prŏng jih jang ƀuôn ala mtao ti gŭ jih adiê kơ phung doh jăk, phung ƀuôn sang Pô Ti Dlông Hĭn. Ƀuôn ala mtao Ñu srăng jing ƀuôn ala mtao dôk hlŏng lar, leh anăn jih jang phung kiă kriê srăng mă bruă leh anăn gưt kơ Ñu.’

Y-Đaniel 8:25

Hŏng klei mnêč ñu srăng dưi hŏng klei ñu mplư. Ñu srăng mâo ai tiê mgao. Bhiâo riâo rit ñu srăng bi rai lu mnuih êjai digơ̆ mĭn mâo klei hơĭt. Wăt ñu srăng kgŭ bi kdơ̆ng hŏng Khua kơ jih jang phung khua; ƀiădah ñu srăng rai amâo djŏ kyua kngan mnuih ngă ôh.

Y-Mika 4:7

Kâo srăng brei phung đŏng dlơt jơ̆ng jing phung adôk, leh anăn brei phung arăng suôt leh jing sa găp djuê jhŏng ktang; leh anăn Yêhôwa srăng kiă kriê diñu ti čư̆ Siôn mơ̆ng anăn hlŏng lar.

Y-Agê 2:22

leh anăn klư̆ hĕ jhưng mtao jih jang ƀuôn ala mtao, leh anăn bi luč klei ktang jih jang ƀuôn ala mtao phung găp djuê mnuih, leh anăn bi rai hĕ êdeh aseh leh anăn phung đĭ digơ̆, aseh leh anăn phung đĭ digơ̆ srăng êbuh, grăp čô hŏng đao gưm ƀĭng găp ñu.’ ”

Y-Agê 2:7

Kâo srăng êyuh jih jang găp djuê mnuih, snăn ngăn drăp jih jang phung găp djuê mnuih srăng truh, leh anăn Kâo srăng bi bŏ sang anei hŏng klei guh kơang,’ Yêhôwa kơ phung kahan lač.

Y-Mathiơ 28:18

Yêsu nao giăm diñu leh anăn lač, “Jih jang klei dưi hlăm adiê leh anăn ti lăn ala arăng jao leh kơ Kâo.

Y-Yôhan 12:34

Phung lu lŏ wĭt lač kơ Ñu, “Hmei hriăm leh hlăm klei bhiăn kơ Yang Krist dôk nanao hlŏng lar. Si Ih dưi lač arăng srăng yơr Anak Mnuih ti dlông lĕ? Hlei Anak Mnuih anăn?”

Hêbrơ 12:28

Kyua anăn brei drei hdơr knga kyua drei mă tŭ leh ƀuôn ala mtao arăng amâo dưi êyuh ôh. Snăn brei drei myơr kơ Aê Diê klei kkuh mpŭ bi mơak kơ Ñu hŏng klei mpŭ leh anăn klei huĭ.

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”

Klei Bi Êdah 2:27

Ñu srăng kiă kriê digơ̆ hŏng giê msei, msĕ si arăng bi mčah gŏ ngă hŏng lŭ, msĕ si Kâo pô mă tŭ leh klei dưi mơ̆ng Ama Kâo;