Y-Đaniel 2:42 - Klei Aê Diê Blŭ 2015

⁴² Msĕ si kđiêng jơ̆ng ngă hŏng msei leh anăn lăn lŭ, snăn ƀuôn ala mtao anăn srăng mâo sa kdrêč ktang, sa kdrêč awăt.

Y-Đaniel 2:42 Iomraidhean Croise

Y-Đaniel 2:41

Leh anăn msĕ si ih ƀuh jơ̆ng leh anăn kđiêng jơ̆ng ngă hŏng lăn lŭ leh anăn hŏng msei, ñu srăng jing sa boh ƀuôn ala mtao bi kah mbha leh; ƀiădah hlăm ñu anăn srăng mâo đa klei ktang msĕ si msei tui si ih ƀuh leh msei bi lŭk hŏng lăn lŭ.

Y-Đaniel 2:43

Msĕ si ih ƀuh leh msei bi lŭk hŏng lăn lŭ, msĕ snăn mơh hŏng klei bi kuôl ung mô̆ diñu srăng bi lŭk hdơ̆ng diñu pô, ƀiădah diñu amâo srăng dôk kjăp ôh, msĕ si msei amâo bi mguôp hŏng lăn lŭ ôh.

Y-Đaniel 7:24

Bi kơ pluh ƀĕ ki, si tô hmô pluh čô mtao srăng kbiă hriê mơ̆ng ƀuôn ala mtao anăn. Sa čô mtao mkăn srăng kbiă hriê êdei kơ diñu, gơ̆ srăng jing mdê hŏng phung mtao êlâo, leh anăn srăng mdlưh tlâo čô mtao.

Klei Bi Êdah 13:1

Leh anăn kâo ƀuh sa drei hlô dliê kbiă mơ̆ng êa ksĭ, mâo pluh ƀĕ ki leh anăn kjuh boh kŏ. Ti ki ñu mâo pluh boh đuôn mtao, leh anăn ti boh kŏ ñu mâo anăn klei blŭ dlao wač kơ Aê Diê.