Y-Đaniel 2:41 - Klei Aê Diê Blŭ 2015

⁴¹ Leh anăn msĕ si ih ƀuh jơ̆ng leh anăn kđiêng jơ̆ng ngă hŏng lăn lŭ leh anăn hŏng msei, ñu srăng jing sa boh ƀuôn ala mtao bi kah mbha leh; ƀiădah hlăm ñu anăn srăng mâo đa klei ktang msĕ si msei tui si ih ƀuh leh msei bi lŭk hŏng lăn lŭ.

Y-Đaniel 2:41 Iomraidhean Croise

Y-Đaniel 2:40

Leh anăn srăng mâo ƀuôn ala mtao tal pă, ktang msĕ si msei, kyuadah msei bi joh leh anăn bi mčah jih jang mnơ̆ng; msĕ si msei bi mčah, ñu srăng bi mčah leh anăn bi ƀhĭ jih jang mnơ̆ng anăn.

Y-Đaniel 2:42

Msĕ si kđiêng jơ̆ng ngă hŏng msei leh anăn lăn lŭ, snăn ƀuôn ala mtao anăn srăng mâo sa kdrêč ktang, sa kdrêč awăt.

Y-Đaniel 7:24

Bi kơ pluh ƀĕ ki, si tô hmô pluh čô mtao srăng kbiă hriê mơ̆ng ƀuôn ala mtao anăn. Sa čô mtao mkăn srăng kbiă hriê êdei kơ diñu, gơ̆ srăng jing mdê hŏng phung mtao êlâo, leh anăn srăng mdlưh tlâo čô mtao.

Y-Đaniel 7:7

Êdei tinăn kâo ƀuh hlăm klei bi ƀuh êjai mlam, nĕ anei sa drei hlô dliê tal pă, jhŏng, bi huĭ arăng, leh anăn ktang snăk; ñu mâo griăng msei prŏng, ñu lun ƀơ̆ng, bi mčah, leh anăn juă hŏng jơ̆ng ñu mnơ̆ng ăt dôk. Ñu jing mdê hŏng jih hlô dliê truh êlâo, leh anăn ñu mâo pluh ƀĕ ki.

Klei Bi Êdah 12:3

Mâo sa klei bi knăl mkăn bi êdah hlăm adiê; nĕ anei mâo sa drei anak rai prŏng hrah, mâo kjuh boh kŏ leh anăn pluh ƀĕ ki, leh anăn ti boh kŏ ñu mâo kjuh đuôn mtao.

Klei Bi Êdah 13:1

Leh anăn kâo ƀuh sa drei hlô dliê kbiă mơ̆ng êa ksĭ, mâo pluh ƀĕ ki leh anăn kjuh boh kŏ. Ti ki ñu mâo pluh boh đuôn mtao, leh anăn ti boh kŏ ñu mâo anăn klei blŭ dlao wač kơ Aê Diê.

Klei Bi Êdah 17:12

Pluh ƀĕ ki ih ƀuh anăn jing pluh čô mtao ka tuôm mă tŭ klei dưi kiă kriê ôh, ƀiădah diñu srăng mă tŭ klei dưi jing mtao êjai sa mông, mbĭt hŏng hlô dliê anăn.