Y-Đaniel 2:34 - Klei Aê Diê Blŭ 2015

³⁴ Êjai ih dôk dlăng mâo sa klŏ boh tâo, amâo djŏ kngan mnuih bi kpĕ ôh, drăm ti jơ̆ng rup tuh ngă hŏng msei leh anăn lăn lŭ, tơl jơ̆ng joh.

Y-Đaniel 2:34 Iomraidhean Croise

Klei Mmuñ Hđăp 118:22

Boh tâo phung mdơ̆ng sang hwiê hĕ leh, jing hĕ leh boh tâo phŭn ti kiêng.

Y-Êsai 28:16

Kyuanăn Khua Yang Yêhôwa lač snei: “Nĕ anei, Kâo dưm hlăm Siôn sa klŏ boh tâo, sa klŏ boh tâo arăng lông dlăng leh, boh tâo kiêng yuôm hlăm tur kjăp. Hlei pô đăo amâo srăng êdu ai ôh.

Y-Êsai 60:12

Kyuadah găp djuê leh anăn ƀuôn ala mtao amâo čiăng mă bruă kơ ih ôh srăng rai tuč; arăng srăng bi rai hĕ phung găp djuê anăn jih nguêč.

Y-Êsai 8:9

Ơ phung ƀuôn sang, brei diih mâo klei ênguôt. Ơ jih jang čar kbưi, mđing bĕ knga. Hyuă bĕ hdrăng kơiêng leh anăn mâo klei ênguôt; hyuă bĕ hdrăng kơiêng leh anăn mâo klei ênguôt.

Y-Êsêkiêl 32:28

Snăn yơh ih srăng djiê leh anăn đih mbĭt hŏng phung amâo khăt klĭt ôh, mbĭt hŏng phung arăng bi mdjiê hŏng đao gưm.

Y-Êsêkiêl 47:5

Ñu lŏ mkă sa êbâo heh, leh anăn êa anăn jing êa krông kâo amâo dưi găn ôh, kyuadah êa đĭ leh; jing êlam dưi luê, sa hnoh êa krông arăng amâo dưi găn ôh.

Y-Đaniel 2:33

thung ñu ngă hŏng msei, jơ̆ng ñu hŏng msei leh anăn lăn lŭ.

Y-Đaniel 7:27

Leh anăn arăng srăng jao ƀuôn ala mtao, klei dưi kiă kriê, leh anăn klei prŏng jih jang ƀuôn ala mtao ti gŭ jih adiê kơ phung doh jăk, phung ƀuôn sang Pô Ti Dlông Hĭn. Ƀuôn ala mtao Ñu srăng jing ƀuôn ala mtao dôk hlŏng lar, leh anăn jih jang phung kiă kriê srăng mă bruă leh anăn gưt kơ Ñu.’

Y-Đaniel 8:25

Hŏng klei mnêč ñu srăng dưi hŏng klei ñu mplư. Ñu srăng mâo ai tiê mgao. Bhiâo riâo rit ñu srăng bi rai lu mnuih êjai digơ̆ mĭn mâo klei hơĭt. Wăt ñu srăng kgŭ bi kdơ̆ng hŏng Khua kơ jih jang phung khua; ƀiădah ñu srăng rai amâo djŏ kyua kngan mnuih ngă ôh.

Y-Sakari 12:3

Ti hruê anăn Kâo srăng brei ƀuôn Yêrusalem jing sa boh tâo ktrŏ kơ jih jang phung găp djuê mnuih, tơdah hlei pô srăng pŭ yŏng gơ̆ srăng ruă kjham. Leh anăn jih jang phung găp djuê mnuih ti lăn ala srăng hriê mđrăm mbĭt bi kdơ̆ng hŏng gơ̆.

Y-Sakari 4:6

Ñu lač kơ kâo, “Anei jing klei Yêhôwa blŭ kơ Y-Sôrôbabel: ‘Amâo djŏ hŏng klei myang ôh, kăn djŏ hŏng klei ktang rei, ƀiădah hŏng Mngăt Myang Kâo,’ Yêhôwa kơ phung kahan lač.

Y-Mathiơ 16:18

Kâo hưn kơ ih, ih jing Y-Pêtrôs, ti dlông boh tâo anei Kâo srăng mdơ̆ng Phung Sang Aê Diê Kâo, leh anăn ƀăng jang Ƀuôn Phung Djiê amâo srăng dưi hŏng ñu ôh.

Y-Yôhan 1:13

Phung anăn mâo klei kkiêng, amâo djŏ ôh tui si êrah, kăn djŏ tui si kđeh čiăng amâodah tui si klei ung čiăng rei, ƀiădah tui si klei Aê Diê pô čiăng.

Bruă Phung Khua Ƀĭng Kna 4:11

Anei yơh jing ‘boh tâo phung diih ngă sang hwiê leh, ƀiădah boh tâo anăn jing hĕ leh boh tâo phŭn ti kiêng.’

II Kôrantô 5:1

Kyuadah drei thâo tơdah sang čhiăm anôk drei dôk ti lăn ala rai leh, drei mâo sang Aê Diê pô mkra, amâo djŏ kngan mnuih ngă ôh, dôk nanao hlŏng lar hlăm adiê.

Hêbrơ 9:24

Kyuadah Krist mŭt leh, amâo djŏ ôh hlăm adŭ doh jăk kngan mnuih ngă, jing rup kơ adŭ doh jăk sĭt, ƀiădah mŭt leh hlăm adiê čiăng bi êdah Ñu pô ară anei ti anăp Aê Diê bi ala drei.

I Y-Pêtrôs 2:7

Kyuanăn kơ diih phung đăo leh, boh tâo anei jing yuôm; ƀiădah kơ phung amâo đăo ôh, “Boh tâo phung ngă sang hngah leh, jing hĕ leh boh tâo phŭn ti kiêng,”

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”

Klei Bi Êdah 17:14

Diñu srăng bi blah hŏng Êđai Biăp, leh anăn Êđai Biăp srăng dưi hŏng diñu, kyuadah Gơ̆ jing Khua Yang kơ jih jang phung khua yang leh anăn Mtao kơ jih jang phung mtao, leh anăn phung dôk mbĭt hŏng Gơ̆ jing phung Aê Diê iêô leh, ruah leh, leh anăn jing phung sĭt suôr.”