Y-Đaniel 2:30 - Klei Aê Diê Blŭ 2015

³⁰ Bi kơ kâo, klei hgăm anăn bi êdah leh kơ kâo amâo djŏ ôh kyua kâo mâo klei thâo mĭn hĭn kơ mnuih mkăn, ƀiădah čiăng brei klei mblang anăn kơ mtao, leh anăn brei ih thâo săng klei mĭn ih.

Y-Đaniel 2:30 Iomraidhean Croise

Klei Mphŭn Dơ̆ng 41:16

Y-Yôsep lŏ wĭt lač kơ Pharaôn, “Amâo djŏ kâo ôh, ƀiădah Aê Diê srăng brei kơ Pharaôn klei lŏ wĭt lač djŏ.”

Klei Mmuñ Hđăp 139:2

Ih thâo tơdah kâo dôk gŭ leh anăn tơđah kâo kgŭ. Mơ̆ng kbưi Ih thâo săng klei kâo mĭn.

Y-Êsai 45:4

Kyua dĭng buăl Kâo, Y-Yakôp, leh anăn Israel, pô Kâo ruah leh, Kâo iêô ih hŏng anăn ih, Kâo brei anăn ih arăng mpŭ, wăt tơdah ih amâo thâo kral Kâo ôh.

Y-Đaniel 1:17

Aê Diê brei kơ pă čô hlăk ai anăn mâo klei thâo mĭn lu, klei mbruă hlăm jih klei hriăm leh anăn klei knhâo. Bi Y-Đaniel mâo klei thâo săng kơ jih klei bi ƀuh leh anăn klei êpei ƀuh.

Y-Đaniel 2:47

Mtao lač kơ Y-Đaniel, “Sĭt nik Aê Diê ih jing Aê Diê kơ phung yang, Khua Yang kơ phung mtao, Pô bi êdah klei hgăm, kyuadah ih dưi bi êdah leh klei hgăm anei.”

Y-Đaniel 2:49

Y-Đaniel akâo kơ mtao, leh anăn ñu brei Y-Sadrak, Y-Mêsăk, leh anăn Y-Abetnêgô kiă kriê bruă čar Ƀaƀilôn, ƀiădah Y-Đaniel dôk hlăm wăl sang mtao.

Y-Amôs 4:13

Kyuadah nĕ anei, pô mjing čư̆ leh anăn hrih angĭn, leh anăn hưn kơ mnuih ya klei ñu mĭn; pô brei aguah mbliư̆ jing mmăt, leh anăn êbat hlăm anôk dlông ti lăn ala — anăn Ñu jing Yêhôwa, Aê Diê kơ phung kahan!

Y-Mathiơ 24:22

Tơdah Aê Diê amâo bi hrŏ hruê anăn, amâo mâo sa čô mnuih dưi tlaih ôh. Ƀiădah Aê Diê srăng bi hrŏ hruê anăn kyua phung Ñu ruah leh.

Y-Markôs 13:20

Tơdah Khua Yang amâo bi hrŏ hruê ênuk anăn amâo mâo sa čô mnuih srăng tlaih ôh. Ƀiădah Ñu bi hrŏ leh hruê anăn kyua phung Ñu ruah leh.

Bruă Phung Khua Ƀĭng Kna 3:12

Tơdah Y-Pêtrôs ƀuh klei anăn, ñu lač kơ phung ƀuôn sang, “Ơ phung Israel, si ngă diih bi kngăr kơ klei anei? Si ngă diih dlăng kơ hmei msĕ si hŏng klei myang amâodah klei kpă hmei pô brei mnuih anei êbat?

Hră Y-Pôl Mơĭt kơ Phung Rôm 8:28

Snăn, drei thâo Aê Diê mjing jih jang klei jing jăk kơ phung khăp kơ Aê Diê, čiăng lač phung Aê Diê iêô leh tui si klei Ñu čuăn.

II Kôrantô 4:15

Jih klei anăn truh kyua diih, čiăng kơ êjai klei pap srăng truh êbeh dlai kơ lu hĭn mnuih, klei pap anăn srăng bi mđĭ klei bi mni, čiăng bi guh kơang kơ Aê Diê.