Y-Đaniel 2:25 - Klei Aê Diê Blŭ 2015

²⁵ Snăn Y-Ariôk ruăt atăt ba Y-Đaniel ti anăp mtao, leh anăn hưn kơ mtao snei, “Kâo ƀuh leh hlăm phung mnă mơ̆ng čar Yuđa sa čô dưi bi êdah kơ mtao klei mblang anăn.”

Y-Đaniel 2:25 Iomraidhean Croise

Klei Mphŭn Dơ̆ng 41:14

Snăn Pharaôn tiŏ nao brei arăng iêô Y-Yôsep, leh anăn arăng brei ñu kbiă mtam mơ̆ng war mnă. Leh ñu kuêh mlâo mŭñ kang ñu, bi mlih čhiăm ao, ñu nao ti anăp Pharaôn.

Y-Nêhêmi 7:6

Nĕ anei phung ƀuôn sang hlăm čar, phung kbiă hriê mơ̆ng klei jing mnă hlăm phung Y-Nebukatnetsar mtao Ƀaƀilôn atăt ba leh jing mnă. Diñu lŏ wĭt kơ ƀuôn Yêrusalem leh anăn kơ čar Yuđa, grăp čô kơ ƀuôn ñu pô.

Klei Bi Hriêng 24:11

Dŏng bĕ phung arăng atăt kơ klei djiê, bi mtlaih bĕ phung nao kơ anôk arăng bi mdjiê.

Khua Pô Mtô 9:10

Ya klei kngan ih ngă, ngă bĕ klei anăn hŏng jih klei ktang ih, kyuadah amâo mâo ôh bruă amâodah klei mĭn amâodah klei thâo săng amâodah klei thâo mĭn hlăm Ƀuôn Phung Djiê, kơ anôk anăn ih srăng nao.

Y-Đaniel 1:6

Hlăm phung anăn mâo phung Yuđa: Y-Đaniel, Y-Hanania, Y-Misaêl, leh anăn Y-Asaria.

Y-Đaniel 5:13

Snăn arăng atăt Y-Đaniel truh ti anăp mtao. Mtao lač kơ Y-Đaniel, “Ih hĕ jing Y-Đaniel anăn, sa čô hlăm phung mnă Yuđa, mtao ama kâo mă ba mơ̆ng čar Yuđa?

Y-Đaniel 6:13

Diñu lŏ wĭt lač kơ mtao, “Y-Đaniel anăn, sa čô hlăm phung mnă Yuđa amâo uêñ kơ ih ôh, Ơ mtao, amâodah kơ klei ghă ih čih leh, ƀiădah ñu ăt wah lač tlâo blư̆ grăp hruê.”