Y-Đaniel 2:23 - Klei Aê Diê Blŭ 2015

²³ Ơ Aê Diê phung aê kâo, kâo lač jăk leh anăn bi mni kơ Ih, kyuadah Ih brei leh kơ kâo klei thâo mĭn leh anăn klei myang, leh anăn ară anei Ih bi êdah leh kơ kâo klei hmei akâo kơ Ih, kyuadah Ih bi êdah leh kơ hmei klei mtao tui duah.”

Y-Đaniel 2:23 Iomraidhean Croise

Klei Mphŭn Dơ̆ng 18:17

Khua Yang lač kơ Ñu pô, “Kâo srăng mdăp mơ̆ kơ Y-Abraham si klei Kâo srăng ngă?

Klei Mphŭn Dơ̆ng 31:42

Tơdah Aê Diê ama kâo, Aê Diê Y-Abraham, Pô Y-Isăk huĭ mpŭ, amâo dôk tĭng kơ kâo, sĭt nik ih brei kâo wĭt kngan êhŏng. Aê Diê ƀuh leh klei knap kâo leh anăn bruă kngan kâo, leh anăn Ñu ƀuah ih mlam mlei.”

I Bruă Mtao 18:36

Ti mông myơr mnơ̆ng ngă yang, khua pô hưn êlâo Y-Êli nao giăm leh anăn lač, “Ơ Yêhôwa, Aê Diê Y-Abraham, Y-Isăk, leh anăn Y-Israel, brei arăng thâo hruê anei Ih jing Aê Diê hlăm phung Israel, leh anăn kâo jing dĭng buăl Ih, leh anăn kâo ngă leh jih klei anei tui si klei Ih blŭ.

I Bruă Mtao 8:57

Brei Yêhôwa Aê Diê drei dôk mbĭt hŏng drei, msĕ si Ñu dôk leh hŏng phung aê drei. Đăm brei Ñu lui drei amâodah hngah kơ drei ôh;

I Klei Yăl Dliê 29:10

Kyua anăn Y-Đawit mpŭ mni kơ Yêhôwa ti anăp jih jang phung bi kƀĭn; leh anăn ñu lač: “Mpŭ mni kơ ih, Ơ Yêhôwa, Aê Diê Y-Israel aê hmei nanao hlŏng lar!

I Klei Yăl Dliê 29:13

Ară anei hmei bi mni kơ ih, Ơ Aê Diê hmei, leh anăn mpŭ mni kơ anăn guh kơang ih.

II Klei Yăl Dliê 20:6

leh anăn lač, “Ơ Yêhôwa Aê Diê phung aê hmei, amâo djŏ hĕ Ih jing Aê Diê hlăm adiê? Amâo djŏ hĕ Ih jing khua kơ jih jang ƀuôn ala mtao phung găp djuê mnuih? Hlăm kngan Ih mâo klei myang leh anăn klei ktang, snăn amâo mâo sa čô dưi bi kdơ̆ng hŏng Ih ôh.

Klei Mmuñ Hđăp 21:2

Ih brei leh kơ ñu klei ai tiê ñu čiăng, leh anăn Ih amâo hngah ôh ya klei ƀăng êgei ñu akâo leh. (Sêla)

Klei Mmuñ Hđăp 21:4

Ñu akâo kơ Ih klei hdĭp; Ih brei leh kơ ñu klei hdĭp jŏk leh anăn dôk hlŏng lar.

Klei Mmuñ Hđăp 25:14

Yêhôwa bi êdah klei hgăm Ñu kơ phung huĭ mpŭ kơ Ñu, Ñu brei digơ̆ thâo kral klei Ñu bi mguôp.

Klei Mmuñ Hđăp 50:14

Myơr klei bi mni kơ Aê Diê jing mnơ̆ng ngă yang, leh anăn bi sĭt klei diih ƀuăn hŏng Pô Ti Dlông Hĭn;

Klei Kbiă 3:15

Aê Diê lŏ lač kơ Y-Môis, “Brei ih blŭ kơ phung ƀuôn sang Israel snei, ‘Yêhôwa, Aê Diê phung aê diih, Aê Diê Y-Abraham, Aê Diê Y-Isăk, leh anăn Aê Diê Y-Yakôp, tiŏ hriê kâo kơ diih.’ Anei yơh anăn Kâo hlŏng lar, anei yơh arăng srăng hdơr kơ Kâo hlăm jih jang ênuk.

Klei Bi Hriêng 21:22

Mnuih thâo mĭn ksŭng mblah ƀuôn prŏng phung jhŏng ktang, leh anăn ñu bi êbuh kđông kjăp digơ̆ knang.

Klei Bi Hriêng 24:5

Sa čô mnuih thâo mĭn mâo klei ktang, leh anăn mnuih thâo săng đĭ ktang hĭn.

Klei Bi Hriêng 8:14

Klei kčĕ leh anăn klei knhâo jing dŏ kâo, kâo mâo klei thâo mĭn leh anăn klei ktang.

Khua Pô Mtô 7:19

Klei thâo mĭn brei klei ktang kơ mnuih thâo mĭn kdlưn hĭn kơ pluh čô khua kiă kriê hlăm sa boh ƀuôn.

Khua Pô Mtô 9:16

Snăn kâo lač, klei thâo mĭn jing jăk hĭn kơ klei ktang, wăt tơdah arăng amâo uêñ ôh kơ klei thâo mĭn mnuih ƀun ƀin anăn, leh anăn arăng amâo lŏ gưt klei ñu blŭ ôh.

Khua Pô Mtô 9:18

Klei thâo mĭn jing jăk hĭn kơ lu mnơ̆ng bi blah, ƀiădah sa čô mnuih soh bi rai lu bruă jăk.

Y-Êsai 12:1

Hlăm hruê anăn ih srăng lač: “Kâo srăng bi mni kơ Ih, Ơ Yêhôwa, kyuadah wăt tơdah Ih ngêñ leh kơ kâo, klei Ih ngêñ jih leh, leh anăn Ih bi juh leh kâo.

Y-Yêrêmi 33:3

‘Iêô wah lač bĕ kơ Kâo, leh anăn Kâo srăng lŏ wĭt lač kơ ih, leh anăn srăng hưn kơ ih mnơ̆ng prŏng leh anăn hgăm, mnơ̆ng ih amâo tuôm thâo ôh.’

Y-Đaniel 1:17

Aê Diê brei kơ pă čô hlăk ai anăn mâo klei thâo mĭn lu, klei mbruă hlăm jih klei hriăm leh anăn klei knhâo. Bi Y-Đaniel mâo klei thâo săng kơ jih klei bi ƀuh leh anăn klei êpei ƀuh.

Y-Đaniel 2:18

mtă kơ diñu kwưh klei pap mơ̆ng Aê Diê hlăm adiê kyua klei hgăm anei, čiăng kơ Y-Đaniel leh anăn phung găp ñu amâo djiê ôh mbĭt hŏng phung thâo mĭn mkăn hlăm čar Ƀaƀilôn.

Y-Amôs 3:7

Sĭt nik Aê Diê Yêhôwa amâo ngă sa mta klei ôh tơdah Ñu amâo hưn klei hgăm Ñu kơ phung dĭng buăl Ñu, phung khua pô hưn êlâo.

Y-Mathiơ 11:25

Hlăk anăn Yêsu blŭ snei, “Kâo bi mni kơ Ih, Ơ Ama, Khua Yang adiê leh anăn lăn ala, kyuadah Ih mdăp klei anei kơ phung thâo mĭn leh anăn thâo săng, ƀiădah bi êdah leh kơ phung hđeh điêt;

Y-Luk 10:21

Hlăk anăn Yêsu mâo klei hơ̆k mơ̆ng Yang Mngăt Jăk leh anăn lač, “Kâo bi mni kơ Ih, Ơ Ama, Khua Yang adiê leh anăn lăn ala, kyuadah Ih mdăp leh klei anei kơ phung thâo mĭn leh anăn thâo săng, ƀiădah Ih bi êdah leh klei anei kơ phung hđeh điêt. Sĭt nik, Ơ Ama, kyuadah klei anăn bi mơak kơ Ih.

Y-Yôhan 11:41

Snăn diñu bi klŭng hĕ boh tâo anăn. Yêsu angưi ală leh anăn lač, “Ơ Ama, Kâo bi mni kơ Ih kyuadah Ih hmư̆ leh Kâo.

Y-Yôhan 15:15

Kâo amâo lŏ pia kơ diih dĭng buăl ôh, kyuadah dĭng buăl amâo thâo ôh ya klei khua ñu ngă. Ƀiădah Kâo pia kơ diih mah jiăng, kyuadah jih jang klei Kâo hmư̆ mơ̆ng Ama, Kâo bi êdah leh kơ diih.

Klei Bi Êdah 1:1

Klei Yêsu Krist bi êdah tui si Aê Diê brei leh kơ Ñu, čiăng kơ Ñu bi êdah kơ phung dĭng buăl Ñu klei srăng truh djăl. Ñu bi êdah klei anăn hŏng klei Ñu tiŏ nao sa čô dĭng buăl jăk Ñu hưn bi êdah kơ dĭng buăl Ñu Y-Yôhan.

Klei Bi Êdah 5:5

Leh anăn sa čô hlăm phung khua mduôn lač kơ kâo, “Đăm hia ôh; nĕ anei, Êmông Gu găp djuê Yuđa, Kƀiêng Y-Đawit dưi leh, Ñu yơh dưi pŏk hdruôm hră klĭt anăn leh anăn ruh kjuh mnơ̆ng kđăm ñu.”