Y-Đaniel 2:22 - Klei Aê Diê Blŭ 2015

²² Ñu bi êdah klei êlam leh anăn klei hgăm; Ñu thâo mnơ̆ng dôk hlăm klei mmăt, leh anăn klei mngač dôk mbĭt hŏng Ñu.

Y-Đaniel 2:22 Iomraidhean Croise

Klei Mphŭn Dơ̆ng 41:16

Y-Yôsep lŏ wĭt lač kơ Pharaôn, “Amâo djŏ kâo ôh, ƀiădah Aê Diê srăng brei kơ Pharaôn klei lŏ wĭt lač djŏ.”

Y-Yôp 12:22

Ñu bi êdah ya klei arăng mdăp leh hlăm klei mmăt, leh anăn brei êyui klei djiê jing klei mngač.

Y-Yôp 26:6

Ƀuôn Phung Djiê êdah jih ti anăp Aê Diê, leh anăn ƀăng êlam amâo mâo mnơ̆ng guôm ôh.

Klei Mmuñ Hđăp 104:2

Yêhôwa guôm Ñu pô hŏng klei mngač msĕ si sa blah ao jhung; Ñu lang leh jih adiê msĕ si sa blah sang čhiăm.

Klei Mmuñ Hđăp 25:14

Yêhôwa bi êdah klei hgăm Ñu kơ phung huĭ mpŭ kơ Ñu, Ñu brei digơ̆ thâo kral klei Ñu bi mguôp.

Klei Mmuñ Hđăp 36:9

Kyuadah Ih jing akŏ klei hdĭp; hŏng klei mngač Ih hmei ƀuh klei mngač.

Khua Pô Mtô 8:1

Hlei pô jing msĕ si sa čô mnuih thâo mĭn? Leh anăn hlei pô dưi mblang sa klei? Klei thâo mĭn sa čô mnuih brei ƀô̆ mta ñu jing mngač, leh anăn bi mlih hĕ klei khăng ƀô̆ mta ñu.

Y-Êsai 41:22

Brei diih ba rup yang diih, leh anăn brei diñu hưn kơ drei ya klei srăng truh. Yăl dliê bĕ klei mâo mphŭn dô, ya digơ̆ jing, čiăng kơ drei dưi ksiêm digơ̆, leh anăn thâo săng klei knhal tuč digơ̆. Amâodah hưn kơ drei klei srăng truh;

Y-Êsai 41:26

Hlei pô hưn leh klei anăn mơ̆ng mphŭn dơ̆ng čiăng kơ drei dưi thâo, leh anăn mơ̆ng ênuk êlâo čiăng kơ drei dưi lač, “Ñu jing djŏ mơ̆”? Amâo mâo pô hưn klei anăn ôh, amâo mâo pô bi êdah ôh, amâo mâo pô hmư̆ klei diih blŭ ôh.

Y-Êsai 42:9

Nĕ anei, klei êlâo truh sĭt leh, leh anăn ară anei Kâo hưn klei mrâo; êlâo klei anăn truh Kâo hưn kơ ih leh.”

Y-Êsai 45:7

Kâo mjing klei mngač leh anăn hrih klei mmăt. Kâo bi truh klei đĭ kyar leh anăn hrih klei bi rai. Kâo jing Yêhôwa, Pô ngă jih jang klei anei.’ ”

Y-Yêrêmi 23:24

“Dưi mơ̆ sa čô mdăp ñu pô hlăm anôk hgăm tơl Kâo amâo dưi ƀuh ñu ôh?” Yêhôwa lač. “Amâo djŏ hĕ Kâo bi bŏ phung adiê wăt lăn ala mơh?” Yêhôwa lač.

Y-Yêrêmi 33:3

‘Iêô wah lač bĕ kơ Kâo, leh anăn Kâo srăng lŏ wĭt lač kơ ih, leh anăn srăng hưn kơ ih mnơ̆ng prŏng leh anăn hgăm, mnơ̆ng ih amâo tuôm thâo ôh.’

Y-Đaniel 2:11

Klei mtao mtă anăn dleh snăk, amâo mâo sa čô mnuih dưi bi êdah klei anăn kơ mtao ôh, knŏng hjăn phung yang, phung amâo dôk ôh mbĭt hŏng mnuih.”

Y-Đaniel 2:19

Leh anăn Aê Diê bi êdah klei hgăm anăn kơ Y-Đaniel hlăm klei bi ƀuh êjai mlam. Leh anăn Y-Đaniel mpŭ mni kơ Aê Diê hlăm adiê.

Y-Đaniel 2:47

Mtao lač kơ Y-Đaniel, “Sĭt nik Aê Diê ih jing Aê Diê kơ phung yang, Khua Yang kơ phung mtao, Pô bi êdah klei hgăm, kyuadah ih dưi bi êdah leh klei hgăm anei.”

Y-Đaniel 5:11

Hlăm ƀuôn ala mtao ih mâo sa čô mnuih mâo mngăt myang phung yang doh jăk dôk hlăm ñu. Hlăm ênuk ama ih arăng ƀuh hlăm pô anăn klei mngač, klei thâo săng, leh anăn klei knhâo msĕ si klei knhâo phung yang. Snăn mtao Nebukatnetsar ama ih, ama ih mtao, mjing ñu khua kơ phung mdian, phung mjâo, leh anăn phung ksiêm mtŭ.

Y-Đaniel 5:14

Kâo hmư̆ arăng lač ih mâo mngăt myang phung yang dôk hlăm ih, leh anăn arăng ƀuh hlăm ih klei mngač, klei thâo săng, leh anăn klei thâo mĭn hĭn.

Y-Mathiơ 13:13

Kâo čiăng blŭ klei bi hriêng kơ diñu, kyuadah diñu dlăng ƀiădah amâo ƀuh ôh, diñu mđing knga ƀiădah amâo hmư̆ ôh, kăn diñu thâo săng rei.

Y-Yôhan 1:9

Klei mngač anăn jing klei mngač sĭt, tơdah Ñu truh ti lăn ala, Ñu mtrang kơ grăp čô mnuih.

Y-Yôhan 21:17

Yêsu lač kơ ñu tal tlâo, “Ơ Y-Simôn anak Y-Yônas, ih khăp kơ Kâo mơ̆?” Y-Pêtrôs ênguôt kyuadah Yêsu lač kơ ñu tal tlâo, “Ih khăp kơ Kâo mơ̆?” Snăn Y-Pêtrôs lač kơ Gơ̆, “Ơ Khua Yang, Ih thâo jih jang klei. Ih thâo leh kâo khăp kơ Ih.” Yêsu lač kơ ñu, “Čiêm bĕ phung biăp Kâo.

Y-Yôhan 8:12

Yêsu lŏ blŭ kơ phung diñu, lač, “Kâo jing klei mngač kơ lăn ala. Hlei pô tui hlue Kâo amâo srăng êbat hlăm klei mmăt ôh, ƀiădah srăng mâo klei mngač kơ klei hdĭp.”

I Kôrantô 4:5

Snăn đăm phat kđi arăng ôh êlâo hruê bi kčah, êlâo Khua Yang srăng truh. Ñu srăng bi mngač jih jang klei mdăp leh hlăm klei mmăt, leh anăn srăng bi êdah klei ai tiê arăng čuăn. Hlăk anăn grăp čô srăng mă tŭ klei Aê Diê bi mni năng kơ pô.

Êphêsô 3:5

Klei hgăm anăn ka tuôm bi êdah ôh kơ phung anak mnuih hlăm ênuk êlâo msĕ si Aê Diê bi êdah leh ară anei hŏng Yang Mngăt Jăk kơ phung khua ƀĭng kna doh jăk leh anăn kơ phung khua pô hưn êlâo Ñu.

Klei Mtô Mñă Klei Bhiăn 29:28

Yêhôwa buč leh diñu mơ̆ng ala čar diñu hŏng klei čôñ, hŏng klei ăl, leh anăn hŏng klei ngêñ ktang snăk, leh anăn hwiê dlăm diñu kơ ala čar mkăn, msĕ si hruê anei.’ ”

I Y-Timôthê 6:16

knŏng hjăn Ñu yơh mâo klei amâo thâo djiê, leh anăn dôk hlăm klei mngač arăng amâo dưi nao giăm, Pô mnuih amâo tuôm ƀuh ôh, kăn dưi ƀuh rei. Kơ Ñu yơh brei klei mpŭ leh anăn klei myang hlŏng lar. Amen.

Hêbrơ 4:13

Leh anăn ti anăp Ñu amâo mâo sa mnơ̆ng hrih leh dưi dôk hgăm, ƀiădah jih jang mnơ̆ng pŏk leh anăn bi êdah leh ti anăp ală Pô drei srăng hưn bruă drei ngă.

Y-Yakơ 1:17

Jih jang klei brei jăk leh anăn klei brei klă ênŭm trŭn mơ̆ng adiê mơ̆ng Ama klei mngač sơăi. Hlăm Ñu amâo mâo klei bi mlih ôh, kăn mâo êyui klei bi mlih rei.

I Y-Yôhan 1:5

Snei klei mtô hmei hmư̆ leh mơ̆ng Ñu leh anăn hưn kơ diih, Aê Diê jing klei mngač leh anăn hlăm Ñu amâo mâo klei mmăt ôh hơăi.