Y-Đaniel 2:21 - Klei Aê Diê Blŭ 2015

²¹ Ñu bi mlih ênuk leh anăn yan; Ñu mdlưh leh anăn mjing phung mtao; Ñu brei klei thâo mĭn lu kơ phung thâo mĭn leh anăn klei thâo mĭn kơ phung mâo klei thâo săng.

Y-Đaniel 2:21 Iomraidhean Croise

I Bruă Mtao 10:24

Jih lăn ala duah čiăng bi tuôm hŏng Y-Salômôn čiăng hmư̆ klei thâo mĭn Aê Diê dưm leh hlăm ai tiê ñu.

I Bruă Mtao 3:28

Jih jang phung Israel hmư̆ klei mtao phat kđi anăn, leh anăn diñu mâo klei mpŭ kơ mtao, kyuadah diñu ƀuh klei thâo mĭn Aê Diê dôk hlăm ñu, čiăng ngă klei kpă.

I Bruă Mtao 4:29

Aê Diê brei kơ Y-Salômôn klei thâo mĭn leh anăn klei thâo săng amâo dưi mkă ôh, leh anăn klei knhâo lu msĕ čuah ti hang êa ksĭ,

I Klei Yăl Dliê 22:12

Knŏng akâo kơ Yêhôwa brei kơ ih klei thâo mĭn leh anăn klei thâo săng, čiăng kơ tơdah ñu brei bruă kơ ih kiă kriê phung Israel ih dưi djă pioh klei bhiăn Yêhôwa Aê Diê ih.

I Klei Yăl Dliê 29:30

mâo klei čih pioh jih bruă ñu kiă kriê, klei ktang ñu, leh anăn klei truh kơ ñu leh anăn kơ phung Israel, leh anăn kơ jih jang ƀuôn ala mtao phung găp djuê mkăn.

H'Êsther 1:13

Mtao lač kơ phung knhâo, phung thâo kral lu klei bhiăn — kyuadah snei klei mtao mưng ngă hŏng jih jang phung thâo klei bhiăn leh anăn klei phat kđi,

Y-Yôp 12:18

Ñu bi tloh săng đai phung mtao, leh anăn hyuă ti kơiêng digơ̆ čhiăm ao jing dĭng buăl.

Klei Kbiă 31:3

Kâo bi bŏ ñu leh hŏng Mngăt Myang Aê Diê, hŏng klei knhâo, klei thâo săng, klei thâo mĭn, leh anăn klei mbruă hlăm jih jang bruă ngă.

Klei Kbiă 31:6

Leh anăn Kâo brei leh Y-Ôhôliap anak êkei Y-Ahisamak mơ̆ng găp djuê Dan jing pô đru ñu. Kâo brei leh klei thâo mĭn kơ jih jang phung mbruă, čiăng kơ diñu dưi ngă jih klei Kâo mtă leh kơ ih:

Y-Đaniel 1:17

Aê Diê brei kơ pă čô hlăk ai anăn mâo klei thâo mĭn lu, klei mbruă hlăm jih klei hriăm leh anăn klei knhâo. Bi Y-Đaniel mâo klei thâo săng kơ jih klei bi ƀuh leh anăn klei êpei ƀuh.

Y-Đaniel 10:1

Thŭn tal tlâo Y-Sirus jing mtao čar Persơ, mâo sa klei bi êdah kơ Y-Đaniel, lŏ bi anăn Y-Beltisasar. Klei anăn sĭt nik leh anăn hưn kơ klei bi blah prŏng. Ñu thâo săng klei blŭ leh anăn klei bi ƀuh anăn.

Y-Đaniel 11:6

Đa đa thŭn êdei diñu srăng ngă klei bi mguôp, leh anăn anak mniê mtao čar Dhŭng srăng nao ngă klei bi mguôp hŏng mtao čar Dưr čiăng mâo klei êđăp ênang. Mniê anăn amâo srăng dưi ôh, kăn pô anăn pioh klei dưi ñu rei, ƀiădah arăng srăng jao bi mdjiê mniê anăn mbĭt hŏng phung atăt ba ñu, ama ñu, leh anăn phung đru krơ̆ng ñu.

Y-Đaniel 2:20

Y-Đaniel lač: “Mpŭ mni kơ anăn Aê Diê nanao hlŏng lar, Pô mâo klei thâo mĭn leh anăn klei myang.

Y-Đaniel 2:23

Ơ Aê Diê phung aê kâo, kâo lač jăk leh anăn bi mni kơ Ih, kyuadah Ih brei leh kơ kâo klei thâo mĭn leh anăn klei myang, leh anăn ară anei Ih bi êdah leh kơ kâo klei hmei akâo kơ Ih, kyuadah Ih bi êdah leh kơ hmei klei mtao tui duah.”

Y-Đaniel 2:9

Tơdah diih amâo bi êdah ôh kơ kâo klei kâo êpei ƀuh, mâo knŏng sa klei phat kđi srăng truh kơ diih. Diih sa ai hdơ̆ng diih blŭ luar, leh anăn blŭ jhat kơ kâo čang hmăng srăng mâo klei bi mlih. Snăn brei diih hưn kơ kâo klei kâo êpei ƀuh, leh anăn kâo srăng thâo diih dưi mblang kơ ñu.”

Y-Đaniel 4:14

Ñu ur kraih, lač, ‘Druôm hĕ kyâo leh anăn khăt hĕ adhan ñu; êyuh bi luh hĕ hla ñu, leh anăn hwiê hĕ boh ñu; brei hlô dliê đuĕ mơ̆ng ti gŭ ñu leh anăn čĭm đuĕ mơ̆ng adhan ñu.

Y-Đaniel 4:17

Kđi anăn kbiă mơ̆ng phung gak, leh anăn klei mtă kbiă mơ̆ng klei phung doh jăk blŭ, čiăng kơ phung mnuih hdĭp dưi thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu brei kơ hlei pô Ñu čiăng, leh anăn bi mđĭ mnuih hơăi mang hĭn brei kiă kriê.’

Y-Đaniel 4:22

Ơ mtao, ana kyâo anăn jing ih yơh, pô hriê kơ prŏng leh anăn kjăp. Klei prŏng ih mđĭ truh ti adiê, leh anăn klei ih kiă kriê truh ti knhal lăn ala.

Y-Đaniel 4:32

Arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô êjai kjuh yan, tơl ih thâo săng Pô Ti Dlông Hĭn kiă kriê hlăm ƀuôn ala mtao mnuih leh anăn brei kơ hlei pô ñu čiăng.”

Y-Đaniel 7:25

Ñu srăng blŭ bi kdơ̆ng hŏng Pô Ti Dlông Hĭn, leh anăn srăng dưi hŏng phung doh jăk Pô Ti Dlông Hĭn, leh anăn srăng mĭn bi mlih ênuk bi kčah leh anăn klei bhiăn; leh anăn arăng srăng jao phung doh jăk hlăm kngan ñu êjai sa yan, dua yan, leh anăn sa mkrah yan.

Y-Luk 21:15

kyuadah Kâo srăng bi êdah kơ diih klei blŭ leh anăn klei thâo mĭn tơl jih jang phung roh diih amâo dưi bi kdơ̆ng amâodah bi mgăl hŏng diih ôh.

Hră Y-Pôl Mơĭt kơ Phung Rôm 13:1

Brei jih jang mnuih gưt kơ phung khua kiă kriê. Kyuadah amâo mâo ôh klei dưi kiă kriê amâo kbiă hriê mơ̆ng Aê Diê, leh anăn klei dưi kiă kriê Aê Diê sơăi mjing leh.

I Kôrantô 1:30

Aê Diê jing akŏ klei hdĭp diih hlăm Krist Yêsu, Pô Aê Diê mjing leh kơ drei klei thâo mĭn, klei kpă ênô, klei doh jăk, leh anăn klei bi tui.

Y-Yakơ 1:17

Jih jang klei brei jăk leh anăn klei brei klă ênŭm trŭn mơ̆ng adiê mơ̆ng Ama klei mngač sơăi. Hlăm Ñu amâo mâo klei bi mlih ôh, kăn mâo êyui klei bi mlih rei.

Y-Yakơ 1:5

Tơdah sa čô hlăm phung diih kƀah klei thâo mĭn, brei ñu akâo kơ Aê Diê, Pô brei kơ jih jang mnuih hŏng klei kmah leh anăn amâo ƀuah ôh, leh anăn Aê Diê srăng brei klei knhâo kơ ñu.

Klei Bi Êdah 19:16

Arăng čih ti ao jhung Ñu leh anăn ti pha Ñu sa anăn, Mtao kơ phung mtao leh anăn Khua Yang kơ phung khua yang.