Y-Đaniel 2:2 - Klei Aê Diê Blŭ 2015

² Leh anăn mtao brei iêô phung mdian, phung ksiêm mtŭ, phung mjâo, leh anăn phung Kaldê čiăng kơ diñu hưn kơ mtao klei ñu êpei. Snăn diñu mŭt dôk ti anăp mtao.

Y-Đaniel 2:2 Iomraidhean Croise

Klei Mphŭn Dơ̆ng 41:8

Truh aguah leh, mngăt ñu rŭng răng. Ñu brei arăng iêô jih jang phung mdian leh anăn jih jang phung knhâo hlăm čar Êjip; leh anăn Pharaôn yăl dliê kơ digơ̆ klei ñu êpei, ƀiădah amâo mâo sa čô dưi mblang ôh klei êpei anăn kơ Pharaôn.

H'Êsther 1:13

Mtao lač kơ phung knhâo, phung thâo kral lu klei bhiăn — kyuadah snei klei mtao mưng ngă hŏng jih jang phung thâo klei bhiăn leh anăn klei phat kđi,

Klei Kbiă 7:11

Leh anăn Pharaôn iêô phung knhâo, phung mjâo; leh anăn phung mdian čar Êjip anăn ngă msĕ mơh hŏng klei diñu thâo mdian.

Y-Êsai 19:3

Phung Êjip srăng êdu ai, leh anăn Kâo srăng bi luč hdră diñu trông čhai. Diñu srăng duah êmuh phung rup yang leh anăn phung mjâo, phung blŭ hŏng phung djiê leh anăn phung mdian.

Y-Êsai 8:19

Leh anăn tơdah diñu srăng lač kơ diih, “Brei diih ksiêm êmuh kơ phung blŭ hŏng phung djiê leh anăn kơ phung mdian, phung blŭ msĕ si čĭm mñê leh anăn blŭ amâo mngač ôh,” wĭt lač bĕ: amâo djŏ hĕ phung ƀuôn sang srăng êmuh kơ Aê Diê diñu? Djŏ mơ̆ arăng srăng duah êmuh phung djiê leh čiăng thâo klei djŏ kơ phung hdĭp?

Y-Đaniel 1:20

Leh anăn tơdah mtao êmuh kơ diñu kơ jih jang klei knhâo leh anăn klei thâo săng, gơ̆ ƀuh diñu pluh blư̆ thâo hĭn kơ jih phung mdian leh anăn phung ksiêm mtŭ hlăm jih ƀuôn ala mtao gơ̆.

Y-Đaniel 1:4

leh anăn phung hlăk ai amâo mâo asei mlei djiu ruă ôh, ƀô̆ mta siam, mâo jih klei knhâo, thâo mĭn, hriăm hră leh, dưi mă bruă hlăm sang mtao, brei diñu hriăm klei phung Kaldê blŭ.

Y-Đaniel 2:10

Phung Kaldê lŏ wĭt lač kơ mtao, “Amâo mâo sa čô mnuih ôh ti rŏng lăn ala anei dưi ngă klei mtao mtă; kyuadah amâo tuôm mâo ôh mtao prŏng leh anăn ktang tuôm mtă klei msĕ snăn kơ phung mdian, kơ phung ksiêm mtŭ, amâodah kơ phung Kaldê.

Y-Đaniel 2:27

Y-Đaniel lŏ wĭt lač kơ mtao, “Klei hgăm mtao tui duah amâo mâo sa čô thâo mĭn, pô mdian, amâodah pô ksiêm mtŭ dưi bi êdah kơ mtao ôh.

Y-Đaniel 3:8

Hlăk anăn mâo đa đa phung Kaldê hriê čiăng kčŭt kơ phung Yuđa.

Y-Đaniel 4:3

Klei bi knăl Ñu prŏng snăk, klei yuôm bhăn Ñu ktang êdi! Ƀuôn ala mtao Ñu dôk nanao hlŏng lar, leh anăn klei Ñu kiă kriê dôk hlăm jih jang ênuk.”

Y-Đaniel 4:6

Snăn kâo mtă brei iêô jih jang phung thâo mĭn hlăm čar Ƀaƀilôn hriê ti anăp kâo, čiăng kơ diñu mblang klei êpei anăn kơ kâo.

Y-Đaniel 5:7

Mtao ur kraih brei iêô phung mjâo, phung Kaldê, leh anăn phung ksiêm mtŭ. Mtao blŭ kơ phung thâo mĭn čar Ƀaƀilôn, lač, “Hlei pô srăng dlăng klei čih anei leh anăn bi êdah klei mblang kơ kâo, kâo srăng bi hơô ñu ao hrah piơk, bi băk kông mah ti kkuê ñu, leh anăn brei ñu jing khua mrô tlâo hlăm ƀuôn ala mtao.”

I Y-Samuel 6:2

Phung Philistin iêô phung khua ngă yang leh anăn phung mdian leh anăn lač, “Ya drei srăng ngă hŏng hip Yêhôwa? Hưn kơ hmei si hmei srăng bi wĭt kơ anôk gơ̆ pô.”