Y-Đaniel 2:19 - Klei Aê Diê Blŭ 2015

¹⁹ Leh anăn Aê Diê bi êdah klei hgăm anăn kơ Y-Đaniel hlăm klei bi ƀuh êjai mlam. Leh anăn Y-Đaniel mpŭ mni kơ Aê Diê hlăm adiê.

Y-Đaniel 2:19 Iomraidhean Croise

Y-Yôp 4:13

Êjai dôk mĭn kơ klei bi ƀuh êjai mlam, êjai phung mnuih dôk pĭt snăk,

Klei Mmuñ Hđăp 25:14

Yêhôwa bi êdah klei hgăm Ñu kơ phung huĭ mpŭ kơ Ñu, Ñu brei digơ̆ thâo kral klei Ñu bi mguôp.

Y-Đaniel 1:17

Aê Diê brei kơ pă čô hlăk ai anăn mâo klei thâo mĭn lu, klei mbruă hlăm jih klei hriăm leh anăn klei knhâo. Bi Y-Đaniel mâo klei thâo săng kơ jih klei bi ƀuh leh anăn klei êpei ƀuh.

Y-Đaniel 2:22

Ñu bi êdah klei êlam leh anăn klei hgăm; Ñu thâo mnơ̆ng dôk hlăm klei mmăt, leh anăn klei mngač dôk mbĭt hŏng Ñu.

Y-Đaniel 4:26

Msĕ si arăng mtă brei lui kpơ̆ng leh anăn agha ana kyâo, ƀuôn ala mtao ih srăng pioh kơ ih tơl leh ih thâo kơ Pô kiă kriê jih adiê.

Y-Đaniel 4:9

“Ơ Y-Beltisasar, khua kơ phung mdian, kyuadah kâo thâo mngăt myang phung yang doh jăk dôk hlăm ih, leh anăn amâo mâo sa klei hgăm jing dleh đei kơ ih ôh, snăn hưn bĕ kơ kâo klei kâo êpei ƀuh leh anăn mblang bĕ.

Y-Đaniel 7:2

Y-Đaniel lač, “Êjai mlam kâo ƀuh hlăm klei bi ƀuh kâo snei: pă mta angĭn mơ̆ng adiê thut ti dlông êa ksĭ prŏng.

Y-Đaniel 7:7

Êdei tinăn kâo ƀuh hlăm klei bi ƀuh êjai mlam, nĕ anei sa drei hlô dliê tal pă, jhŏng, bi huĭ arăng, leh anăn ktang snăk; ñu mâo griăng msei prŏng, ñu lun ƀơ̆ng, bi mčah, leh anăn juă hŏng jơ̆ng ñu mnơ̆ng ăt dôk. Ñu jing mdê hŏng jih hlô dliê truh êlâo, leh anăn ñu mâo pluh ƀĕ ki.

Y-Amôs 3:7

Sĭt nik Aê Diê Yêhôwa amâo ngă sa mta klei ôh tơdah Ñu amâo hưn klei hgăm Ñu kơ phung dĭng buăl Ñu, phung khua pô hưn êlâo.

Klei Yap 12:6

Ñu lač, “Dôk hmư̆ klei Kâo blŭ: Tơdah mâo khua pô hưn êlâo hlăm phung diih, Kâo gơ̆ Yêhôwa, Pô bi êdah Kâo pô kơ diñu hlăm klei bi ƀuh, Kâo blŭ kơ diñu hlăm klei êpei.

Y-Yôsuê 22:33

Klei hưn anăn bi mơak kơ phung ƀuôn sang Israel. Phung ƀuôn sang Israel bi mni kơ Aê Diê, leh anăn amâo lŏ blŭ kơ klei bi blah hŏng diñu ôh, čiăng bi rai čar anôk phung Ruben leh anăn phung Gat dôk.