Y-Đaniel 2:14 - Klei Aê Diê Blŭ 2015

¹⁴ Y-Đaniel lŏ wĭt lač hŏng klei thâo mĭn leh anăn klei knhâo kơ Y-Ariôk, khua kahan gak mtao, pô dơ̆ng nao leh čiăng bi mdjiê phung thâo mĭn čar Ƀaƀilôn.

Y-Đaniel 2:14 Iomraidhean Croise

Klei Mphŭn Dơ̆ng 37:36

Phung Madian čhĭ Y-Yôsep hlăm čar Êjip kơ Y-Pôtipar, khua phung kahan Pharaôn, khua kahan phung gak.

Y-Yêrêmi 39:9

Leh anăn Y-Nebusaradan khua kahan phung gak atăt ba jing mnă kơ čar Ƀaƀilôn jih jang phung ƀuôn sang ăt dôk hlăm ƀuôn, phung đuĕ nao tĭng ñu leh, leh anăn phung ƀuôn sang mkăn.

Y-Yêrêmi 52:12

Hlăm mlan êma ti hruê pluh mlan anăn — jing thŭn tal pluh dua păn Mtao Nebukatnetsar kiă kriê čar Ƀaƀilôn — Y-Nebusaradan khua kahan kơ phung gak mtao Ƀaƀilôn mŭt hlăm ƀuôn Yêrusalem.

Y-Yêrêmi 52:14

Jih jang phung kahan Kaldê nao mbĭt hŏng khua kahan kiă mtao bi klưh jih jang mnư̆ jŭm dar ƀuôn Yêrusalem.

Y-Đaniel 2:15

Ñu lač kơ Y-Ariôk khua kahan mtao, “Si ngă klei mtao mtă khăng msĕ snăn?” Y-Ariôk yăl dliê klei anăn kơ Y-Đaniel.

Y-Đaniel 2:24

Snăn Y-Đaniel mŭt nao kơ Y-Ariôk, pô mtao brei bi mdjiê phung thâo mĭn čar Ƀaƀilôn. Ñu nao lač kơ gơ̆ snei: “Đăm bi rai phung thâo mĭn čar Ƀaƀilôn ôh. Atăt ba kâo ti anăp mtao, leh anăn kâo srăng hưn klei mblang kơ ñu.”