Y-Đaniel 2:12 - Klei Aê Diê Blŭ 2015

¹² Kyua klei anăn mtao ăl leh anăn ngêñ snăk. Ñu mtă brei arăng bi mdjiê jih jang phung thâo mĭn hlăm čar Ƀaƀilôn.

Y-Đaniel 2:12 Iomraidhean Croise

Y-Yôp 5:2

Klei rŭng ênguôt bi mdjiê pô mluk, leh anăn klei nač bi mdjiê pô hơăi mang.

Klei Mmuñ Hđăp 76:10

Sĭt nik klei mnuih ngêñ ăt srăng brei klei bi mni kơ Ih; Ih srăng yua klei ngêñ ăt dôk, bi guh kơang Ih.

Klei Bi Hriêng 16:14

Klei mtao ngêñ jing dĭng ktang klei djiê, ƀiădah sa čô mnuih thâo mĭn srăng bi hlai ai tiê ñu.

Klei Bi Hriêng 19:12

Klei mtao ngêñ jing msĕ si klei êmông gu gruh, ƀiădah klei ñu pap jing msĕ si êa nguôm ti rơ̆k.

Klei Bi Hriêng 20:2

Klei mtao ngêñ jing msĕ si klei êmông gu gruh, hlei pô mčhur ai ñu bi luč klei hdĭp pô.

Klei Bi Hriêng 29:22

Mnuih krêñ mčhur klei bi mneh msao, leh anăn sa čô mnuih ngêñ ngă lu klei soh.

Y-Đaniel 2:24

Snăn Y-Đaniel mŭt nao kơ Y-Ariôk, pô mtao brei bi mdjiê phung thâo mĭn čar Ƀaƀilôn. Ñu nao lač kơ gơ̆ snei: “Đăm bi rai phung thâo mĭn čar Ƀaƀilôn ôh. Atăt ba kâo ti anăp mtao, leh anăn kâo srăng hưn klei mblang kơ ñu.”

Y-Đaniel 2:5

Mtao lŏ wĭt lač kơ phung Kaldê, “Klei anăn kbiă đuĕ leh mơ̆ng kâo. Tơdah diih amâo bi êdah ôh kơ kâo klei kâo êpei ƀuh leh anăn klei mblang kơ ñu, arăng srăng kčoh asei mlei diih leh anăn bi rai sang diih.

Y-Đaniel 3:13

Leh anăn Y-Nebukatnetsar hŏng klei ngêñ snăk mtă arăng mă Y-Sadrak, Y-Mêsăk, leh anăn Y-Abetnêgô. Leh anăn arăng atăt ba diñu truh ti anăp mtao.

Y-Đaniel 3:19

Leh anăn Y-Nebukatnetsar bŏ hŏng klei ngêñ, bi mlih ƀô̆ mta ñu hŏng Y-Sadrak, Y-Mêsăk, leh anăn Y-Abetnêgô. Ñu mtă brei arăng bi hlơr pui hlăm kpur kjuh blư̆ ktang hĭn tui si arăng khăng ngă.

Y-Đaniel 5:19

Leh anăn kyuadah Aê Diê brei leh kơ ñu klei jing prŏng anăn, jih jang phung ƀuôn sang, phung găp djuê mnuih, leh anăn phung blŭ klei mdê mdê ktư̆ yơ̆ng leh anăn huĭ ti anăp ñu. Ñu bi mdjiê hĕ hlei pô ñu čiăng; ñu lui dôk hdĭp hlei pô ñu čiăng. Ñu bi mđĭ amâodah mdlưh hlei pô ñu čiăng.

Y-Mathiơ 2:16

Tơdah mtao Hêrôt thâo kơ phung knhâo ngă mnêč hŏng ñu leh, ñu ngêñ snăk, leh anăn ñu tiŏ nao arăng brei bi mdjiê hĕ jih jang phung anak êkei hlăm ƀuôn Betlêhem leh anăn tar ƀar krĭng anăn mơ̆ng phung mâo dua thŭn kơ gŭ, tui si ñu tĭng mơ̆ng thŭn phung knhâo hưn kơ ñu leh.

Y-Mathiơ 5:22

Ƀiădah Kâo lač kơ diih, hlei pô ăl kơ ayŏng adei ñu srăng năng kơ klei phat kđi; hlei pô lač ‘Ih mluk’ kơ ayŏng adei ñu srăng năng jao kơ êpul khua phat kđi; hlei pô srăng lač, ‘Ih mluk mgu!’ srăng năng kơ war pui.