Y-Đaniel 2:11 - Klei Aê Diê Blŭ 2015

¹¹ Klei mtao mtă anăn dleh snăk, amâo mâo sa čô mnuih dưi bi êdah klei anăn kơ mtao ôh, knŏng hjăn phung yang, phung amâo dôk ôh mbĭt hŏng mnuih.”

Y-Đaniel 2:11 Iomraidhean Croise

Klei Mphŭn Dơ̆ng 41:39

Snăn Pharaôn lač kơ Y-Yôsep, “Kyuadah Aê Diê bi êdah leh kơ ih klei anei, amâo mâo ôh sa čô thâo mĭn leh anăn knhâo msĕ si ih.

Klei Mphŭn Dơ̆ng 41:8

Truh aguah leh, mngăt ñu rŭng răng. Ñu brei arăng iêô jih jang phung mdian leh anăn jih jang phung knhâo hlăm čar Êjip; leh anăn Pharaôn yăl dliê kơ digơ̆ klei ñu êpei, ƀiădah amâo mâo sa čô dưi mblang ôh klei êpei anăn kơ Pharaôn.

I Bruă Mtao 8:27

Ƀiădah sĭt mơ̆ Aê Diê srăng dôk ti lăn ala? Nĕ anei, adiê leh anăn adiê ti dlông hĭn amâo dưi djă pioh Ih ôh; kdlưn hĭn kơ anăn sang kâo ngă anei amâo dưi djă pioh Ih ôh!

II Klei Yăl Dliê 6:18

Ƀiădah sĭt mơ̆ Aê Diê srăng dôk mbĭt hŏng mnuih ti lăn ala? Nĕ anei adiê leh anăn adiê ti dlông hĭn amâo dưi djă pioh Ih ôh; ƀai hĭn sang kâo mdơ̆ng leh anei amâo dưi djă pioh Ih ôh!

Klei Mmuñ Hđăp 132:14

“Tinei jing anôk Kâo mdei nanao hlŏng lar; Kâo srăng dôk tinei kyuadah Kâo khăp leh kơ ñu.

Klei Mmuñ Hđăp 68:18

Ih đĭ leh kơ čư̆ dlông, Ih atăt ba lu phung mnă tui hlue Ih, Ih mă tŭ mnơ̆ng phung mnuih brei wăt mơ̆ng phung roh, čiăng kơ Yêhôwa Aê Diê dưi dôk mbĭt tinăn.

Klei Kbiă 29:45

Leh anăn Kâo srăng dôk ti krah phung ƀuôn sang Israel, leh anăn jing Aê Diê diñu.

Klei Kbiă 8:19

Phung mdian lač kơ Pharaôn, “Anei yơh kđiêng Aê Diê.” Ƀiădah ai tiê Pharaôn jing khăng, leh anăn ñu amâo dôk hmư̆ digơ̆ ôh, msĕ si Yêhôwa lač leh.

Y-Êsai 47:12

Dôk ngă bĕ klei ih mdian leh anăn klei ih jing mjâo knhăk. Hlăm klei anăn ih mă bruă leh mơ̆ng ênuk ih hlăk hđeh. Năng ai ih srăng mâo klei dưi, năng ai ih dưi bi huĭ arăng.

Y-Êsai 57:15

Kyuadah snei Pô Ti Dlông Hĭn, Pô dôk hlŏng lar, anăn Ñu jing Doh Jăk, lač: “Kâo dôk hlăm anôk ti dlông leh anăn doh jăk, leh anăn msĕ mơh mbĭt hŏng pô mâo ai tiê ênguôt kơ klei soh leh anăn thâo luă gŭ, čiăng lŏ bi hdĭp ai tiê phung luă gŭ, čiăng lŏ bi hdĭp ai tiê pô ênguôt kơ klei soh.

Y-Êsai 8:18

Nĕ anei, kâo leh anăn phung anak Yêhôwa brei leh kơ kâo jing klei bi knăl leh anăn klei bi hmô hlăm čar Israel mơ̆ng Yêhôwa kơ phung kahan, Pô dôk ti čư̆ Siôn.

Y-Đaniel 4:4

Kâo gơ̆ Y-Nebukatnetsar dôk mdei hlăm sang mtao kâo, bruă sang mtao kâo đĭ kyar.

Y-Đaniel 5:11

Hlăm ƀuôn ala mtao ih mâo sa čô mnuih mâo mngăt myang phung yang doh jăk dôk hlăm ñu. Hlăm ênuk ama ih arăng ƀuh hlăm pô anăn klei mngač, klei thâo săng, leh anăn klei knhâo msĕ si klei knhâo phung yang. Snăn mtao Nebukatnetsar ama ih, ama ih mtao, mjing ñu khua kơ phung mdian, phung mjâo, leh anăn phung ksiêm mtŭ.

Y-Yôel 3:21

Kâo srăng rŭ ênua kơ êrah digơ̆, êrah anăn Kâo ka tuôm rŭ ênua ôh.” Kyuadah Yêhôwa dôk hlăm čư̆ Siôn.

Klei Yap 35:34

Đăm bi čhŏ lăn diih dôk ôh, hlăm lăn anăn Kâo pô dôk; kyuadah Kâo, Yêhôwa dôk ti krah phung ƀuôn sang Israel.”

Y-Mathiơ 19:26

Ƀiădah Yêsu dlăng kơ digơ̆ leh anăn lač, “Klei anăn mnuih amâo dưi ngă ôh, ƀiădah Aê Diê dưi ngă sơăi jih jang klei.”

Y-Yôhan 1:14

Klei Blŭ bliư̆ jing kđeh leh anăn dôk mbĭt hŏng drei bŏ hŏng klei pap leh anăn klei sĭt nik. Hmei ƀuh leh klei guh kơang Ñu jing klei guh kơang Ama brei kơ Anak Ñu mâo knŏng sa čô.

Y-Yôhan 14:17

jing Mngăt Myang klei sĭt nik. Pô anăn lăn ala amâo dưi jum ôh, kyuadah lăn ala amâo ƀuh Gơ̆ ôh, kăn thâo kral Gơ̆ rei. Diih thâo kral Yang Mngăt Jăk, kyuadah Gơ̆ dôk mbĭt hŏng diih, leh anăn srăng dôk hlăm diih.

Y-Yôhan 14:23

Yêsu lŏ wĭt lač kơ gơ̆, “Tơdah sa čô khăp kơ Kâo, ñu srăng djă pioh klei Kâo blŭ, leh anăn Ama Kâo srăng khăp kơ ñu, leh anăn Hmei srăng hriê kơ ñu leh anăn ngă anôk dôk mbĭt hŏng ñu.

II Kôrantô 6:16

Ya klei bi mguôp sang kkuh mpŭ Aê Diê dưi mâo hŏng rup yang? Kyuadah drei jing sang kkuh mpŭ kơ Aê Diê hdĭp, tui si Aê Diê lač leh, “Kâo srăng dôk hlăm diñu leh anăn êbat ti krah diñu, leh anăn Kâo srăng jing Aê Diê diñu, leh anăn diñu srăng jing phung ƀuôn sang Kâo.

Klei Bi Êdah 21:3

Leh anăn kâo hmư̆ asăp kraih kbiă mơ̆ng jhưng mtao lač, “Nĕ anei, Aê Diê dôk mbĭt hŏng phung mnuih. Ñu srăng dôk mbĭt hŏng digơ̆, leh anăn digơ̆ srăng jing phung ƀuôn sang Ñu. Leh anăn Aê Diê pô srăng dôk mbĭt hŏng digơ̆.