Y-Đaniel 12:7 - Klei Aê Diê Blŭ 2015

⁷ Mnuih hơô ao kbuă điêt aruăt dôk ti dlông êa krông yơr kngan hnuă leh anăn kngan điâo ñu phă adiê, leh anăn kâo hmư̆ ñu kat asei hŏng pô dôk hdĭp nanao hlŏng lar, lač, “Srăng jing sa yan, dua yan, leh anăn mkrah yan; leh anăn tơdah klei ktang phung doh jăk arăng bi ruê̆ leh, jih klei anei srăng bi sĭt.”

Y-Đaniel 12:7 Iomraidhean Croise

Y-Yôp 27:2

“Kâo kat asei hŏng Aê Diê, Pô hngah leh klei djŏ kơ kâo, leh anăn kat asei mơh hŏng Pô Mâo Jih Klei Myang, Pô brei mngăt kâo jing ênguôt ktrŏ;

Y-Êsai 62:12

Arăng srăng pia diñu Phung Ƀuôn Sang Doh Jăk, Phung Yêhôwa Bi Tui Leh; leh anăn arăng srăng pia ih Pô Arăng Duah, Ƀuôn Amâo Lŏ Dôk Ênguôl Ôh.

Y-Yêrêmi 4:2

leh anăn tơdah ih kat asei, ‘Tui si Yêhôwa dôk hdĭp,’ hŏng klei sĭt nik, hŏng klei kpă, leh anăn hŏng klei djŏ, snăn Yêhôwa srăng hơêč hmưi kơ phung găp djuê mnuih, leh anăn hlăm Gơ̆ diñu srăng mâo klei guh kơang.”

Y-Êsêkiêl 20:5

leh anăn lač bĕ kơ diñu: ‘Snei klei Yêhôwa Aê Diê lač: Hlăm ênuk tơdah Kâo ruah phung Israel, Kâo kat asei kơ anak čô sang Yakôp êjai Kâo bi êdah Kâo pô kơ diñu hlăm čar Êjip, Kâo kat asei leh kơ diñu, lač, Kâo jing Yêhôwa Aê Diê diih.’

Y-Đaniel 10:5

kâo kngưr ală dlăng, nĕ anei mâo sa čô mnuih hơô ao kbuă điêt aruăt, hyuă hdrăng kơiêng mah doh mơ̆ng čar Uphas.

Y-Đaniel 11:13

Kyuadah mtao čar Dưr srăng lŏ bi kƀĭn mnuih lu hĭn kơ êlâo; leh êgao đa đa thŭn gơ̆ srăng hriê hŏng phung kahan lu leh anăn lu mnơ̆ng bi blah.

Y-Đaniel 12:6

Sa čô hlăm phung diñu lač kơ mnuih hơô ao kbuă điêt aruăt dôk ti dlông êa krông, “Dŭm boh sui tơl srăng tuč klei yuôm bhăn anei?”

Y-Đaniel 12:8

Kâo hmư̆, ƀiădah kâo amâo thâo săng ôh. Snăn kâo lač, “Ơ khua kâo, si srăng jing klei knhal tuč kơ klei anei?”

Y-Đaniel 4:31

Êjai mtao dôk blŭ snăn, mâo asăp blŭ mơ̆ng adiê lač, “Ơ mtao Nebukatnetsar, mâo klei blŭ leh kơ ih: arăng mă leh ƀuôn ala mtao mơ̆ng ih.

Y-Đaniel 4:34

Ti knhal tuč hruê bi kčah anăn, kâo gơ̆ Y-Nebukatnetsar angưi ală phă adiê, leh anăn klei thâo săng lŏ wĭt kơ kâo, leh anăn kâo mpŭ mni kơ Pô Ti Dlông Hĭn. Kâo bi mni leh anăn mpŭ kơ Pô dôk hdĭp hlŏng lar. Kyuadah klei Ñu kiă kriê dôk hlŏng lar, leh anăn ƀuôn ala mtao Ñu dôk hlăm jih jang ênuk.

Y-Đaniel 7:21

Êjai kâo dôk dlăng ki anăn bi blah hŏng phung doh jăk, leh anăn dưi hŏng digơ̆,

Y-Đaniel 7:25

Ñu srăng blŭ bi kdơ̆ng hŏng Pô Ti Dlông Hĭn, leh anăn srăng dưi hŏng phung doh jăk Pô Ti Dlông Hĭn, leh anăn srăng mĭn bi mlih ênuk bi kčah leh anăn klei bhiăn; leh anăn arăng srăng jao phung doh jăk hlăm kngan ñu êjai sa yan, dua yan, leh anăn sa mkrah yan.

Y-Đaniel 8:14

Gơ̆ lŏ wĭt lač kơ kâo, “Êjai dua êbâo tlâo êtuh tlam leh anăn aguah; hlăk anăn arăng srăng lŏ mdơ̆ng adŭ doh jăk.”

Y-Đaniel 8:24

Klei ktang ñu srăng jing prŏng ƀiădah amâo djŏ ôh kyua klei ktang ñu pô. Ñu srăng ngă klei bi rai prŏng leh anăn bruă ñu srăng jing. Ñu srăng bi rai phung jhŏng ktang leh anăn phung doh jăk.

Y-Luk 21:14

Brei diih kđăm pioh klei anăn hlăm ai tiê, đăm mĭn êlâo ôh si klei diih srăng lŏ wĭt lač;

Y-Luk 21:24

Diñu srăng djiê hŏng đao gưm, leh anăn arăng srăng atăt diñu jing mnă ti krah jih jang găp djuê mnuih. Leh anăn phung tue srăng juă ƀuôn Yêrusalem tơl ênuk phung tue ruê̆ leh.”

Klei Mtô Mñă Klei Bhiăn 26:19

Snăn Ñu srăng bi mđĭ diih ti dlông jih jang găp djuê mkăn Ñu hrih leh, hlăm klei bi mni, klei hing ang, leh anăn klei mpŭ, leh anăn diih srăng jing sa phung ƀuôn sang doh jăk pioh brei kơ Yêhôwa Aê Diê diih, tui si Ñu lač leh.”

Klei Mtô Mñă Klei Bhiăn 32:36

Kyuadah Yêhôwa srăng yap kpă phung ƀuôn sang Ñu, leh anăn mâo klei pap kơ phung dĭng buăl Ñu, tơdah Ñu ƀuh klei ktang diñu jih leh, leh anăn amâo mâo sa čô ăt dôk ôh, hlŭn amâodah êngiê.

Klei Mtô Mñă Klei Bhiăn 32:40

Kyuadah Kâo yơr kngan Kâo phă adiê, leh anăn kat asei, kyuadah Kâo dôk hdĭp hlŏng lar,

Klei Mtô Mñă Klei Bhiăn 7:6

Kyuadah ih jing sa phung ƀuôn sang doh jăk kơ Yêhôwa Aê Diê diih; Yêhôwa Aê Diê ih ruah ih leh čiăng kơ diih jing sa phung ƀuôn sang jing dŏ Ñu, kbiă mơ̆ng jih jang phung ƀuôn sang ti rŏng lăn ala.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.

Klei Bi Êdah 12:14

Ƀiădah arăng brei kơ mniê anăn dua pŏk siap tlang prŏng, čiăng kơ ñu dưi phiơr đuĕ mơ̆ng ala nao kơ kdrăn tač, ti anôk arăng srăng čiêm ñu êjai sa ênuk, đa đa ênuk leh anăn sa mkrah ênuk.

Klei Bi Êdah 12:6

Leh anăn mniê anăn đuĕ hlăm kdrăn tač; tinăn ñu mâo anôk Aê Diê mkra leh, čiăng kơ ñu dưi mâo mnơ̆ng ƀơ̆ng huă êjai sa êbâo dua êtuh năm pluh hruê.

Klei Bi Êdah 13:5

Hlô dliê mâo klei dưi blŭ klei krưh leh anăn klei dlao wač kơ Aê Diê, leh anăn hlô dliê mâo klei dưi kiă kriê êjai pă pluh dua mlan.

Klei Bi Êdah 4:10

phung dua pluh pă čô khua mduôn buôn ti anăp Pô dôk gŭ ti jhưng mtao, leh anăn kkuh mpŭ kơ Pô dôk hdĭp hlăm jih jang ênuk. Diñu dưm đuôn mtao diñu ti anăp jhưng mtao êjai mmuñ,

Klei Bi Êdah 4:9

Tơdah mnơ̆ng hdĭp brei klei guh kơang, klei mpŭ, leh anăn klei bi mni kơ Pô dôk gŭ ti jhưng mtao, kơ Pô dôk hdĭp hlăm jih jang ênuk,