Y-Đaniel 12:6 - Klei Aê Diê Blŭ 2015

⁶ Sa čô hlăm phung diñu lač kơ mnuih hơô ao kbuă điêt aruăt dôk ti dlông êa krông, “Dŭm boh sui tơl srăng tuč klei yuôm bhăn anei?”

Y-Đaniel 12:6 Iomraidhean Croise

Klei Mmuñ Hđăp 74:9

Hmei amâo lŏ ƀuh klei bi knăl Ih dôk mbĭt hŏng hmei ôh, amâo lŏ mâo khua pô hưn êlâo ôh; kăn mâo rei pô hlăm phung hmei thâo dŭm boh sui klei anei srăng dôk.

Y-Êsêkiêl 9:2

Nĕ anei, năm čô êkei hriê mơ̆ng tĭng ƀăng jang ti dlông, ƀăng jang anăn phă dưr, grăp čô êkei djă mnơ̆ng bi blah; leh anăn mbĭt hŏng diñu mâo sa čô êkei hơô ao kbuă, ti kơiêng ñu mâo mnơ̆ng dưi čih. Diñu mŭt leh anăn dôk dơ̆ng ti djiêô knưl kông.

Y-Đaniel 12:5

Leh klei anăn, kâo gơ̆ Y-Đaniel dlăng, leh anăn nĕ anei, dua čô mkăn dôk dơ̆ng, sa čô nah anei hang êa krông, sa čô mkăn nah dih hang êa krông.

Y-Đaniel 12:8

Kâo hmư̆, ƀiădah kâo amâo thâo săng ôh. Snăn kâo lač, “Ơ khua kâo, si srăng jing klei knhal tuč kơ klei anei?”

Y-Đaniel 8:13

Leh anăn kâo hmư̆ sa čô doh jăk blŭ; leh anăn sa čô doh jăk mkăn lač kơ pô doh jăk blŭ tal êlâo, “Dŭm boh sui tơl bi leh klei bi ƀuh djŏ kơ klei myơr mnơ̆ng myơr čuh nanao, klei gao klei bhiăn mjing klei ênguôl, leh anăn klei arăng jao adŭ doh jăk leh anăn phung kahan brei arăng juă?”

Y-Đaniel 8:16

Kâo hmư̆ asăp sa čô mnuih ti krah êa krông Ulai iêô snei, “Ơ Gabriel, brei mnuih anei thâo săng klei bi ƀuh anăn.”

Y-Mathiơ 24:3

Êjai Ñu dôk gŭ ti dlông čư̆ Ôliwơ, phung ƀĭng kna hriê lač kơ Ñu hjăn, “Hưn kơ hmei hbĭl klei anăn srăng truh, leh anăn ya jing klei bi knăl kơ klei Ih lŏ hriê, leh anăn kơ hruê knhal tuč ênuk?”

Y-Markôs 13:4

“Hưn kơ hmei hbĭl klei anăn srăng truh? Leh anăn ya srăng jing klei bi knăl tơdah jih klei anăn srăng truh?”

Êphêsô 3:10

čiăng kơ hŏng Phung Sang Aê Diê phung khua kiă kriê leh anăn phung mâo klei dưi dôk hlăm jih adiê ti dlông dưi thâo săng jih klei thâo mĭn Aê Diê.

I Y-Pêtrôs 1:12

Aê Diê bi êdah leh kơ diñu bruă diñu ngă amâo djŏ kơ diñu pô ôh, ƀiădah kơ diih ară anei yơh. Klei anăn phung mtô klei mrâo mrang jăk hŏng Yang Mngăt Jăk Aê Diê tiŏ hriê leh mơ̆ng adiê hưn kơ diih. Wăt phung dĭng buăl jăk Aê Diê čiăng ksiêm dlăng klei anăn mơh.

Klei Bi Êdah 15:6

Leh anăn phung kjuh čô dĭng buăl jăk djă kjuh mta klei bi knap kbiă mơ̆ng sang kkuh mpŭ, hơô ao kbuă doh mngač leh anăn hyuă hdrăng mah ti đah da.

Klei Bi Êdah 19:14

Phung kahan hlăm adiê hơô ao kbuă điêt aruăt kô̆ leh anăn doh, đĭ aseh kô̆ tui hlue Ñu.

Klei Bi Êdah 6:10

Diñu ur kraih, “Ơ Khua Yang, Pô doh jăk leh anăn sĭt nik, dŭm boh sui tơl Ih srăng phat kđi leh anăn rŭ ênua êrah hmei ti phung dôk ti lăn ala?”