Y-Đaniel 12:3 - Klei Aê Diê Blŭ 2015

³ Phung thâo mĭn srăng mtrang msĕ si klei mngač hlăm adiê; leh anăn phung atăt lu mnuih kơ klei kpă ênô srăng mtrang msĕ si mtŭ nanao hlŏng lar.

Y-Đaniel 12:3 Iomraidhean Croise

Klei Kbiă 34:35

Phung ƀuôn sang Israel ƀuh ƀô̆ mta Y-Môis, leh anăn klĭt ƀô̆ mta gơ̆ guh mngač, snăn Y-Môis lŏ guôm čhiăm ti ƀô̆ mta gơ̆ tơl gơ̆ mŭt čiăng blŭ hŏng Yêhôwa.

Klei Bi Hriêng 11:30

Boh mnuih kpă ênô jing sa ƀĕ ana kyâo klei hdĭp, leh anăn pô atăt phung mnuih kơ klei đăo jing pô thâo mĭn.

Klei Bi Hriêng 3:35

Phung knhâo srăng dưn klei mpŭ, ƀiădah phung mluk mâo klei hêñ.

Klei Bi Hriêng 4:18

Ƀiădah êlan phung kpă ênô jing msĕ si klei mngač ang dar, klei mngač ñu jing ktang hĭn ƀrư̆ ƀrư̆ tơl truh yang hruê dơ̆ng.

Khua Pô Mtô 12:9

Êbeh kơ klei jing thâo mĭn, msĕ mơh Khua Pô Mtô mtô kơ phung ƀuôn sang klei thâo săng êjai ksiêm, hriăm, leh anăn čih klei bi hriêng hŏng klei răng snăk.

Y-Êsai 53:11

Leh mngăt Gơ̆ tŭ klei knap mñai, Gơ̆ srăng ƀuh boh tŭ dưn mơ̆ng klei knap anăn leh anăn srăng mơak. Hŏng klei Gơ̆ thâo mĭn Dĭng Buăl Kpă ênô Kâo srăng brei arăng yap kpă ênô lu mnuih; leh anăn Gơ̆ srăng klam klei wê diñu.

Y-Yêrêmi 23:22

Ƀiădah tơdah diñu dôk leh hlăm klei Kâo kčĕ, snăn diñu srăng hưn klei Kâo blŭ kơ phung ƀuôn sang Kâo, leh anăn bi wir digơ̆ đuĕ mơ̆ng êlan soh digơ̆, wăt mơ̆ng klei jhat digơ̆ ngă mơh.”

Y-Đaniel 11:33

Leh anăn phung thâo mĭn hlăm phung ƀuôn sang srăng brei phung lu thâo săng wăt tơdah digơ̆ srăng êbuh hŏng đao gưm, hŏng êlah pui, hŏng klei jing mnă, leh anăn hŏng klei arăng plah mă êjai bhiâo.

Y-Đaniel 11:35

Đa đa hlăm phung thâo mĭn srăng lĕ buh čiăng kar bi doh, leh anăn bi mngač brei digơ̆ jing kô̆ bhung tơl ênuk knhal tuč, kyuadah ênuk knhal tuč ăt pioh kơ hruê Aê Diê bi kčah leh.

Y-Đaniel 12:10

Lu mnuih arăng srăng bi doh, brei amâo mâo klei čhŏ mrŏ ôh, leh anăn bi êngeh; ƀiădah phung ƀai ăt srăng ngă ƀai; leh anăn amâo mâo sa čô phung ƀai srăng thâo săng ôh, ƀiădah phung thâo mĭn srăng thâo săng.

Y-Mathiơ 13:43

Leh anăn phung kpă ênô srăng mtrang msĕ si yang hruê hlăm ƀuôn ala mtao Ama diñu. Hlei pô mâo knga, brei ñu hmư̆ bĕ.”

Y-Mathiơ 19:28

Yêsu lač kơ digơ̆, “Sĭt nik Kâo lač kơ diih, hlăm ênuk lŏ bi mrâo, tơdah Anak Mnuih srăng dôk gŭ ti jhưng mtao guh kơang Ñu, diih phung tui hlue leh Kâo srăng dôk gŭ msĕ mơh ti pluh dua boh jhưng mtao, phat kđi pluh dua găp djuê phung Israel.

Y-Mathiơ 24:45

“Snăn hlei pô jing dĭng buăl sĭt suôr leh anăn thâo mĭn, pô khua ñu jao brei kiă kriê jih jang mnuih hlăm sang ñu, čiăng brei mnơ̆ng ƀơ̆ng huă kơ digơ̆ djŏ mông?

Y-Yôhan 4:36

Pô puôt wiă mă tŭ klei mưn, leh anăn mkăm mdiê pioh kơ klei hdĭp hlŏng lar; snăn pô buh leh anăn pô puôt wiă dưi hơ̆k mơak mđrăm mbĭt.

Y-Yôhan 5:35

Y-Yôhan jing pui kđen dôk trơ̆ng leh anăn mtrang mngač, leh anăn diih čiăng dôk mơak bhiâo hlăm klei mngač gơ̆.

Bruă Phung Khua Ƀĭng Kna 13:1

Hlăm Phung Sang Aê Diê ƀuôn Antiôs mâo phung khua pô hưn êlâo leh anăn phung nai mtô: Y-Barnabas, Y-Simêôn bi anăn Niger, Y-Lusius čar Siren, Y-Manahen ayŏng adei rông mbĭt hŏng mtao Hêrôt, leh anăn Y-Sôl.

I Kôrantô 3:10

Tui si klei pap Aê Diê brei leh kơ kâo, msĕ si sa čô mnuih mbruă ngă sang kâo dưm leh atur, leh anăn sa čô mkăn dôk mdơ̆ng sang ti dlông atur anăn. Brei grăp čô răng si klei ñu mdơ̆ng ti dlông atur anăn.

Êphêsô 4:11

Leh anăn klei Ñu brei jing snei: đa đa jing phung khua ƀĭng kna, đa đa jing phung khua pô hưn êlâo, đa đa jing phung hiu mtô klei mrâo mrang jăk, đa đa jing phung khua pô mtô leh anăn phung bi hriăm,

Hêbrơ 5:12

Kyuadah diih đăo leh mơ̆ng sui tui si djŏ diih jing pô mtô, ƀiădah ăt diih čiăng arăng lŏ mtô kơ diih klei ênưih hlăm klei Aê Diê blŭ. Diih čiăng kơ êa ksâo, amâo djŏ kơ mnơ̆ng ƀơ̆ng huă khăng ôh.

II Y-Pêtrôs 3:15

Brei diih yap klei Khua Yang drei gĭr jing klei bi mtlaih diih. Msĕ snăn mơh pô drei khăp, ayŏng drei Y-Pôl, čih leh kơ diih tui si klei thâo mĭn Aê Diê brei leh kơ ñu.

Klei Bi Êdah 1:20

Bi kơ klei yuôm hgăm kơ kjuh asăr mtŭ ih ƀuh leh hlăm kngan hnuă Kâo, leh anăn kjuh ƀĕ jơ̆ng diăn mah, kjuh asăr mtŭ anăn jing kjuh čô dĭng buăl jăk kơ kjuh Phung Sang Aê Diê, leh anăn kjuh ƀĕ jơ̆ng diăn jing kjuh Phung Sang Aê Diê.”

Phung Khua Phat Kđi 5:31

Ơ Yêhôwa, msĕ snăn yơh brei jih jang phung roh Ih rai tuč! Ƀiădah brei phung khăp kơ Ih jing msĕ si yang hruê êjai ñu ƀlĕ hŏng klei ktang ñu.” Leh anăn čar mâo klei êđăp ênang êjai pă pluh thŭn.