Y-Đaniel 12:2 - Klei Aê Diê Blŭ 2015

² Lu hlăm phung djiê leh srăng kbiă lŏ hdĭp, phung anei kơ klei hdĭp hlŏng lar, ƀiădah phung mkăn kơ klei hêñ leh anăn klei bi êmut hlŏng lar.

Y-Đaniel 12:2 Iomraidhean Croise

Klei Bi Hriêng 12:8

Hlei pô mâo klei thâo mĭn arăng bi mni, ƀiădah hlei pô mâo ai tiê wê arăng bi êmut.

Y-Êsai 26:19

Phung djiê Ih srăng lŏ hdĭp, asei mlei diñu srăng lŏ kgŭ. Ơ phung dôk hlăm ƀruih lăn, mdih pĭt ur hơ̆k bĕ. Kyuadah êa nguôm Ih jing êa nguôm ang dar, leh anăn lăn ala srăng lŏ kkiêng phung ƀuôn sang Ñu djiê leh.

Y-Êsai 66:24

“Diñu srăng kbiă nao dlăng kơ atâo phung mnuih bi kdơ̆ng hŏng Kâo leh; kyuadah hluăt digơ̆ amâo srăng djiê ôh, pui digơ̆ kăn srăng ram rei, leh anăn jih jang mnuih srăng bi êmut kheh kơ digơ̆.”

Y-Yêrêmi 20:11

Ƀiădah Yêhôwa dôk mbĭt hŏng kâo msĕ si sa čô jhŏng ktang arăng krưp huĭ snăk. Kyuanăn phung ngă jhat kơ kâo srăng têč hnêč, diñu amâo srăng dưi hŏng kâo ôh. Diñu srăng hêñ êdimima, kyuadah diñu amâo srăng dưi ôh. Klei hêñ diñu dôk hlŏng lar, arăng amâo srăng wơr bĭt ôh.

Y-Êsêkiêl 37:12

Snăn hưn êlâo bĕ leh anăn lač kơ diñu, ‘Snei Yêhôwa Aê Diê lač: Nĕ anei Kâo srăng pŏk msat diih leh anăn bi kbiă diih mơ̆ng msat, Ơ phung ƀuôn sang Kâo; leh anăn Kâo srăng lŏ atăt diih wĭt kơ čar Israel.

Y-Ôsê 13:14

“Kâo srăng bi tui diñu mơ̆ng klei myang Ƀuôn Phung Djiê; Kâo srăng bi mtlaih diñu mơ̆ng Klei Djiê. Ơ Klei Djiê, ti klei ruă tưp ih? Ơ Ƀuôn Phung Djiê, ti klei ih bi rai? Ƀiădah klei kmhal kơ klei soh mdăp leh mơ̆ng ală Kâo.

Y-Mathiơ 25:46

Leh anăn phung anăn srăng nao mŭt hlăm klei bi kmhal hlŏng lar, ƀiădah phung kpă srăng nao kơ klei hdĭp hlŏng lar.”

Bruă Phung Khua Ƀĭng Kna 24:15

Kâo mâo klei čang hmăng hlăm Aê Diê msĕ si diñu pô tŭ leh, jing klei phung kpă wăt phung wê srăng kbiă lŏ hdĭp.

Bruă Phung Khua Ƀĭng Kna 7:60

Gơ̆ čuôn kơŭt leh anăn ur kraih ktang, “Ơ Khua Yang, đăm yap klei soh anei kơ diñu ôh.” Leh gơ̆ lač klei anăn, gơ̆ hlŏng pĭt yơh.

Hră Y-Pôl Mơĭt kơ Phung Rôm 9:21

Pô mmai amâo mâo klei dưi hĕ hŏng lŭ, čiăng ngă hŏng sa klŏ lŭ anăn sa boh čeh yuôm leh anăn sa boh čeh mkăn yua kơ bruă amâo yuôm?

I Têsalônik 4:14

Snăn kyuadah drei đăo kơ Yêsu djiê leh anăn kbiă lŏ hdĭp leh, drei đăo msĕ mơh hlăm Yêsu klei Aê Diê srăng atăt ba mbĭt hŏng Ñu phung pĭt leh.

Klei Bi Êdah 20:12

Leh anăn kâo ƀuh phung djiê, prŏng leh anăn điêt, dôk dơ̆ng ti anăp jhưng mtao anăn; leh anăn lu hdruôm hră arăng pŏk leh. Arăng pŏk leh sa pŏk hdruôm hră mkăn, jing hdruôm hră klei hdĭp. Leh anăn arăng phat kđi phung djiê tui si klei arăng čih leh hlăm lu hdruôm hră anăn, tui si bruă diñu ngă leh.