Y-Đaniel 12:12 - Klei Aê Diê Blŭ 2015

¹² Jăk mơak yơh kơ hlei pô srăng dôk guôn leh anăn truh kơ hruê sa êbâo tlâo êtuh tlâo pluh êma hruê.

Y-Đaniel 12:12 Iomraidhean Croise

Y-Êsai 30:18

Kyuanăn Yêhôwa ăt čiăng snăk ngă klei jăk kơ diih; kyuanăn Ñu kgŭ čiăng pap kơ diih. Kyuadah Yêhôwa jing Aê Diê kpă. Jăk mơak yơh kơ jih jang phung čang guôn kơ Ñu.

Y-Êsêkiêl 4:6

Tơdah ih bi ruê̆ leh hruê anăn, brei ih lŏ đih tal dua, ƀiădah đih čiêng tĭng hnuă, leh anăn klam klei soh sang Yuđa; Kâo bi kčah kơ ih pă pluh hruê, sa hruê kơ sa thŭn.

Y-Đaniel 8:14

Gơ̆ lŏ wĭt lač kơ kâo, “Êjai dua êbâo tlâo êtuh tlam leh anăn aguah; hlăk anăn arăng srăng lŏ mdơ̆ng adŭ doh jăk.”

Hră Y-Pôl Mơĭt kơ Phung Rôm 11:15

Kyuadah tơdah klei Aê Diê hngah kơ diñu jing hĕ klei bi grăng kơ lăn ala, ya srăng truh tơdah lŏ jum diñu? Amâo djŏ hĕ jing klei hdĭp kơ phung djiê leh?

Klei Bi Êdah 11:2

Ƀiădah đăm mkă ôh wăl ti êngao sang kkuh mpŭ; lui ñu, kyuadah arăng jao ñu leh kơ phung găp djuê mnuih, leh anăn diñu srăng juă ƀuôn doh jăk êjai pă pluh dua mlan.

Klei Bi Êdah 12:6

Leh anăn mniê anăn đuĕ hlăm kdrăn tač; tinăn ñu mâo anôk Aê Diê mkra leh, čiăng kơ ñu dưi mâo mnơ̆ng ƀơ̆ng huă êjai sa êbâo dua êtuh năm pluh hruê.

Klei Bi Êdah 13:5

Hlô dliê mâo klei dưi blŭ klei krưh leh anăn klei dlao wač kơ Aê Diê, leh anăn hlô dliê mâo klei dưi kiă kriê êjai pă pluh dua mlan.

Klei Bi Êdah 20:4

Kâo ƀuh lu boh jhưng mtao, leh anăn Aê Diê brei kơ phung dôk gŭ tinăn klei dưi phat kđi. Kâo ƀuh msĕ mơh mngăt phung arăng khăt kkuê leh kyua diñu hưn klei Yêsu, kyua klei Aê Diê blŭ, kăn tuôm kkuh mpŭ kơ hlô dliê amâodah kơ rup ñu, leh anăn kăn tuôm mă tŭ klei čih mrô ñu ti adhei amâodah ti kngan diñu. Diñu kbiă lŏ hdĭp leh anăn kiă kriê mbĭt hŏng Krist êjai sa êbâo thŭn.