Y-Đaniel 12:10 - Klei Aê Diê Blŭ 2015

¹⁰ Lu mnuih arăng srăng bi doh, brei amâo mâo klei čhŏ mrŏ ôh, leh anăn bi êngeh; ƀiădah phung ƀai ăt srăng ngă ƀai; leh anăn amâo mâo sa čô phung ƀai srăng thâo săng ôh, ƀiădah phung thâo mĭn srăng thâo săng.

Y-Đaniel 12:10 Iomraidhean Croise

Klei Bi Êdah 22:11

Brei pô ngă klei wê, ăt ngă klei wê; leh anăn pô čhŏ, brei ñu ăt jing čhŏ; pô jing kpă, brei ñu ăt ngă klei kpă; leh anăn pô jing doh jăk, brei ñu ăt jing doh jăk.”

Y-Đaniel 11:35

Đa đa hlăm phung thâo mĭn srăng lĕ buh čiăng kar bi doh, leh anăn bi mngač brei digơ̆ jing kô̆ bhung tơl ênuk knhal tuč, kyuadah ênuk knhal tuč ăt pioh kơ hruê Aê Diê bi kčah leh.

Y-Ôsê 14:9

Hlei pô jing mnuih thâo mĭn, brei ñu thâo săng klei anei, hlei pô jing mnuih thâo ksiêm, brei ñu thâo kral digơ̆; kyuadah êlan Yêhôwa jing kpă, leh anăn phung kpă êbat tinăn, ƀiădah phung gao klei bhiăn srăng lĕ buh tinăn.

Y-Yôhan 8:47

Hlei pô kbiă hriê mơ̆ng Aê Diê dôk hmư̆ klei Aê Diê blŭ. Diih amâo dôk hmư̆ ôh klei blŭ anăn, kyuadah diih amâo kbiă hriê mơ̆ng Aê Diê ôh.”

I Y-Yôhan 5:20

Leh anăn drei thâo kơ Anak Aê Diê truh leh, leh anăn brei leh kơ drei klei thâo săng čiăng thâo kral Pô sĭt nik; leh anăn drei dôk hlăm Pô sĭt nik, hlăm Anak Ñu Yêsu Krist. Ñu yơh jing Aê Diê sĭt nik leh anăn klei hdĭp hlŏng lar.

Y-Yôhan 7:17

Tơdah sa čô mnuih čiăng ngă tui si klei Aê Diê čiăng, gơ̆ srăng thâo thâodah klei Kâo mtô kbiă hriê mơ̆ng Aê Diê amâodah Kâo blŭ tui si klei dưi Kâo pô.

Y-Luk 24:25

Snăn Yêsu lač kơ digơ̆, “Ơ phung mnuih mluk leh anăn ai tiê êmưt đăo jih klei phung khua pô hưn êlâo hưn leh!

Y-Sakari 13:9

Kâo srăng dưm sa kdrêč hlăm tlâo adôk anăn hlăm pui, leh anăn Kâo srăng bi doh digơ̆ msĕ si arăng bi doh prăk, leh anăn lông dlăng digơ̆ msĕ si arăng lông dlăng mah. Digơ̆ srăng iêô anăn Kâo, leh anăn Kâo srăng lŏ wĭt lač kơ digơ̆. Kâo srăng lač, ‘Digơ̆ jing phung ƀuôn sang Kâo,’ leh anăn digơ̆ srăng lač, ‘Yêhôwa jing Aê Diê hmei.’ ”

Klei Bi Êdah 3:18

Snăn Kâo kčĕ kơ ih brei blei mơ̆ng Kâo mah bi doh leh hŏng pui, čiăng kơ ih dưi jing mdrŏng, leh anăn blei čhiăm ao kô̆ ih srăng hơô čiăng kơ klei hêñ lưng mlŭn ih arăng amâo ƀuh ôh, leh anăn blei êa drao mia ală ih čiăng kơ ih dưi ƀuh.

Klei Bi Hriêng 1:5

Wăt pô thâo mĭn dưi dôk hmư̆ msĕ mơh, leh anăn hriăm čiăng thâo mĭn hĭn; leh anăn pô thâo săng dưi mâo klei knhâo knhăk.

I Y-Pêtrôs 1:7

čiăng kơ klei diih đăo sĭt nik jing yuôm hĭn kơ mah thâo rai tuč arăng lông dlăng hlăm pui, dưi mâo klei bi mni, klei guh kơang, leh anăn klei mpŭ ti hruê Yêsu Krist srăng bi êdah.

Y-Đaniel 11:33

Leh anăn phung thâo mĭn hlăm phung ƀuôn sang srăng brei phung lu thâo săng wăt tơdah digơ̆ srăng êbuh hŏng đao gưm, hŏng êlah pui, hŏng klei jing mnă, leh anăn hŏng klei arăng plah mă êjai bhiâo.

Y-Êsêkiêl 47:11

Ƀiădah anôk lŭ kdlŭt leh anăn trăp amâo srăng jing kba ôh; arăng pioh diñu kơ hra.

Klei Bi Êdah 19:14

Phung kahan hlăm adiê hơô ao kbuă điêt aruăt kô̆ leh anăn doh, đĭ aseh kô̆ tui hlue Ñu.

Klei Bi Êdah 19:8

Arăng brei kơ mô̆ Ñu hơô ao kbuă điêt aruăt, mngač leh anăn doh,” kyuadah kbuă điêt aruăt anăn jing bruă kpă phung doh jăk ngă leh.

Klei Bi Êdah 16:11

leh anăn tăm pah kơ Aê Diê hlăm adiê kyua klei ruă leh anăn tiêng diñu, ƀiădah amâo kmhal ôh kơ bruă diñu ngă.

I Y-Pêtrôs 1:22

Diih bi doh leh mngăt diih hŏng klei gưt asăp kơ klei sĭt nik, čiăng mâo klei khăp sĭt suôr kơ phung ayŏng amai adei. Snăn brei diih bi khăp hdơ̆ng diih hŏng jih ai tiê.

Hêbrơ 12:10

Phung ama drei mkra drei leh bhiâo tui si klei diñu mĭn jăk, ƀiădah Aê Diê mkra mjuăt drei čiăng bi jăk kơ drei, čiăng kơ drei dưi mâo klei doh jăk Ñu.

Y-Tit 2:14

Ñu jao leh Ñu pô kyua drei čiăng bi tui drei mơ̆ng jih jang klei wê, leh anăn čiăng bi doh jăk drei pioh kơ Ñu pô sa phung ƀuôn sang hur har kơ bruă jăk.

II Kôrantô 7:1

Ơ phung kâo khăp ơi, kyuadah drei mâo klei ƀuăn anăn, brei drei bi doh hĕ drei pô mơ̆ng jih klei čhŏ mrŏ hlăm kđeh leh anăn mngăt, leh anăn bi klă klei doh jăk drei hlăm klei huĭ mpŭ kơ Aê Diê.

I Kôrantô 6:11

Đa đa hlăm phung diih mphŭn dô jing leh msĕ snăn yơh. Ƀiădah Aê Diê rao diih leh, bi doh jăk diih leh, yap kpă diih leh hlăm anăn Khua Yang Yêsu Krist leh anăn hlăm Yang Mngăt Jăk Aê Diê drei.

Y-Yôhan 18:37

Aê Pilat lač kơ Yêsu, “Snăn ih jing mtao hĕ?” Yêsu lŏ wĭt lač, “Ih lač djŏ leh Kâo jing sa čô mtao. Kyua klei anăn arăng kkiêng leh kơ Kâo, leh anăn kyua klei anăn Kâo hriê leh hlăm lăn ala, čiăng hưn klei sĭt nik. Grăp čô hlei pô kbiă mơ̆ng klei sĭt nik hmư̆ asăp Kâo.”

Y-Markôs 4:11

Yêsu lač kơ digơ̆, “Kơ diih arăng brei leh klei hgăm kơ ƀuôn ala mtao Aê Diê, ƀiădah bi kơ phung dôk ti êngao, Kâo blŭ kơ diñu hŏng klei bi hriêng sơăi,

Y-Đaniel 12:3

Phung thâo mĭn srăng mtrang msĕ si klei mngač hlăm adiê; leh anăn phung atăt lu mnuih kơ klei kpă ênô srăng mtrang msĕ si mtŭ nanao hlŏng lar.

Y-Êsêkiêl 36:25

Kâo srăng krih êa êngeh kơ diih, leh anăn diih srăng jing doh kơ jih jang klei čhŏ mrŏ diih, leh anăn mơ̆ng jih jang rup yang diih.

Y-Êsai 1:18

Yêhôwa lač, “Hriê bĕ, brei drei ksiêm mđrăm mbĭt. Wăt tơdah klei soh diih jing hrah huč, diñu srăng jing kô̆ msĕ si pliêr; wăt tơdah diñu jing hrah jŭ, diñu srăng jing kô̆ msĕ si mlâo biăp.

Klei Mmuñ Hđăp 107:43

Hlei pô jing mnuih thâo mĭn, brei ñu răng kơ klei anăn; brei phung mnuih ksiêm mĭn klei khăp Yêhôwa.

Klei Mmuñ Hđăp 51:7

Bi doh kâo hŏng rơ̆k hisôp leh anăn kâo srăng jing doh; rao kâo, leh anăn kâo srăng jing kô̆ hĭn kơ pliêr.

I Y-Samuel 24:13

Msĕ si klei bi hriêng phung đưm lač, ‘Mơ̆ng phung soh jhat kbiă hriê klei măk ƀai.’ Snăn mơh kngan kâo amâo srăng ngă kơ ih ôh.

Y-Malaki 3:3

Ñu srăng dôk gŭ jing msĕ si pô tuh tia leh anăn pô bi doh prăk; Ñu srăng bi doh phung anak êkei Y-Lêwi leh anăn bi doh digơ̆ msĕ si mah leh anăn prăk, tơl diñu ba kơ Yêhôwa mnơ̆ng myơr hŏng klei kpă ênô.