Biblia Todo Logo
Bìoball air-loidhne

- Sanasan -




Y-Đaniel 12:1 - Klei Aê Diê Blŭ 2015

1 “Hlăm ênuk anăn Y-Mikel, khua prŏng dôk kiă kriê phung ƀuôn sang ih, srăng kgŭ. Leh anăn srăng mâo ênuk rŭng răng amâo tuôm mâo ôh msĕ snăn dơ̆ng mơ̆ng phŭn mâo găp djuê mnuih truh ti ênuk anăn. Ƀiădah ênuk anăn phung ƀuôn sang ih srăng tlaih, grăp čô mâo anăn čih leh hlăm hdruôm hră Aê Diê.

Faic an caibideil Dèan lethbhreac




Y-Đaniel 12:1
48 Iomraidhean Croise  

Ih thâo leh jih klei rŭng răng kâo; mđŭ bĕ êa ală kâo hlăm giêt Ih! Amâo djŏ hĕ Ih čih pioh leh diñu hlăm hdruôm hră Ih?


Lăm hĕ anăn diñu mơ̆ng hdruôm hră klei hdĭp; leh anăn đăm čih anăn diñu ôh mbĭt hŏng phung kpă ênô.


Leh anăn arăng srăng pia phung adôk hlăm ƀuôn Siôn leh anăn phung adôk hlăm ƀuôn Yêrusalem phung doh jăk, grăp čô hlei pô arăng čih pioh leh kơ klei hdĭp hlăm ƀuôn Yêrusalem.


Amâo srăng mâo knhal ôh kơ klei đĭ kyar klei Ñu kiă kriê leh anăn klei êđăp ênang, ti jhưng mtao Y-Đawit leh anăn kơ ƀuôn ala mtao Ñu, čiăng bi kjăp leh anăn krơ̆ng gơ̆ hŏng klei djŏ leh anăn hŏng klei kpă ênô mơ̆ng hruê anăn nanao hlŏng lar. Klei hur har Yêhôwa kơ phung kahan srăng ngă sĭt klei anăn.


‘Snăn đăm huĭ ôh, Ơ phung Yakôp dĭng buăl Kâo,’ Yêhôwa lač, ‘Kăn êdu ai rei, Ơ phung Israel, kyuadah nĕ anei, Kâo srăng bi mtlaih ih mơ̆ng anôk kbưi, leh anăn phung anak čô ih mơ̆ng čar digơ̆ jing mnă. Phung Yakôp srăng lŏ wĭt leh anăn dôk êđăp ênang leh anăn dôk mdei, leh anăn amâo mâo pô bi huĭ diñu ôh.’


Hƀơih, hruê anăn jing jŭ jhat snăk! Amâo mâo hruê mkăn msĕ si hruê anăn ôh; jing ênuk klei knap mñai truh kơ phung Yakôp, ƀiădah ñu srăng tlaih mơ̆ng klei anăn.


‘Kngan Kâo srăng bi kdơ̆ng hŏng phung khua pô hưn êlâo phung bi ƀuh klei luar leh anăn blŭ klei mdian luar. Diñu amâo srăng dôk hlăm klei phung ƀuôn sang Kâo bi kƀĭn ôh, kăn arăng čih anăn diñu rei hlăm hră čih anăn sang Israel, kăn diñu srăng mŭt hlăm čar Israel rei; leh anăn diih srăng thâo kơ Kâo jing Yêhôwa Aê Diê.


Kâo Yêhôwa srăng jing Aê Diê diñu, leh anăn dĭng buăl Kâo Y-Đawit srăng jing khua ti krah diñu; Kâo gơ̆, Yêhôwa blŭ leh klei anăn.


Leh anăn kyua jih jang klei Kâo bi êmut kheh ih ngă leh, Kâo srăng ngă kơ ih klei Kâo amâo tuôm ngă ôh, leh anăn klei msĕ snăn kăn Kâo srăng lŏ ngă rei êdei.


Ƀiădah khua ƀuôn ala mtao Persơ bi kdơ̆ng hŏng kâo dua pluh sa hruê; snăn Y-Mikel, sa čô khua hĭn hlăm phung khua hriê đru kâo, kyuadah arăng kơ̆ng kâo tinăn mbĭt hŏng mtao ƀuôn ala mtao Persơ.


Ƀiădah kâo srăng hưn kơ ih klei arăng čih leh hlăm hdruôm hră klei sĭt nik. Amâo mâo pô đru kâo bi kdơ̆ng hŏng phung anăn ôh, knŏng hjăn Y-Mikel, khua ih.”


Leh anăn ñu srăng mdơ̆ng sang čhiăm sang mtao ñu ti plah wah dua boh êa ksĭ ti čư̆ doh jăk guh kơang; ƀiădah ăt ñu srăng djiê, amâo mâo pô đru ñu ôh.”


Mâo êa krông pui đoh kbiă mơ̆ng ti anăp Ñu. Lu êbâo čô mă bruă kơ Ñu, leh anăn lu klăk klai čô dôk ti anăp Ñu. Phung phat kđi dôk gŭ phat kđi leh anăn arăng pŏk leh lu hdruôm hră.


Ñu bi sĭt leh klei Ñu blŭ bi kdơ̆ng hŏng hmei leh anăn hŏng phung khua hmei, hŏng klei Ñu bi truh kơ hmei klei knap mñai prŏng; kyuadah amâo tuôm mâo ôh ti gŭ adiê msĕ si klei truh leh kơ ƀuôn Yêrusalem.


hruê klei mmăt leh anăn klei ênguôt, hruê mâo knam lu leh anăn klei mmăt kpal! Msĕ si ang dar găn čư̆, mâo sa phung găp djuê mnuih prŏng leh anăn ktang guôm čư̆; mơ̆ng đưm đă ka tuôm mâo ôh klei msĕ si snăn, kăn srăng lŏ mâo rei êdei kơ anăn hlăm jih jang ênuk.


Leh anăn phung huĭ mpŭ kơ Yêhôwa bi blŭ hdơ̆ng diñu; Yêhôwa mđing knga leh anăn dôk hmư̆ diñu. Leh anăn arăng čih sa pŏk hdruôm hră bi hdơr ti anăp Yêhôwa kơ phung huĭ mpŭ kơ Yêhôwa leh anăn mpŭ leh kơ anăn Gơ̆.


Kyuadah hlăk anăn srăng mâo klei knap mñai prŏng, klei msĕ snăn ka tuôm mâo ôh mơ̆ng mphŭn hrih lăn ala truh kơ hruê anei, leh anăn mơ̆ng anăn kơ anăp kăn srăng lŏ mâo rei.


Kyuadah hlăm ênuk anăn srăng mâo klei knap mñai amâo tuôm mâo ôh msĕ snăn mơ̆ng ênuk Aê Diê hrih jih jang mnơ̆ng hlŏng kơ hruê anei, kăn srăng lŏ tuôm mâo rei.


Đăm hơ̆k ôh kyua phung yang jhat gưt kơ diih, ƀiădah hơ̆k mơak bĕ kyua anăn diih arăng čih leh hlăm adiê.”


Kyuadah tơdah klei Aê Diê hngah kơ diñu jing hĕ klei bi grăng kơ lăn ala, ya srăng truh tơdah lŏ jum diñu? Amâo djŏ hĕ jing klei hdĭp kơ phung djiê leh?


leh anăn kơh jih jang phung Israel srăng tlaih; tui si Klei Aê Diê Blŭ čih leh, “Pô Bi Êngiê srăng hriê mơ̆ng ƀuôn Siôn, Ñu srăng suôt jih klei amâo đăo mơ̆ng phung Yakôp.


ti dlông hĭn kơ jih jang phung khua kiă kriê, phung mâo klei dưi, phung mâo klei myang, phung khua prŏng, leh anăn ti dlông hĭn jih jang anăn arăng dưi hưn, amâo djŏ knŏng ênuk anei ôh, ƀiădah msĕ mơh wăt hlăm ênuk srăng truh.


Leh anăn, Ơ pô mă bruă sĭt suôr hŏng kâo, kâo akâo kơ ih msĕ mơh đru bĕ phung mniê anăn, kyuadah diñu mă bruă leh mbĭt hŏng kâo hlăm klei mrâo mrang jăk, mbĭt hŏng Y-Klêmăng leh anăn phung găp mkăn mă bruă mbĭt hŏng kâo. Anăn diñu Aê Diê čih leh hlăm hdruôm hră klei hdĭp.


Wăt khua dĭng buăl jăk Mikel tơdah bi tăng hŏng yang jhat kyua asei mlei Y-Môis, ñu amâo jhŏng blŭ kđi hŏng klei dlao wač kơ yang jhat ôh, ƀiădah lač, “Brei Khua Yang phat kđi ih.”


leh anăn mơ̆ng Yêsu Krist, Pô hưn sĭt suôr, Pô kbiă lŏ hdĭp tal êlâo mơ̆ng phung djiê, leh anăn Khua kơ phung mtao ti lăn ala. Kơ Pô khăp kơ drei leh anăn bi êngiê leh drei mơ̆ng klei soh drei hŏng êrah Ñu pô,


Leh anăn mâo klei bi blah hlăm adiê, Mikel leh anăn phung dĭng buăl jăk ñu bi blah hŏng anak rai; anak rai leh anăn dĭng buăl ñu lŏ bi blah wĭt.


Jih jang mnuih dôk ti lăn ala srăng kkuh mpŭ kơ ñu, grăp čô amâo mâo anăn čih leh mơ̆ng êlâo klei hrih lăn ala hlăm hdruôm hră klei hdĭp Êđai Biăp, Pô arăng bi mdjiê leh.


Diñu srăng bi blah hŏng Êđai Biăp, leh anăn Êđai Biăp srăng dưi hŏng diñu, kyuadah Gơ̆ jing Khua Yang kơ jih jang phung khua yang leh anăn Mtao kơ jih jang phung mtao, leh anăn phung dôk mbĭt hŏng Gơ̆ jing phung Aê Diê iêô leh, ruah leh, leh anăn jing phung sĭt suôr.”


Leh anăn kâo ƀuh phung djiê, prŏng leh anăn điêt, dôk dơ̆ng ti anăp jhưng mtao anăn; leh anăn lu hdruôm hră arăng pŏk leh. Arăng pŏk leh sa pŏk hdruôm hră mkăn, jing hdruôm hră klei hdĭp. Leh anăn arăng phat kđi phung djiê tui si klei arăng čih leh hlăm lu hdruôm hră anăn, tui si bruă diñu ngă leh.


Hlei pô amâo mâo anăn čih leh hlăm hdruôm hră klei hdĭp, arăng dlăm ñu hlăm ênao pui.


Hlei pô dưi srăng hơô ao kô̆ msĕ snăn, leh anăn Kâo amâo srăng lăm ôh anăn ñu mơ̆ng hdruôm hră klei hdĭp; leh anăn Kâo srăng hưn anăn ñu ti anăp Ama Kâo leh anăn ti anăp phung dĭng buăl jăk Ñu.


Kâo lač kơ Ñu, “Ơ Khua, ih yơh thâo.” Ñu lač kơ kâo, “Phung anei kbiă hriê mơ̆ng klei knap mñai prŏng. Diñu boh leh anăn bi kô̆ leh ao jhung diñu hŏng êrah Êđai Biăp.


Lean sinn:

Sanasan


Sanasan