Y-Đaniel 11:7 - Klei Aê Diê Blŭ 2015

⁷ Hlăm ênuk anăn sa kƀiêng mơ̆ng agha mniê anăn srăng kgŭ jing mtao. Ñu srăng bi kdơ̆ng hŏng phung kahan leh anăn mŭt hlăm kđông mtao čar Dưr. Ñu srăng bi blah leh anăn dưi.

Y-Đaniel 11:7 Iomraidhean Croise

Y-Yôp 14:7

Kyuadah mâo klei čang hmăng kơ sa ƀĕ ana kyâo, tơdah arăng druôm ñu leh, ăt ñu srăng lŏ čăt, leh anăn ñu lŏ bi kƀiêng amâo thâo mdei ôh.

Klei Mmuñ Hđăp 109:8

Brei hruê ñu dôk hdĭp jing ƀiă; brei sa čô mkăn hrô bruă ñu.

Klei Mmuñ Hđăp 55:23

Ƀiădah Ih yơh, Ơ Aê Diê, srăng dlăm diñu hlăm ƀăng êlam hĭn; phung tuh êrah leh anăn mplư srăng djiê êlâo truh sa mkrah ênuk arăng bi kčah kơ diñu hdĭp. Ƀiădah kâo srăng knang kơ Ih.

Y-Êsai 11:1

Sa ƀĕ kƀiêng srăng čăt mơ̆ng phŭn Y-Yêsê, leh anăn sa ƀĕ Adhan srăng čăt mơ̆ng agha ñu leh anăn mboh.

Y-Êsai 9:14

Kyuanăn hlăm sa hruê, Yêhôwa srăng khăt hĕ mơ̆ng phung Israel kŏ leh anăn ku, adhan ana boh đung leh anăn mbô êa.

Y-Yêrêmi 12:2

Ih pla leh diñu, diñu mtrŭn agha; diñu hriê kơ prŏng mâo boh. Hŏng ƀăng êgei diñu blŭ jăk kơ Ih, ƀiădah ai tiê diñu kbưi hŏng Ih.

Y-Êsêkiêl 17:18

Kyuadah ñu bi êmut leh kơ klei ƀuăn leh anăn gao leh klei bi mguôp, kyuadah ñu ƀuăn leh ƀiădah ăt ngă jih jang klei anei, ñu amâo srăng tlaih ôh.’

Y-Đaniel 11:40

Ti ênuk knhal tuč mtao čar Dhŭng srăng bi kdơ̆ng hŏng ñu, leh anăn mtao čar Dưr srăng nao bi kdơ̆ng hŏng ñu msĕ si angĭn đrŭng, hŏng êdeh aseh, phung đĭ aseh, leh anăn hŏng lu kŭmpăn; ñu srăng mŭt, lip, leh anăn găn lu boh čar.

Y-Đaniel 11:6

Đa đa thŭn êdei diñu srăng ngă klei bi mguôp, leh anăn anak mniê mtao čar Dhŭng srăng nao ngă klei bi mguôp hŏng mtao čar Dưr čiăng mâo klei êđăp ênang. Mniê anăn amâo srăng dưi ôh, kăn pô anăn pioh klei dưi ñu rei, ƀiădah arăng srăng jao bi mdjiê mniê anăn mbĭt hŏng phung atăt ba ñu, ama ñu, leh anăn phung đru krơ̆ng ñu.

Y-Malaki 4:1

“Kyuadah nĕ anei, hruê srăng truh, hang msĕ si kpur pui. Jih jang phung mgao leh anăn jih jang phung ngă klei ƀai srăng jing msĕ si adrăng; hruê truh anăn srăng čuh diñu,” Yêhôwa kơ phung kahan lač, “Snăn amâo srăng lui kơ diñu agha amâodah adhan ôh.

Y-Luk 12:20

Ƀiădah Aê Diê lač kơ ñu, ‘Ơ mnuih mluk! Mlam anei Aê Diê srăng sua mă mngăt ih. Leh anăn mnơ̆ng ih mkra leh, hlei pô srăng dưn lĕ?’