Y-Đaniel 11:5 - Klei Aê Diê Blŭ 2015

⁵ Mtao čar Dhŭng srăng jing ktang, ƀiădah sa čô hlăm phung khua ñu srăng jing ktang hĭn kơ ñu, leh anăn ƀuôn ala mtao gơ̆ srăng jing prŏng hĭn.

Y-Đaniel 11:5 Iomraidhean Croise

Y-Đaniel 11:11

Mtao čar Dhŭng srăng ngêñ leh anăn kbiă bi blah hŏng mtao čar Dưr. Mtao čar Dưr srăng bi kƀĭn lu mnuih, ƀiădah mtao čar Dhŭng srăng dưi hŏng phung lu anăn.

Y-Đaniel 11:14

Hlăm ênuk anăn lu mnuih srăng kgŭ bi blah hŏng mtao čar Dhŭng; leh anăn đa đa mnuih jhŏng hlăm phung ƀuôn sang ih, Ơ Y-Đaniel, srăng ngă bi kdơ̆ng čiăng bi sĭt klei bi ƀuh; ƀiădah diñu amâo srăng dưi ôh.

Y-Đaniel 11:25

Ñu srăng jing ktang leh anăn jhŏng mbĭt hŏng lu phung kahan nao bi blah hŏng mtao čar Dhŭng. Leh anăn mtao čar Dhŭng srăng bi blah mbĭt hŏng phung kahan lu snăk leh anăn ktang; ƀiădah mtao čar Dhŭng amâo srăng dưi ôh, kyuadah arăng trông čhai mkra čiăng ngă kơ gơ̆.

Y-Đaniel 11:40

Ti ênuk knhal tuč mtao čar Dhŭng srăng bi kdơ̆ng hŏng ñu, leh anăn mtao čar Dưr srăng nao bi kdơ̆ng hŏng ñu msĕ si angĭn đrŭng, hŏng êdeh aseh, phung đĭ aseh, leh anăn hŏng lu kŭmpăn; ñu srăng mŭt, lip, leh anăn găn lu boh čar.

Y-Sakari 6:6

Êdeh mâo aseh jŭ nao phă čar dưr, aseh kô̆ nao phă čar yŭ, leh anăn aseh brung uê nao phă čar dhŭng.”