Y-Đaniel 11:34 - Klei Aê Diê Blŭ 2015

³⁴ Tơdah digơ̆ êbuh arăng srăng đru digơ̆ ƀiă, ƀiădah lu mnuih srăng bi mguôp hŏng digơ̆ hŏng ai ngăm.

Y-Đaniel 11:34 Iomraidhean Croise

Y-Đaniel 11:21

Hrô ñu srăng lŏ mâo sa čô mnuih arăng bi êmut snăk, pô arăng amâo yap năng jing mtao ôh; ñu srăng hriê êjai arăng amâo yŏng thâo ôh leh anăn mă ƀuôn ala mtao hŏng klei blŭ mplư.

Y-Đaniel 11:32

Ñu srăng blŭ klei myâo mă mplư phung gao klei bi mguôp; ƀiădah phung thâo kral Aê Diê digơ̆ srăng dôk kjăp leh anăn ngă klei yuôm.

Y-Mathiơ 7:15

“Răng bĕ kơ phung khua pô hưn êlâo soh. Diñu hriê kơ diih hơô klĭt biăp, ƀiădah ti lam diñu jing asâo tan ră.

Hră Y-Pôl Mơĭt kơ Phung Rôm 16:18

Kyuadah phung msĕ snăn amâo mă bruă kơ Krist Khua Yang drei ôh, ƀiădah kơ tian diñu pô, leh anăn hŏng klei blŭ siam leh anăn myâo mă diñu mplư ai tiê phung kgưt.

Galati 2:4

Ƀiădah mâo đa đa phung ayŏng adei đăo mgưt tlĕ mŭt phung hmei, phung anăn jing knuă čiăng ksiêm klei êngiê drei mâo hlăm Krist Yêsu, čiăng lŏ mjing drei hlŭn diñu.

II Y-Timôthê 4:3

Kyuadah sa ênuk srăng truh hlăk anăn arăng amâo lŏ čiăng hmư̆ ôh klei mtô sĭt, ƀiădah kyua diñu čiăng hmư̆ klei mơak diñu srăng ruah phung khua pô mtô tui si diñu pô khăp.

Y-Tit 1:11

Brei diñu dôk ñăt, kyuadah diñu bi rŭng jih găp djuê hlăm lu boh sang hŏng klei mtô amâo bhiăn mtô ôh kyua diñu čiăng ƀơ̆ng ngăn.

I Y-Yôhan 4:1

Ơ phung kâo khăp, đăm đăo kơ jih jang yang ôh, ƀiădah lông dlăng phung yang thâodah diñu kbiă hriê mơ̆ng Aê Diê; kyuadah mâo lu phung khua pô hưn êlâo soh mŭt leh hlăm lăn ala.

I Y-Yôhan 4:5

Diñu jing dŏ lăn ala, snăn diñu blŭ klei lăn ala, leh anăn lăn ala dôk hmư̆ diñu.

II Y-Yôhan 1:7

Kyuadah mâo lu phung mplư nao leh hlăm lăn ala. Diñu amâo đăo ôh kơ Yêsu Krist hriê leh hlăm kđeh. Pô msĕ snăn jing pô mplư leh anăn pô roh hŏng Krist.

Y-Yut 1:4

Kyuadah mâo đa đa phung mnuih mŭt leh hlăm phung diih hŏng klei hgăm, phung anăn arăng čuăn leh mơ̆ng sui kơ klei bi kmhal. Diñu jing phung amâo thâo mpŭ kơ Aê Diê ôh, phung bi mbliư̆ klei pap Aê Diê drei brei jing klei dưi ngă soh, leh anăn hngah kơ Khua drei mâo knŏng sa čô, jing Khua Yang Yêsu Krist.

Klei Bi Êdah 12:13

Tơdah anak rai ƀuh arăng dlăm leh ñu ti lăn ala, ñu tiŏ mniê kkiêng leh kơ anak êkei anăn.

Klei Bi Êdah 2:20

Ƀiădah anei klei Kâo mâo hŏng ih, ih jum sa čô mniê bi anăn H'Jêsabel. Ñu pia kơ ñu pô sa čô khua pô hưn êlâo mniê, leh anăn ñu mtô leh anăn mplư phung dĭng buăl Kâo ngă klei knhông leh anăn ƀơ̆ng čĭm arăng myơr leh kơ rup yang.