Y-Đaniel 11:23 - Klei Aê Diê Blŭ 2015

²³ Leh arăng ngă klei bi mguôp hŏng ñu, ñu srăng ngă hŏng klei mplư; leh anăn ñu srăng hriê kơ prŏng leh anăn jing ktang hŏng sa phung mnuih ƀiă.

Y-Đaniel 11:23 Iomraidhean Croise

Klei Mphŭn Dơ̆ng 34:13

Phung anak êkei Y-Yakôp lŏ wĭt lač kơ Y-Sičem leh anăn kơ Y-Hamôr ama ñu hŏng klei mplư, kyuadah Y-Sičem bi čhŏ leh H'Dina adei mniê diñu.

Klei Mmuñ Hđăp 52:2

Ơ pô lhiăr, jih hruê ih duah ngă jhat, êlah ih jing msĕ si dhŏng kuêh ƀơ̆ng snăk,

Klei Bi Hriêng 11:18

Mnuih ƀai ƀơ̆ng ênoh hŏng klei mplư, ƀiădah hlei pô ngă klei kpă ênô srăng mâo klei mưn sĭt nik.

Y-Đaniel 11:22

Ñu srăng bi rai lu phung kahan, leh anăn wăt khua kơ klei bi mguôp msĕ mơh.

Y-Đaniel 11:24

Êjai mâo klei êđăp ênang ñu srăng mŭt kơ anôk mdrŏng hĭn hlăm čar; ñu srăng ngă klei ama ñu amâo tuôm ngă ôh, phung aê ñu kăn tuôm ngă rei. Ñu srăng bi mbha kơ phung ƀuôn sang ñu mnơ̆ng mă mơ̆ng phung roh, mnơ̆ng plah mă, leh anăn ngăn dŏ. Ñu srăng trông čhai ngă kơ kđông, ƀiădah knŏng bhiâo.

Y-Đaniel 8:24

Klei ktang ñu srăng jing prŏng ƀiădah amâo djŏ ôh kyua klei ktang ñu pô. Ñu srăng ngă klei bi rai prŏng leh anăn bruă ñu srăng jing. Ñu srăng bi rai phung jhŏng ktang leh anăn phung doh jăk.

Y-Đaniel 8:25

Hŏng klei mnêč ñu srăng dưi hŏng klei ñu mplư. Ñu srăng mâo ai tiê mgao. Bhiâo riâo rit ñu srăng bi rai lu mnuih êjai digơ̆ mĭn mâo klei hơĭt. Wăt ñu srăng kgŭ bi kdơ̆ng hŏng Khua kơ jih jang phung khua; ƀiădah ñu srăng rai amâo djŏ kyua kngan mnuih ngă ôh.

Hră Y-Pôl Mơĭt kơ Phung Rôm 1:29

Diñu bŏ hŏng djăp mta klei wê, klei jhat, klei tluh, klei ăl. Diñu bŏ hŏng klei nač, klei bi mdjiê mnuih, klei bi mneh msao, klei mplư, klei krêñ; diñu jing phung yăl dliê klei jhat arăng,

II Kôrantô 11:3

Ƀiădah kâo huĭ msĕ si ala mplư leh H'Êwơ hŏng klei ñu thâo mnêč, snăn mơh klei mĭn diih srăng weh đuĕ mơ̆ng klei diih jao leh diih pô kơ Krist hŏng klei kpă leh anăn klei doh.

II Têsalônik 2:9

Pô soh anăn srăng hriê hŏng bruă mơ̆ng Satan, ngă jih klei myang, klei bi knăl leh anăn klei yuôm bhăn luar,