Y-Đaniel 11:22 - Klei Aê Diê Blŭ 2015

²² Ñu srăng bi rai lu phung kahan, leh anăn wăt khua kơ klei bi mguôp msĕ mơh.

Y-Đaniel 11:22 Iomraidhean Croise

Y-Đaniel 11:10

Phung anak êkei gơ̆ srăng mkra kơ klei bi blah leh anăn bi kƀĭn lu phung kahan. Digơ̆ srăng nao, lip, leh anăn găn, leh anăn digơ̆ srăng ksŭng phung kahan truh ti kđông mtao čar Dhŭng.

Y-Đaniel 9:26

Leh tloh năm pluh dua hruê kăm anăn, arăng srăng bi mdjiê hĕ Pô arăng trôč êa ƀâo mngưi, leh anăn gơ̆ amâo srăng mâo mnơ̆ng ôh. Leh anăn phung ƀuôn sang khua srăng truh êdei srăng bi rai hĕ ƀuôn leh anăn adŭ doh jăk. Ti knhal tuč êa lip srăng bi rai ñu, leh anăn srăng mâo klei bi blah tơl knhal tuč; Aê Diê čuăn leh klei ênguôl srăng truh.

Y-Đaniel 8:25

Hŏng klei mnêč ñu srăng dưi hŏng klei ñu mplư. Ñu srăng mâo ai tiê mgao. Bhiâo riâo rit ñu srăng bi rai lu mnuih êjai digơ̆ mĭn mâo klei hơĭt. Wăt ñu srăng kgŭ bi kdơ̆ng hŏng Khua kơ jih jang phung khua; ƀiădah ñu srăng rai amâo djŏ kyua kngan mnuih ngă ôh.

Y-Nahum 1:8

Ƀiădah hŏng êa lip tar ƀar Ñu srăng bi luč phung bi kdơ̆ng hŏng Ñu, leh anăn srăng tiŏ phung roh Ñu truh kơ klei mmăt.

Y-Amôs 9:5

Yêhôwa, Aê Diê kơ phung kahan, Pô ruêh lăn ala leh anăn gơ̆ lik, leh anăn jih jang phung dôk hlăm gơ̆ kơŭ kyăm, jih lăn čar srăng đĭ dlai msĕ si êa krông Nil, leh anăn lŏ hrŏ msĕ si êa krông Nil čar Êjip,

Y-Amôs 8:8

Amâo djŏ hĕ čar srăng ktư̆ yơ̆ng kyua klei anăn, leh anăn grăp čô dôk tinăn srăng čŏk hia? Jih čar srăng đĭ dlai msĕ si êa krông Nil, srăng ktlư̆ leh anăn lŏ lĕ msĕ si êa krông Nil čar Êjip.”

Y-Êsai 28:15

Kyuadah diih lač leh, “Hmei ngă leh klei bi mguôp hŏng klei djiê, leh anăn hmei bi mguôp leh hŏng Ƀuôn Phung Djiê. Tơdah klei bi knap êbeh dlai srăng găn, klei anăn amâo srăng truh kơ hmei ôh; kyuadah hmei brei leh klei luar jing anôk hmei kđap, leh anăn klei mplư jing anôk hmei đuĕ dăp.”

Y-Đaniel 11:23

Leh arăng ngă klei bi mguôp hŏng ñu, ñu srăng ngă hŏng klei mplư; leh anăn ñu srăng hriê kơ prŏng leh anăn jing ktang hŏng sa phung mnuih ƀiă.