Y-Đaniel 11:2 - Klei Aê Diê Blŭ 2015

² “Ară anei kâo srăng bi êdah kơ ih klei sĭt nik. Nĕ anei, ăt srăng mâo tlâo čô mtao hlăm čar Persơ; leh anăn sa čô tal pă srăng mdrŏng hĭn kơ jih jang phung diñu. Tơdah ñu jing ktang leh kyua klei mdrŏng ñu, ñu srăng mčhur jih jang bi kdơ̆ng hŏng ƀuôn ala mtao Grĕk.

Y-Đaniel 11:2 Iomraidhean Croise

Y-Êsra 4:24

Snăn bruă ngă sang yang Aê Diê hlăm ƀuôn Yêrusalem mdei hĕ; leh anăn bruă anăn mdei hĕ tơl thŭn tal dua Y-Darius mtao Persơ kiă kriê.

Y-Êsra 4:7

Hlăm ênuk Y-Artasersês, Y-Bislam, Y-Mit-Rêdat, Y-Tabêel, leh anăn jih jang phung găp diñu mă bruă mbĭt čih hră kơ Y-Artasersês mtao Persơ. Hră anăn arăng čih hlăm klei Aram leh anăn lŏ mblang.

H'Êsther 1:1

Klei anei truh hlăm ênuk Y-Asuêrus, pô kiă kriê sa êtuh dua pluh kjuh boh čar mơ̆ng čar Klơ̆ng truh kơ čar Êthiôpi,

Klei Bi Hriêng 22:21

čiăng hưn kơ ih klei djŏ leh anăn klei sĭt nik, čiăng kơ ih dưi lŏ wĭt lač hŏng klei sĭt nik kơ pô tiŏ nao ih?

Y-Đaniel 10:1

Thŭn tal tlâo Y-Sirus jing mtao čar Persơ, mâo sa klei bi êdah kơ Y-Đaniel, lŏ bi anăn Y-Beltisasar. Klei anăn sĭt nik leh anăn hưn kơ klei bi blah prŏng. Ñu thâo săng klei blŭ leh anăn klei bi ƀuh anăn.

Y-Đaniel 11:25

Ñu srăng jing ktang leh anăn jhŏng mbĭt hŏng lu phung kahan nao bi blah hŏng mtao čar Dhŭng. Leh anăn mtao čar Dhŭng srăng bi blah mbĭt hŏng phung kahan lu snăk leh anăn ktang; ƀiădah mtao čar Dhŭng amâo srăng dưi ôh, kyuadah arăng trông čhai mkra čiăng ngă kơ gơ̆.

Y-Đaniel 7:5

Nĕ anei, mâo sa drei hlô dliê mkăn tal dua, jing msĕ si kgâo. Ñu dôk dơ̆ng hŏng jơ̆ng tluôn, leh anăn mâo tlâo ƀĕ klang grưh hlăm ƀăng êgei ñu ti krah griăng; leh anăn arăng lač kơ ñu, ‘Kgŭ ƀơ̆ng bĕ kđeh bi trei.’

Y-Đaniel 8:21

Bê knô jing mtao čar Grĕk. Ki prŏng ti plah wah ală ñu jing mtao tal êlâo hĭn.

Y-Đaniel 8:26

Klei bi ƀuh kơ lu tlam leh anăn lu aguah arăng hưn leh jing sĭt nik; ƀiădah brei ih kđăl kđăm hĕ klei bi ƀuh anei, kyuadah ñu djŏ kơ ênuk êdei.”

Y-Đaniel 8:4

Kâo ƀuh biăp knô mnuh phă yŭ, phă dưr, leh anăn phă dhŭng. Amâo mâo sa drei hlô dliê dưi bi kdơ̆ng hŏng ñu ôh, leh anăn amâo mâo mnuih tlaih mơ̆ng ñu ôh; ñu ngă tui si ñu čiăng, leh anăn ñu bi mđĭ ñu pô.

Y-Amôs 3:7

Sĭt nik Aê Diê Yêhôwa amâo ngă sa mta klei ôh tơdah Ñu amâo hưn klei hgăm Ñu kơ phung dĭng buăl Ñu, phung khua pô hưn êlâo.

Y-Yôhan 10:35

Tơdah ñu pia phung yang kơ phung mă tŭ Klei Aê Diê Blŭ, (leh anăn klei čih leh amâo dưi bi mlih ôh),

Klei Bi Êdah 21:5

Leh anăn Pô dôk ti jhưng mtao lač, “Nĕ anei, Kâo hrih jih jang mnơ̆ng mrâo.” Leh anăn Ñu lač msĕ mơh, “Čih bĕ klei anăn, kyuadah klei blŭ anăn arăng dưi knang leh anăn sĭt nik.”