Y-Đaniel 11:16 - Klei Aê Diê Blŭ 2015

¹⁶ Ƀiădah pô hriê bi kdơ̆ng hŏng ñu srăng ngă tui si čiăng, leh anăn amâo mâo pô dưi bi kdơ̆ng hŏng gơ̆ ôh. Gơ̆ srăng dôk hlăm čar guh kơang, leh anăn dưi bi rai čar anăn.

Y-Đaniel 11:16 Iomraidhean Croise

Y-Êsai 8:8

Ñu srăng hlŏng đoh mŭt hlăm čar Yuđa, ñu srăng dlai hang leh anăn lip truh ti kkuê, leh anăn srăng bi bŏ jih lăn čar ih, Ơ Êmanuel.”

Y-Yêrêmi 3:19

Leh anăn Kâo lač, ‘Čiăng snăk yap diih msĕ si phung anak êkei Kâo, leh anăn brei kơ diih sa boh čar mơak, ngăn dưn siam hĭn kơ jih jang găp djuê mnuih. Leh anăn Kâo mĭn kơ diih srăng iêô kơ Kâo, “Ama kâo,” leh anăn amâo weh ôh mơ̆ng klei tui hlue Kâo.

Y-Đaniel 11:3

Hlăk anăn sa čô mtao ktang srăng kgŭ leh anăn kiă kriê hŏng klei dưi prŏng, leh anăn srăng ngă tui si gơ̆ čiăng.

Y-Đaniel 11:36

Mtao srăng ngă tui si ñu čiăng; ñu srăng bi mđĭ ñu pô, leh anăn mpŭ ñu pô ti dlông hĭn kơ jih jang yang, leh anăn ñu srăng blŭ mgao hŏng Aê Diê kơ jih jang yang; ñu srăng dưi tơl ênuk klei ngêñ ruê̆ leh; kyuadah ya klei Aê Diê čuăn leh srăng truh sĭt.

Y-Đaniel 11:41

Ñu srăng mŭt msĕ mơh hlăm čar Guh Kơang. Leh anăn lu boh čar srăng dlưh, ƀiădah phung Êđôm, phung Môap, leh anăn sa kdrêč čar Amôn prŏng hĭn srăng tlaih mơ̆ng kngan ñu.

Y-Đaniel 11:45

Leh anăn ñu srăng mdơ̆ng sang čhiăm sang mtao ñu ti plah wah dua boh êa ksĭ ti čư̆ doh jăk guh kơang; ƀiădah ăt ñu srăng djiê, amâo mâo pô đru ñu ôh.”

Y-Đaniel 5:19

Leh anăn kyuadah Aê Diê brei leh kơ ñu klei jing prŏng anăn, jih jang phung ƀuôn sang, phung găp djuê mnuih, leh anăn phung blŭ klei mdê mdê ktư̆ yơ̆ng leh anăn huĭ ti anăp ñu. Ñu bi mdjiê hĕ hlei pô ñu čiăng; ñu lui dôk hdĭp hlei pô ñu čiăng. Ñu bi mđĭ amâodah mdlưh hlei pô ñu čiăng.

Y-Đaniel 8:4

Kâo ƀuh biăp knô mnuh phă yŭ, phă dưr, leh anăn phă dhŭng. Amâo mâo sa drei hlô dliê dưi bi kdơ̆ng hŏng ñu ôh, leh anăn amâo mâo mnuih tlaih mơ̆ng ñu ôh; ñu ngă tui si ñu čiăng, leh anăn ñu bi mđĭ ñu pô.

Y-Đaniel 8:7

Kâo ƀuh ñu truh giăm biăp knô, leh anăn ñu ngêñ snăk kơ gơ̆, leh anăn mnuh biăp knô leh anăn bi joh hĕ dua ƀĕ ki gơ̆, tơl biăp knô amâo mâo klei ktang dưi bi kdơ̆ng hŏng ñu ôh. Bê knô bi êbuh gơ̆ ti lăn leh anăn juă gơ̆; leh anăn amâo mâo mnuih dưi bi mtlaih biăp knô anăn mơ̆ng klei ktang ñu ôh.

Y-Đaniel 8:9

Mơ̆ng sa ƀĕ hlăm pă ki anăn mâo sa ƀĕ ki điêt čăt, ñu hriê kơ prŏng snăk phă dhŭng, phă ngŏ, leh anăn phă Čar Guh Kơang.

Y-Yôsuê 1:5

Amâo mâo pô srăng dưi bi kdơ̆ng hŏng ih ôh jih jang hruê ih dôk hdĭp. Kâo srăng dôk mbĭt hŏng ih msĕ si Kâo dôk leh mbĭt hŏng Y-Môis; Kâo amâo srăng lui amâodah hngah ih ôh.