Y-Đaniel 11:12 - Klei Aê Diê Blŭ 2015

¹² Tơdah mtao čar Dhŭng mă leh phung lu, ai tiê ñu srăng mgao, leh anăn ñu srăng bi mdjiê lu êbâo čô mnuih, ƀiădah ñu amâo srăng dưi ôh.

Y-Đaniel 11:12 Iomraidhean Croise

II Bruă Mtao 14:10

Sĭt nik ih čăm leh čar Êđôm, leh anăn ai tiê ih bi mđĭ ih leh. Brei ih hrăp hŏng klei guh kơang ih leh anăn dôk bĕ ti sang; kyuadah si ngă ih čiăng bi truh klei rŭng răng tơl ih êbuh, ih leh anăn phung Yuđa mbĭt hŏng ih?”

II Klei Yăl Dliê 25:19

Ih lač, ‘Dlăng bĕ, kâo čăm leh čar Êđôm,’ leh anăn ai tiê ih bi mgao ih leh. Ƀiădah ară anei dôk bĕ ti sang; si ngă ih čiăng mčhur klei rŭng răng, tơdah snăn, ih leh anăn phung Yuđa mbĭt hŏng ih srăng lĕ?”

II Klei Yăl Dliê 26:16

Ƀiădah tơdah ñu jing ktang leh, ñu dơ̆ng mgao, klei anăn bi luč ñu. Kyuadah ñu amâo dôk sĭt suôr ôh hŏng Yêhôwa Aê Diê ñu, leh anăn mŭt hlăm sang yang Yêhôwa čiăng čuh mnơ̆ng ƀâo mngưi ti knưl mnơ̆ng ƀâo mngưi.

II Klei Yăl Dliê 32:25

Ƀiădah Y-Hêsêkia amâo bi wĭt klei djŏ kơ Yêhôwa tui si klei jăk Yêhôwa ngă leh kơ ñu, kyuadah ai tiê ñu jing mgao. Kyuanăn klei ngêñ truh kơ ñu, kơ phung Yuđa leh anăn kơ phung ƀuôn Yêrusalem.

Klei Bi Hriêng 16:18

Klei mgao nao êlâo kơ klei rai luč, leh anăn klei krưh nao êlâo kơ klei lĕ.

Y-Êsêkiêl 28:17

Ai tiê ih mgao kyua klei siam ih; ih bi soh leh klei knhâo ih kyua klei guh kơang ih mâo. Snăn Kâo dlăm ih ti lăn; Kâo brei ih jing mnơ̆ng phung mtao dlăng, čiăng bi hrăp ală diñu.

Y-Êsêkiêl 28:2

“Ơ anak mnuih, lač bĕ kơ khua kiă kriê ƀuôn Tir, ‘Snei Yêhôwa Aê Diê lač: Kyuadah ai tiê ih mgao, ih lač, “Kâo jing sa čô yang, kâo dôk gŭ ti jhưng mtao sa čô yang ti krah êa ksĭ,” ƀiădah ih jing sa čô mnuih, amâo djŏ yang ôh, wăt tơdah ih yap ih pô jing knhâo msĕ si sa čô yang.

Y-Êsêkiêl 28:5

Hŏng klei knhâo snăk ih čhĭ mnia, ih bi mđĭ leh klei mdrŏng ih, leh anăn ai tiê ih jing leh mgao kyua klei mdrŏng ih.

Y-Đaniel 11:11

Mtao čar Dhŭng srăng ngêñ leh anăn kbiă bi blah hŏng mtao čar Dưr. Mtao čar Dưr srăng bi kƀĭn lu mnuih, ƀiădah mtao čar Dhŭng srăng dưi hŏng phung lu anăn.

Y-Đaniel 11:13

Kyuadah mtao čar Dưr srăng lŏ bi kƀĭn mnuih lu hĭn kơ êlâo; leh êgao đa đa thŭn gơ̆ srăng hriê hŏng phung kahan lu leh anăn lu mnơ̆ng bi blah.

Y-Đaniel 5:23

Ƀiădah ih mđĭ ih pô bi kdơ̆ng hŏng Khua Yang hlăm adiê; arăng ba ti anăp ih kčok mtĭl mơ̆ng sang Ñu, leh anăn ih, phung khua ih, phung mô̆ ih, leh anăn phung mô̆ hjŭng ih yua pioh mnăm kpiê. Leh anăn ih bi mni leh phung yang ngă hŏng prăk, mah, kông, msei, kyâo, leh anăn boh tâo, phung amâo thâo ƀuh, amâo thâo hmư̆, amâo thâo săng ôh; ƀiădah ih amâo bi guh kơang ôh kơ Aê Diê Pô djă êwa klei hdĭp ih leh anăn jih jang êlan ih.

Y-Đaniel 8:25

Hŏng klei mnêč ñu srăng dưi hŏng klei ñu mplư. Ñu srăng mâo ai tiê mgao. Bhiâo riâo rit ñu srăng bi rai lu mnuih êjai digơ̆ mĭn mâo klei hơĭt. Wăt ñu srăng kgŭ bi kdơ̆ng hŏng Khua kơ jih jang phung khua; ƀiădah ñu srăng rai amâo djŏ kyua kngan mnuih ngă ôh.

Klei Mtô Mñă Klei Bhiăn 8:14

hlăk anăn ai tiê diih srăng mgao, leh anăn diih wơr bĭt hĕ Yêhôwa Aê Diê diih, Pô atăt diih kbiă mơ̆ng čar Êjip mơ̆ng sang klei jing hlŭn,

I Y-Timôthê 3:6

Sa čô mrâo đăo amâo dưi ôh, huĭdah ñu jing mgao leh anăn lĕ hlăm klei phat kđi pioh kơ yang jhat.

I Y-Pêtrôs 5:5

Msĕ mơh kơ diih jing phung hlăk ai, brei diih gưt kơ phung khua mduôn. Brei jih jang diih hơô klei luă gŭ êjai hdĭp hdơ̆ng diih, kyuadah “Aê Diê bi kdơ̆ng hŏng phung mgao, ƀiădah brei klei pap kơ phung luă gŭ.”