Y-Đaniel 10:6 - Klei Aê Diê Blŭ 2015

⁶ Asei mlei ñu msĕ si boh tâo yuôm bêril, ƀô̆ mta ñu mtrang msĕ si kmlă, ală ñu msĕ si êlah pui trơ̆ng, păl leh anăn jơ̆ng ñu msĕ si kông mgoh leh, leh anăn ênai asăp ñu msĕ si ênai phung lu.

Y-Đaniel 10:6 Iomraidhean Croise

Klei Kbiă 28:20

pruê̆ tal pă, sa asăr bêril, sa asăr ônik, sa asăr jaspidi. Jih asăr boh tâo anăn brei ih mƀlir hlăm griŏ mah.

Klei Mmuñ Siam Hĭn 5:14

Păl ñu msĕ si klŏ mah hgăl, mƀlir hŏng boh tâo yuôm. Asei mlei ñu msĕ si mnơ̆ng arăng ngă hŏng mla, mƀlir hŏng boh tâo saphir.

Y-Êsêkiêl 1:14

Pă drei mnơ̆ng hdĭp nao pral tinei tinăn msĕ si kmlă.

Y-Êsêkiêl 1:16

Bi kơ pông anăn, dlăng msĕ si boh tâo yuôm krisôlit; leh anăn jih pă boh pông anăn jing msĕ, arăng ngă diñu msĕ si sa boh pông dôk ti lam sa boh pông mkăn.

Y-Êsêkiêl 1:24

Tơdah diñu nao, kâo hmư̆ ênai siap diñu msĕ si ênai lu êa, msĕ si asăp Pô Mâo Jih Klei Myang, ênai hao hao msĕ si asăp phung kahan lu; tơdah diñu dôk hĕ, diñu mdlưh hĕ siap diñu.

Y-Êsêkiêl 1:7

Jơ̆ng diñu kpă, leh anăn plă jơ̆ng diñu msĕ si plă jơ̆ng êđai êmô, leh anăn jơ̆ng diñu ktlă mngač msĕ si kông arăng mgoh leh.

Y-Êsêkiêl 10:9

Kâo dlăng leh anăn nĕ anei, mâo pă boh pông ti djiêô phung čêrubim, sa boh pông ti djiêô grăp čô čêrubim, leh anăn pông anăn bi êdah msĕ si boh tâo mngač krisôlit.

Y-Êsêkiêl 40:3

Tơdah Ñu ba kâo tinăn, nĕ anei mâo sa čô êkei asei mlei ñu msĕ si kông, djă klei kuĭ kbuă leh anăn sa ƀĕ giê pioh mkă; ñu dôk dơ̆ng ti êlan mŭt ƀăng jang.

Y-Êsêkiêl 8:2

Snăn kâo dlăng, nĕ anei mâo klei bi êdah msĕ si rup sa čô mnuih: mơ̆ng kơiêng kơ gŭ mâo pui, leh anăn mơ̆ng kơiêng kơ dlông mâo klei ktlă mngač msĕ si kông arăng mgoh leh.

Y-Mathiơ 17:2

Asei mlei Yêsu mâo klei bi mlih ti anăp digơ̆: Ƀô̆ mta Ñu mtrang msĕ si yang hruê, leh anăn ao Ñu jing kô̆ msĕ si klei mngač,

Y-Mathiơ 28:3

Ñu jing mngač msĕ si kmlă, ao ñu kô̆ msĕ si pliêr.

Y-Luk 9:29

Êjai Ñu wah lač, ƀô̆ mta Ñu bi mlih leh anăn čhiăm ao Ñu jing kô̆ kmlăi snăk.

Klei Bi Êdah 10:1

Leh anăn kâo ƀuh sa čô dĭng buăl jăk mkăn, myang trŭn mơ̆ng adiê, mâo knam guôm ñu, mâo kêñ krô ti dlông boh kŏ ñu, ƀô̆ mta ñu jing msĕ si yang hruê, leh anăn jơ̆ng ñu msĕ si kmeh pui.

Klei Bi Êdah 19:12

Ală Ñu jing msĕ si êlah pui. Ti boh kŏ Ñu mâo lu boh đuôn mtao. Ñu mâo anăn arăng čih leh, amâo mâo pô thâo ôh, knŏng hjăn Ñu pô yơh thâo.

Klei Bi Êdah 2:18

“Čih bĕ kơ dĭng buăl jăk Phung Sang Aê Diê ti ƀuôn Thiatir snei: Nĕ snei Anak Aê Diê lač, Pô mâo ală msĕ si êlah pui leh anăn jơ̆ng msĕ si kông ngur:

Klei Bi Êdah 21:20

tal êma hŏng boh tâo ônik, tal năm hŏng boh tâo karnêlian, tal kjuh hŏng boh tâo krisôlit, tal sa păn hŏng ƀoh tâo ƀeril, tal dua păn hŏng boh tâo tôpas, tal pluh hŏng boh tâo krisôpras, tal pluh sa hŏng boh tâo hiasin, tal pluh dua hŏng boh tâo amêtis.