Y-Đaniel 10:21 - Klei Aê Diê Blŭ 2015

²¹ Ƀiădah kâo srăng hưn kơ ih klei arăng čih leh hlăm hdruôm hră klei sĭt nik. Amâo mâo pô đru kâo bi kdơ̆ng hŏng phung anăn ôh, knŏng hjăn Y-Mikel, khua ih.”

Y-Đaniel 10:21 Iomraidhean Croise

Y-Đaniel 10:13

Ƀiădah khua ƀuôn ala mtao Persơ bi kdơ̆ng hŏng kâo dua pluh sa hruê; snăn Y-Mikel, sa čô khua hĭn hlăm phung khua hriê đru kâo, kyuadah arăng kơ̆ng kâo tinăn mbĭt hŏng mtao ƀuôn ala mtao Persơ.

Klei Bi Êdah 12:7

Leh anăn mâo klei bi blah hlăm adiê, Mikel leh anăn phung dĭng buăl jăk ñu bi blah hŏng anak rai; anak rai leh anăn dĭng buăl ñu lŏ bi blah wĭt.

Y-Đaniel 12:1

“Hlăm ênuk anăn Y-Mikel, khua prŏng dôk kiă kriê phung ƀuôn sang ih, srăng kgŭ. Leh anăn srăng mâo ênuk rŭng răng amâo tuôm mâo ôh msĕ snăn dơ̆ng mơ̆ng phŭn mâo găp djuê mnuih truh ti ênuk anăn. Ƀiădah ênuk anăn phung ƀuôn sang ih srăng tlaih, grăp čô mâo anăn čih leh hlăm hdruôm hră Aê Diê.

Y-Yut 1:9

Wăt khua dĭng buăl jăk Mikel tơdah bi tăng hŏng yang jhat kyua asei mlei Y-Môis, ñu amâo jhŏng blŭ kđi hŏng klei dlao wač kơ yang jhat ôh, ƀiădah lač, “Brei Khua Yang phat kđi ih.”

Bruă Phung Khua Ƀĭng Kna 15:15

Klei anăn bi djŏ leh hŏng klei phung khua pô hưn êlâo blŭ, tui si klei arăng čih leh,

Y-Đaniel 12:4

Ƀiădah bi ih, Ơ Y-Đaniel, kđăl leh anăn kđăm hĕ hdruôm hră anei tơl ênuk knhal tuč; lu mnuih srăng hiu ti anei tinăn leh anăn klei thâo săng srăng đĭ hĭn.”

Y-Đaniel 9:25

Brei ih ksiêm leh anăn thâo săng, dơ̆ng mơ̆ng mâo klei mtă lŏ mkra leh anăn mdơ̆ng ƀuôn Yêrusalem tơl Pô arăng trôč êa ƀâo mngưi truh, Pô jing khua, srăng mâo kjuh hruê kăm, leh anăn năm pluh dua hruê kăm. Arăng srăng lŏ mdơ̆ng ƀuôn Yêrusalem mâo êlan leh anăn kđông kjăp êjai ênuk rŭng răng.

Y-Đaniel 8:26

Klei bi ƀuh kơ lu tlam leh anăn lu aguah arăng hưn leh jing sĭt nik; ƀiădah brei ih kđăl kđăm hĕ klei bi ƀuh anei, kyuadah ñu djŏ kơ ênuk êdei.”

Bruă Phung Khua Ƀĭng Kna 15:18

Snăn Khua Yang lač, Pô brei arăng thâo klei anei mơ̆ng ênuk đưm.’

Y-Amôs 3:7

Sĭt nik Aê Diê Yêhôwa amâo ngă sa mta klei ôh tơdah Ñu amâo hưn klei hgăm Ñu kơ phung dĭng buăl Ñu, phung khua pô hưn êlâo.

Y-Đaniel 9:22

Ñu hriê lač kơ kâo, “Ơ Y-Đaniel, kâo hriê ară anei čiăng brei klei thâo mĭn leh anăn klei thâo săng kơ ih.