Y-Đaniel 10:16 - Klei Aê Diê Blŭ 2015

¹⁶ Leh anăn nĕ anei, mâo pô msĕ si phung anak êkei mnuih ruêh kƀông kâo. Snăn kâo ha ƀăng êgei blŭ kơ pô dôk dơ̆ng ti anăp kâo, “Ơ khua kâo, kyua klei bi ƀuh anei kâo ruă leh anăn kâo amâo mâo klei mơai ôh.

Y-Đaniel 10:16 Iomraidhean Croise

Klei Kbiă 4:10

Ƀiădah Y-Môis lač kơ Yêhôwa, “Ơ Khua Yang, kâo amâo jing sa čô mnuih thâo blŭ siam ôh, kăn djŏ rei êlâo êdei kơ klei Ih blŭ kơ dĭng buăl Ih; kyuadah ƀăng êgei kâo leh anăn êlah kâo êmưt blŭ.”

Klei Kbiă 4:13

Ƀiădah Y-Môis lač, “Ơ Khua Yang, Kâo akâo kơ ih tiŏ nao bĕ pô mkăn.”

Khua Pô Mtô 1:18

Kyuadah hŏng lu klei thâo mĭn mâo lu klei ênguôt, leh anăn hlei pô bi mđĭ klei thâo săng bi mđĭ klei bi ruă ai mơh.

Y-Êsai 6:7

Sa čô Sêrap bi sô̆ ƀăng êgei kâo hŏng dŏ anăn leh anăn lač, “Dŏ anei sô̆ leh kƀông ih; arăng mă hĕ leh klei wê ih, leh anăn klei soh ih pap brei leh.”

Y-Yêrêmi 1:9

Snăn Yêhôwa yơr kngan Ñu ruêh ƀăng kƀông kâo, leh anăn lač kơ kâo, “Nĕ anei, Kâo dưm leh klei Kâo blŭ hlăm ƀăng kƀông ih.

Y-Êsêkiêl 1:26

Ti dlông čhiăm guôm nah dlông boh kŏ diñu mâo msĕ si sa boh jhưng mtao, ngă hŏng boh tâo yuôm saphir; leh anăn pô dôk gŭ ti jhưng mtao dlăng msĕ si rup sa čô mnuih.

Y-Êsêkiêl 3:27

Ƀiădah tơdah Kâo blŭ kơ ih, Kâo srăng pŏk ƀăng êgei ih, leh anăn ih srăng lač kơ diñu, ‘Snei Yêhôwa Aê Diê lač’; hlei pô čiăng hmư̆, brei ñu dôk hmư̆; leh anăn hlei pô hngah amâo čiăng hmư̆ ôh, brei ñu hngah bĕ; kyuadah diñu jing sa boh sang khăng bi kdơ̆ng.”

Y-Êsêkiêl 33:22

Kngan Yêhôwa ênă leh ti kâo tlam êlâo pô đuĕ anăn hriê, leh anăn ñu pŏk leh ƀăng êgei kâo djŏ mông pô anăn truh kơ kâo êjai aguah; snăn ƀăng êgei kâo dưi ha leh, leh anăn kâo amâo lŏ kmlô ôh.

Y-Đaniel 12:8

Kâo hmư̆, ƀiădah kâo amâo thâo săng ôh. Snăn kâo lač, “Ơ khua kâo, si srăng jing klei knhal tuč kơ klei anei?”

Y-Đaniel 4:19

Leh anăn Y-Đaniel, pô arăng pia Y-Beltisasar, amâo dưi blŭ ôh êjai sui, leh anăn klei ñu mĭn bi rŭng ñu. Mtao lač, “Ơ Y-Beltisasar, đăm brei klei êpei amâodah klei mblang kơ ñu bi rŭng ih ôh.” Y-Beltisasar lŏ wĭt lač, “Ơ khua kâo, brei klei êpei anei truh kơ phung bi êmut kơ ih, leh anăn klei mblang kơ ñu djŏ kơ phung roh hŏng ih!

Y-Đaniel 7:15

“Bi kâo dê, Y-Đaniel, mngăt kâo rŭng răng hlăm lam leh anăn klei kâo ƀuh bi huĭ kâo.

Y-Đaniel 7:28

Tinei tuč klei yăl dliê anei. Bi kâo dê Y-Đaniel, klei mĭn kâo rŭng răng lu, ƀô̆ mta kâo bi mlih hĕ; ƀiădah kâo djă pioh jih klei anăn hlăm ai tiê kâo.”

Y-Đaniel 8:15

Tơdah kâo gơ̆ Y-Đaniel ƀuh leh klei bi ƀuh anăn, kâo duah čiăng thâo săng klei anăn; leh anăn nĕ anei, mâo msĕ si sa čô mnuih dôk dơ̆ng ti anăp kâo.

Y-Đaniel 8:17

Snăn gơ̆ hriê giăm anôk kâo dôk dơ̆ng. Tơdah gơ̆ truh, kâo huĭ leh anăn buôn kŭp ti lăn. Ƀiădah gơ̆ lač kơ kâo, “Brei ih thâo săng, Ơ anak mnuih, klei bi ƀuh anăn djŏ kơ ênuk knhal tuč.”

Y-Đaniel 8:18

Êjai ñu blŭ kơ kâo, kâo pĭt êlam snăk, ƀô̆ kŭp ti lăn; ƀiădah ñu ruêh kâo leh anăn brei kâo dôk dơ̆ng.

Y-Đaniel 8:27

Kâo gơ̆ Y-Đaniel êmăn êdi leh anăn ruă lu hruê. Leh anăn kâo kgŭ lŏ mă bruă kơ mtao. Kâo bi kngăr kơ klei bi ƀuh anăn; kâo amâo mâo thâo săng ôh.

Y-Đaniel 9:21

êjai kâo ăt dôk blŭ hlăm klei wah lač, sa čô mnuih Y-Gabriel, pô kâo ƀuh hlăm klei bi ƀuh tal êlâo hĭn, phiơr pral hriê kơ kâo ti mông arăng myơr mnơ̆ng myơr čuh ti tlam.

Y-Luk 1:64

Mông anăn mtam Y-Sakari ha ƀăng êgei, êlah ñu tlaih, ñu blŭ leh anăn mpŭ mni kơ Aê Diê.

Y-Luk 21:15

kyuadah Kâo srăng bi êdah kơ diih klei blŭ leh anăn klei thâo mĭn tơl jih jang phung roh diih amâo dưi bi kdơ̆ng amâodah bi mgăl hŏng diih ôh.

Y-Yôhan 20:28

Y-Thômas lŏ wĭt lač kơ Ñu, “Ơ Khua Yang kâo leh anăn Aê Diê kâo!”

Y-Yôsuê 5:14

Gơ̆ lač, “Hơăi, kâo jing khua kơ phung kahan Yêhôwa. Snăn yơh kâo hriê anei.” Y-Yôsuê kŭp ƀô̆ ti lăn kkuh mpŭ, leh anăn lač kơ gơ̆, “Ya klei khua kâo mtă kơ dĭng buăl ih?”

Klei Bi Êdah 1:13

leh anăn ti krah jơ̆ng diăn anăn mâo sa čô msĕ si Anak Mnuih, hơô ao jhung dlông leh anăn hyuă čhiăm mah ti đah da.

Phung Khua Phat Kđi 13:8

Y-Manôa kwưh kơ Yêhôwa, lač, “Ơ Yêhôwa, kâo kwưh kơ Ih, brei mnuih Aê Diê, pô Ih tiŏ hriê anăn lŏ hriê kơ hmei, leh anăn mtô kơ hmei ya hmei srăng ngă hŏng anak srăng kkiêng anăn.”

Phung Khua Phat Kđi 6:13

Y-Gidêôn lŏ wĭt lač kơ ñu, “Ơ khua, tơdah Yêhôwa dôk mbĭt hŏng hmei, si ngă jih jang klei anei truh hĕ kơ hmei? Leh anăn ti lei jih jang klei yuôm bhăn Ñu ngă phung aê hmei đưm, yăl dliê leh kơ hmei, lač, ‘Amâo djŏ hĕ Yêhôwa atăt hmei kbiă mơ̆ng čar Êjip?’ Ƀiădah ară anei Yêhôwa lui hĕ hmei, leh anăn jao hmei hlăm kngan phung Madian.”

Phung Khua Phat Kđi 6:15

Y-Gidêôn lŏ wĭt lač kơ Ñu, “Ơ Khua Yang, si kâo dưi bi mtlaih phung Israel? Nĕ anei, găp djuê kâo jing awăt hĭn hlăm phung Manasê, leh anăn kâo jing pô điêt hĭn hlăm găp djuê kâo.”