Y-Đaniel 10:11 - Klei Aê Diê Blŭ 2015

¹¹ Leh anăn ñu lač kơ kâo, “Ơ Y-Đaniel, pô arăng khăp snăk, brei ih hmư̆ bi nik klei kâo blŭ kơ ih, leh anăn brei ih dôk dơ̆ng kpă, kyuadah arăng tiŏ nao kâo kơ ih.” Êjai ñu blŭ kơ kâo snăn, kâo dôk dơ̆ng hŏng klei ktư̆ yơ̆ng.

Y-Đaniel 10:11 Iomraidhean Croise

Y-Yôp 37:1

“Hmư̆ klei anei ai tiê kâo yơ̆ng, leh anăn kpư̆ čiăng kbiă mơ̆ng anôk gơ̆.

Klei Mmuñ Hđăp 45:11

Mtao srăng khăp kơ klei siam ih. Kyuadah ñu jing khua ih, buôn kkuh bĕ kơ ñu.

Klei Mmuñ Siam Hĭn 7:10

Kâo jing dŏ pô kâo khăp, leh anăn ñu čiăng knŏng kơ kâo mơh.

Y-Êsêkiêl 14:14

wăt tơdah tlâo čô êkei anei, Y-Nôê, Y-Đaniel, leh anăn Y-Yôp, dôk hlăm čar anăn, digơ̆ dưi bi mtlaih knŏng digơ̆ pô kyua klei kpă ênô digơ̆, Yêhôwa Aê Diê lač.

Y-Êsêkiêl 2:1

Ñu lač kơ kâo, “Ơ anak mnuih, kgŭ dơ̆ng bĕ leh anăn Kâo srăng blŭ kơ ih.”

Y-Đaniel 10:19

Ñu lač, “Đăm huĭ ôh, Ơ pô arăng khăp snăk, dôk êđăp ênang bĕ; dôk ktang, bi mđĭ ai bĕ.” Tơdah ñu blŭ kơ kâo, kâo lŏ mâo ai ktang leh anăn kâo lač, “Ơ, brei khua kâo blŭ bĕ, kyuadah ih bi ktang kâo leh.”

Y-Đaniel 10:3

Kâo amâo ƀơ̆ng mnơ̆ng jăk ôh, kăn mâo čĭm amâodah kpiê rei mŭt hlăm ƀăng êgei kâo, kăn kâo mia êa mñak rei êjai jih tlâo hruê kăm anăn.

Y-Markôs 16:8

Snăn diñu kbiă mơ̆ng msat mtam leh anăn êran đuĕ, kyuadah diñu ktư̆ asei mlei leh anăn bi kngăr. Diñu amâo hưn kơ arăng ôh kyuadah diñu huĭ. [

Y-Yôhan 13:23

Sa čô hlăm phung ƀĭng kna, pô Yêsu khăp, knang boh kŏ ñu ti đah da Yêsu.

Y-Yôhan 21:20

Y-Pêtrôs wir dlăng ƀuh ƀĭng kna Yêsu khăp tui hlue diñu, pô anăn knang leh ti đah da Yêsu êjai diñu dôk ƀơ̆ng huă leh anăn lač kơ Yêsu, “Ơ Khua Yang, hlei pô srăng lhiăr kơ ih?”

Bruă Phung Khua Ƀĭng Kna 26:16

Ƀiădah kgŭ bĕ leh anăn dôk dơ̆ng; kyuadah Kâo bi êdah kơ ih kyua kơ klei anei, čiăng mjing ih pô mă bruă leh anăn pô hưn bi sĭt jih jang klei ih ƀuh Kâo leh hruê anei, leh anăn wăt kơ klei kâo srăng bi êdah kơ ih,

Bruă Phung Khua Ƀĭng Kna 9:6

Kgŭ bĕ mŭt hlăm ƀuôn, leh anăn arăng srăng lač kơ ih ya klei ih srăng ngă.”